Amalumbo
Ilumbo pali Solomone.
72 Mwe Lesa, lengeni imfumu* ipingule ukulingana no bupingushi bwenu,
Kabili peeleni imfumu ubulungami bwenu.+
3 Impili nashilete umutende ku bantu,
Kabili utupili natulete ubulungami.
4 Lekeni acingilile* abashakwata bakubafwa,
Lekeni apusushe abana ba bapiina,
Kabili lekeni ashonaule aba bucenjeshi.+
5 Filya fine akasuba kabako umuyayaya
Kabili filya fine umweshi wabako umuyayaya,
E fyo abantu bobe nabo bakulakutiina umuyayaya.+
7 Ilyo akalateka, abalungami bakapuuka nge cani,+
No mutende ukaba konse+ kabili ukatwalilila ukubako nga filya umweshi utwalilila ukubako.
8 Kabili akalateka ukufuma kuli bemba imo ukufika kuli bemba imbi
10 Imfumu sha ku Tarshishi ne sha pa fishi shikaleta imituulo.+
Imfumu sha ku Sheba ne sha ku Seba shikaleta ifya bupe.+
11 Imfumu shonse shikamukontamina,
Kabili inko shonse shikamubombela.
12 Pantu akapususha umupiina uulepunda mutuule,
Kabili akapususha uo balecusha e lyo no uushakwata bakumwafwa.
13 Akomfwila uluse uo bacusha no mupiina,
Kabili akapususha imyeo ya bapiina.
14 Akabapususha* ku bankalwe na kubacusha abantu,
Kabili umulopa wabo akalaumona ukuti walicindama nga nshi.
15 Lekeni abe no mweo kabili bamupeele golde ya ku Sheba.+
Nabalemupepelako lyonse,
Kabili abe uwapaalwa akasuba konse.
Ifisabo fya iko fikatwalisha nge fisabo fya mu Lebanone,+
Kabili abantu bakafula mu misumba nge cani ca pano isonde.+
Abantu nabapaalilwe muli ena,+
Inko shonse nashimwebe ukuti wa nsansa.
19 Ishina lyakwe ilya bukata nalilumbanishiwe umuyayaya,+
Kabili pano isonde ponse+ napabe ubukata bwakwe.
Ameni, Ameni.