Amalumbo

Ulwimbo.

98 Imbileni Yehova ulwimbo ulupya,+

Pantu alicita ifya kupapusha.+

Ukuboko kwakwe ukwa ku kulyo, ukuboko kwakwe ukwa mushilo, nakutupususha.*+

2 Yehova nalenga abantu baishiba ukuti alapususha;+

Nalenga inko shamona ubulungami bwakwe.+

3 Naibukisha ifyo alaile ukuti akalanga aba mu ng’anda ya kwa Israele ukutemwa ukushipwa, kabili akaba uwa cishinka kuli bena.+

Impela shonse isha pano isonde shilamona ifyo Lesa apususha abantu bakwe.*+

4 Welesheni kabili lumbanyeni Yehova, mwe bantu bonse pano isonde.

Sansamukeni, sekeleleni kabili imbeni amalumbo.*+

5 Imbileni Yehova amalumbo* ninshi mulelisha insango,

Lisheni insango uku ninshi mulemwimbila amalumbo.

6 Welesheni pa ntanshi ya Mfumu Yehova kabili mulumbanyeni,+

Uku ninshi mulelisha amapenga ne ntandala.

7 Lekeni bemba na fyonse ifyabamo fimulumbanye,

Isonde na fyonse ifyabapo na fyo nafimulumbanye.

8 Imimana naitoote;

Ne mpili na sho nashisekelele pamo+

9 Pa ntanshi ya kwa Yehova, pantu aleisa* mu kupingula isonde.

Akapingula aba pano isonde mu bulungami+

Kabili akaba no mulinganya ilyo akalapingula abantu bonse.+