Amalumbo
Ku mukalamba wa bakemba ba pali Yedutuni.*+ Ulwimbo lwa kwa Davidi.
Nkafimba pa kanwa kandi pa kuti nkakacingilile+
Ilyo umubifi ali apo ndi.”
2 Nshalelandapo nangu cimo, naikele fye tondolo;+
Nangu ni pa fisuma nshalelandapo nangu cimo,
Lelo naleumfwa sana ububi.
Ilyo naletontonkanyapo* naleumfwa kwati umulilo ulengoca.
Lyena ululimi lwandi lwalandile ati:
4 “Mwe Yehova, lengeni njishibe ifyo impela yandi ikaba,
No bwingi bwa nshiku shandi,+
Pa kuti njishibe ifyo ubumi bwandi bwaipipa.
Nangu umuntu engamoneka kwati ifyabipa te kuti fimucitikile, aba fye ngo mupu kuli imwe.+ (Selah)
6 Ubumi bwa muntu bupita nge cinshingwa.
Fyonse ifyo acita* aicusha fye.
Alalonganika icuma, lelo teshiba uukacilya.+
7 Nomba cinshi ico nde-enekela mwe Yehova?
Nimwe fye nacetekela.
8 Mpokololeni ku filubo fyandi fyonse.+
Mwileka umuwelewele ansaalule.
10 Fumyeni icinkunka cenu pali ine.
Amaka yandi nayapwa pa mulandu wa kuti ukuboko kwenu kulanguma.
11 Mulakanda umuntu pa kumulungika pa cilubo acitile;+
Mulonaula ifyo amona ukuti fyalicindama, nga filya icipelebesha ca bushiku cicita.
Ukwabula no kutwishika umuntu aba fye ngo mupu kuli imwe.+ (Selah)
Mwisuula ifilamba fyandi.
Pantu ndi ngo mweni kuli imwe,+
Ndeikala fye inshiku ishinono nga filya ifikolwe fyandi fyonse fyaikele.+
13 Mwindolesha bukali bukali, pa kuti nsansamuke
Ilyo nshilafwa no kuloba.”