Yeremia
51 Yehova alanda ati:
2 Nkatuma aba kwela Babiloni,
Kabili bakamwela nga filya bela ingano, akashala icibolya;
Bakafuma konse konse pa kumulwisha mu bushiku bwa bucushi.+
3 “Uwaishiba ukubomfya ubuta etiinta* ubuta bwakwe.
Kabili umuntu nangu umo eiminina ninshi nafwala ica kucinga icifuba.
“Mwiumfwila abalumendo bakwe uluse.+
Mwipaye abashilika bakwe bonse.
4 Kabili bakawa no kufwila mu calo ca bena Kaldi,
Mu misebo yakwe e mo bakabalashila amafumo ica kuti yakapula na mu mibili yabo.+
5 “Pantu Yehova wa mabumba+ taasha Israele na Yuda, tababa nga bamukamfwilwa.
Lelo Uwa Mushilo uwa kwa Israele amona icalo cabo* ukuti ca mulandu.
Mwifwila pa membu shakwe.
Pantu ni nshita ya kuti Yehova alandule.
Alemukanda pa fyo acita.+
7 Babiloni aba nga kapu ya golde mu minwe ya kwa Yehova;
Alilengele inko shonse isha pe sonde shakolwa.
8 Babiloni nawa mu kupumikisha kabili nabongoloka.+
Muloosheni!+
Mutwalileni balsamu ya kunashako ubukali bwakwe; nalimo kuti apola.”
9 “Twalyeseshe ukundapa Babiloni, lelo tapolele.
Musheni, natuleya cila muntu ku calo cakwe.+
Pantu umulandu bamupingwililepo walifika mu myulu;
Walifika mu makumbi.+
10 Yehova natucitila icalungama.+
Natuleya tuyeshimika mu Sione ifyo Yehova Lesa wesu acita.”+
11 “Nooneni imifwi;+ Buuleni inkwela.*
Yehova nacincisha imitima ya mfumu sha bena Madai,+
Pantu alefwaya ukonaula Babiloni.
Pantu Yehova alelandula, alelandwilako itempele lyakwe.
12 Imisheni ifibumba fya Babiloni icishibilo.+
Fusheni aba kulonda, bikeniko bamalonda.
Pekanyeni aba kubelamina abantu.
Pantu Yehova napanga ifya kucita,
Kabili akacita ifyo alandile pa bekala mu Babiloni.”+
13 “We mwanakashi uwaikala pa menshi ayengi,+
We wakwata ifyuma ifingi,+
Impela yobe naifika, inshita yobe iya kuleka ukunonka ifyuma naifika.+
14 Yehova wa mabumba nailapa umwine* ati,
‘Nkesusha abantu muli imwe nga makanta,
Kabili bakalaimba inyimbo ninshi balesekelela pantu bakakucimfya.’+
15 E wapanga isonde ku maka yakwe,
E wapanga icalo ku mano yakwe,+
Kabili e wayansa imyulu pa mulandu wa kuti aleluka nga nshi.+
16 Nga alenga ishiwi lyakwe lyaumfwika,
Amenshi mu myulu yalalulunkana,
Kabili alenga amakumbi* yaima ukufuma ku mpela she sonde.
17 Umuntu onse acita ifintu ukwabula ukutontonkanyapo kabili tamuba amano mu fyo acita.
Onse uufula ifyela bakamuseebanya pa mulandu ne cilubi ico apanga;+
Pantu icilubi ca cela* ico apanga ca bufi,
18 Fyena tafyaba kantu,*+ mulimo wa kusekwa.
Ilyo ubushiku bwa kufikanda bukesa, fikaloba.
19 “Lesa wa kwa Yakobo taba nge fi ifilubi,
Pantu ena e wapangile ifintu fyonse,
E wapangile ne nkonto ya bupyani bwakwe.+
Yehova wa mabumba e shina lyakwe.”+
Kabili niwe nkonawilako amabufumu.
21 Niwe nkatobawilako kabalwe no uninapo.
Niwe nkatobawilako iceleta lya nkondo no uninamo.
22 Niwe nkatobawilako umwaume no mwanakashi.
Niwe nkatobawilako umukote no mwaice,
Niwe nkatobawilako umulumendo no mukashana.
23 Niwe nkatobawilako kacema ne mpaanga shakwe.
Niwe nkatobawilako umulimi ne nama shakwe isha kuliminako,
Niwe nkatobawilako intungulushi ne nkonkani sha shiko.
24 Kabili nkakanda Babiloni na bonse abekala mu Kaldi
Pa fyabipa ifyo bacitile mu Sione ninshi mulemonako,”+ e fyo Yehova alanda.
Nkatambalika ukuboko kwandi pali iwe no kukukunkulusha ukukufumya pa fimabwe
Kabili nkalenga ukabe ulupili ulwapya.”
26 “Abantu tabakabuule muli iwe ilibwe lya kubika pa koona nangu ilibwe lya kubika mu mufula,
Pantu ukaba icibolya umuyayaya,”+ e fyo Yehova alanda.
27 “Imyeni icishibilo mu calo.+
Lishisheni inko intandala.
Sonteni* inko isha kumulwisha.
Mwitileni amabufumu ya ku Ararati,+ ku Mini na ku Ashikenasi+ pa kuti yese yamulwishe.
Iteni umushilika pa kuti ese amulwishe.
Lekeni bakabalwe bese kuli ena nga makanta iyana.
28 Musonteleni* inko sha kuya mu kumulwisha,
Imfumu sha ku Madai,+ intungulushi ne nkonkani sha shiko shonse
Ne fyalo fyonse ifyo shiteka.
29 Isonde likatenkana kabili likatutuma,
Pantu ifyo Yehova atontonkanya pali Babiloni fikacitika
Akalenga icalo ca Babiloni cikabe ica kutiinya, tamwakekale nangu umo.+
30 “Abashilika abena Babiloni nabaleka ukulwa.
Bekele fye mu fifulo fyabo ifyacingililwa.
Amaka yabo nayapwa.+
Bali nga banakashi.+
Amayanda yakwe nabayoca.
Imipindo yakwe nabaikontaula.+
31 “Uutwala ilyashi akumanya uutwala ilyashi munankwe,
Ne nkombe yakumanya inkombe inankwe,
Pa kuti baye-eba imfumu ya ku Babiloni ati umusumba wa iko onse nabaupoka,+
32 No kuti ifyabu nabafipoka,+
Amato ya macinda nabayoca,
Kabili abashilika bali no mwenso.”
33 Pantu Yehova wa mabumba, Lesa wa kwa Israele alanda ati:
“Umwana mwanakashi Babiloni aba nga pa kupumina ingano.
Ni nshita ya kumunyantaula mpaka akosa.
Nomba line inshita ya kumusombola yalafika.”
Nainteka panshi nge cipe umushili ifintu.
Nayimina nge cisoka icikalamba;+
Naisusha ifintu fyandi ifisuma mu lufumo lwa iko.
Naimpoosa.
35 ‘Ulukaakala ulo bacitile kuli ine nalube pali Babiloni!’ e fyo uwikala mu Sione+ alanda.
‘Kabili umulopa wandi naube pa bekala mu Kaldi!’ E fyo Yerusalemu alanda.”
36 E ico Yehova alanda ati:
Nkakamya bemba yakwe ne fishima fyakwe.+
37 Kabili Babiloni akaba imiina ya mabwe,+
E mukalaikala bamumbwe,+
Akaba ica kutiinya kabili ica kulishisha umunsoli,
Tamwakekale nangu umo.+
38 Bonse bakabuluma nge nkalamo ishana.*
Bakabuluma ngo twana twa nkalamo.”
39 “Ilyo bakomfwa bwino, nkabapekanishisha umutebeto kabili nkalenga bakakolwe,
Pa kuti bakasansamuke;+
Lyena bakalaala utulo twa muyayaya,
Tabakashibuke nakalya,”+ e fyo Yehova alanda.
40 “Nkabatwala nga filya batwala impaanga ishana mu kushipaya,
Nge mpanga ishilume pamo ne mbushi.”
Iye, ifyo Babiloni asanguka ica kutiinya mu nko!
42 Bemba naipita pali Babiloni.
Amabimbi ya pali bemba ayengi nayamufimba.
43 Imisumba yakwe naisanguka ica kutiinya, ili nge calo icauma kabili nge ciswebebe.
Ili nge calo umo umuntu nangu umo ashingekala kabili umo umuntu nangu umo ashingapita.+
Inko shikaleka ukuya kuli ena.
Kabili ilinga lya Babiloni likabongoloka.+
45 “Fumeni muli ena, mwe bantu bandi!+
Pususheni imyeo yenu+ ku bukali bwa kwa Yehova ubulebilima ngo mulilo.+
46 Mwikomfwa umwenso kabili mwikafuupuka pa lyashi ilyo mukomfwa mu calo.
Mu mwaka umo mukomfwa ili lyashi,
Kabili mu mwaka ukakonkapo mukomfwa ilyashi limbi,
Mu calo mukaba ulukaakala kabili intungulushi ikemina intungulushi inankwe.
47 E ico moneni! inshiku shileisa,
Ilyo nkakanda ifilubi fya mu Babiloni.
Icalo cakwe conse cikaseebana,
Kabili abantu bakwe bonse abo bakepaya bakawila muli ena.+
48 “Imyulu ne sonde na fyonse ifyabamo
Fikasekelela pa mulandu ne fikacitikila Babiloni,+
Pantu abakamonaula bakafuma ku kapinda ka ku kuso,”+ e fyo Yehova alanda.
49 “Babiloni alilengele abena Israele abo baipeye bawa+
Alilengele na bonse abo baipeye mu calo bawa.
50 “Mwe bapusuka ku lupanga, twalilileni ukuya, mwi-iminina!+
Ibukisheni Yehova mwe baba ukutali,
Kabili ibukisheni Yerusalemu.”+
51 “Natuseebana pantu natumfwa amashiwi ya kupumya.
Umuseebanya naufimba ifinso fyesu,
Pantu aba ku fyalo fimbi* nabesa mu kulwisha ififulo fya mushilo ifya mu ng’anda ya kwa Yehova.”+
52 “E ico moneni! inshiku shileisa,” e fyo Yehova alanda,
“Ilyo nkakanda ifilubi fyakwe,
Kabili mu calo cakwe conse abo bacenene bakalateta.”+
53 “Nangu Babiloni engaya mu muulu,+
Nangu engakosha amalinga yakwe,
Aba kumonaula bakafuma kuli ine,”+ e fyo Yehova alanda.
54 “Umfweni! Kuleumfwika imisowa ku Babiloni,+
Kuleumfwika icongo ca bonaushi ubukalamba ku calo ca bena Kaldi,+
55 Pantu Yehova alaonaula Babiloni,
Akatalalika ishiwi lyakwe ilikalamba,
Kabili icongo ca balwani bakwe cili nge congo ca mabimbi ya pali bemba.
Amashiwi yabo yakomfwika.
56 Pantu uukonaula Babiloni akesa,+
Abashilika bakwe bakabekata,+
Amata yabo bakayakontaula,
Pantu Yehova ni Lesa uulandula.+
Nangu cibe shani akalandula.+
57 Nkalenga intungulushi shakwe na bantu bakwe aba mano bakakolwe,+
Nkalenga ne ntungulushi shimbi ne nkonkani sha shiko na bashilika bakwe bakakolwe,
Kabili bakalaala utulo twa muyayaya,
Tabakashibuke nakalya”+ e fyo Imfumu yalanda, iyo ishina lyaiko ni Yehova wa mabumba.
58 Yehova wa mabumba alanda ati:
“Nangu ca kuti ilinga lya Babiloni likalamba, bakalibongolola lyonse,+
Kabili nangu ca kuti impongolo shakwe shitali, bakashoca.
Abantu bakalaculila apa fye;
Kabili fyonse ifyo inko shikaculila fikapya ku mulilo.”+
59 Aya e mashiwi kasesema aebele Seraya umwana wa kwa Neria,+ umwana wa kwa Maaseya, ilyo aile ne Imfumu Sidekia iya ba Yuda ku Babiloni mu mwaka walenga 4 ukutula apo yatendekeele ukuteka; Seraya e walesunga ifintu fya mfumu. 60 Yeremia alembele mwi buuku limo ifyabipa fyonse ifyali no kucitikila Babiloni, amashiwi yonse aya ayo alembele pali Babiloni. 61 Yeremia aebele Seraya ati: “Nga wafika ku Babiloni no kumona uyu umusumba, ukabelenge aya amashiwi yonse ninshi nausansula ishiwi. 62 Lyena ukalande auti, ‘Mwe Yehova, mwalandile ukuti cino cifulo bakaconaula kabili takuli nangu umo uukalaikalamo, tamwakulaikala abantu nelyo inama, kabili cikaba icibolya umuyayaya.’+ 63 Kabili nga wapwisha ukubelenga ili buuku, ukakakileko ilibwe e lyo ukalipoose pa kati ka mumana wa Yufrate. 64 Lyena ukalande auti, ‘Ifi e fyo Babiloni akebila kabili takebuke na kabili,+ pa mulandu no bucushi ubo ndeleta pali ena; kabili abekala muli ena bakatompoka.’”
Pano e papelela amashiwi ya kwa Yeremia.+