Amalango
33 Nomba ili e paalo ilyo Mose umuntu wa kwa Lesa wa cine apaalile abena Israele ilyo ashilafwa.+ 2 Atile:
“Yehova afumine+ ku Sinai,
Kabili abyashishe pali bena mu Seiri.
Amoneke mu bukata bwakwe mu calo ca mpili ica Parani,+
Kabili ali pamo ne minshipendwa+ ya ba mushilo,
Ku kwa ku kulyo kwakwe kwali abashilika bakwe.+
5 Kabili Lesa aishileba imfumu mu Yeshuruni,*+
Ilyo intungulushi sha bantu shalongene,+
Pamo ne mikowa yonse iya bena Israele.+
“Mwe Yehova, umfweni ishiwi lya kwa Yuda,+
Kabili mubwesesheni ku bantu bakwe.
Nacingilila ifintu fyakwe ku maka yakwe,
Kabili mwafweni ilyo alelwa na balwani bakwe.”+
Watendeke ukulwa nankwe pa menshi ya Meriba,+
9 Abantu abaebele bashibo na banyinabo abati, ‘Nshabacindamika.’
Nangu fye ni bamunyinabo tababeshibe,+
Kabili tabaishibe na bana abo baifyalile.
Pantu basungile amashiwi yenu,
Kabili basungile icipangano cenu.+
Lekeni boce ububani pa kuti bumuletele akacena akasuma*+
Batuule no mutuulo uutuntulu pa ciipailo+ cenu.
11 Mwe Yehova, bapeeleni amaka,
Kabili sekeleleni mu milimo yabo.
Shonauleni amolu ya bantu ababemina,
Pa kuti ababapata bekatala ababeminapo.”
“Lekeni uo Yehova atemwa ekale nankwe umutende;
Ilyo alemucingilila akasuba konse,
Akekala pa kati ka mabeya yakwe.”
“Yehova+ engalapaala icalo cakwe
Muleba ifisuma ifya mu muulu,
Umume na menshi ayengi aya mu tumfukumfuku,+
14 Ifisuma ififuma ku kasuba
Ne fisabo ifingi cila mweshi,+
15 Ifyawamisha ifya mu mpili+ sha kale,*
Ne fisuma ifya mu tupili twa muyayaya,
16 Ifisuma ifya pe sonde ne fyabapo,+
Lekeni Uwali mu cimpusa ca myunga+ asuminishe.
17 Ubucindami bwakwe bwaba ngo bwe beli lya ng’ombe iilume,
Kabili insengo shakwe shaba nge nsengo sha mboo.
Esho akatamfishako* abantu abengi
Bonse pamo ku mpela she sonde.
E minshipendwa ya kwa Efraimu,+
Kabili e makana ya kwa Manase.”
19 Baketa abantu abengi ku lupili.
E ko bakatuulila amalambo ya bulungami.
Pantu bakakwata* ifyuma ifingi nga nshi ifya muli babemba
Ne fyuma ifyashiikama mu mucanga.”
“Abe uwapaalwa uulekusha imipaka ya kwa Gadi.+
Ekala kulya nge nkalamo,
Naipekanya ukulepaula ukuboko ne cilongwe ca ku mutwe.
Intungulushi sha bantu shikalongana pamo.
Akalacita ifyo Yehova alanda ukuti e fyalungama,
Kabili akalakonka ubupingushi bwakwe pamo na Israele.”
“Dani mwana wa nkalamo.+
Akaciluka ukufuma mu Bashani.”+
“Yehova namutemwa nga nshi
Kabili namupaala nga nshi.
Ikala ku masamba na ku kapinda ka ku kulyo.”
“Lesa alipaala Ashere na bana abengi.
Lekeni bamunyina bamutemwe,
Kabili nalenyanta* amakasa yakwe mu mafuta.
26 Takwaba uwaba nga Lesa wa cine+ uwa kwa Yeshuruni,+
Uupita mu muulu pa kwisa mu kukwafwa
Kabili uwendela pa makumbi mu bucindami bwakwe.+
28 Israele akekala umutende,
Kabili akamfukumfuku ka kwa Yakobo kakacingililwa
Mu calo ca ngano no mwangashi,+
Imyulu ya ciko ikalatonya umume.+