Amalumbo
Ku mukalamba wa bakemba. Ulwimbo lwa bana baume ba kwa Kora.+
49 Umfweni ifyo ndelanda mwe bantu bonse.
Kutikeni imwe bonse mwe bekala mu calo,*
2 Mwe bantu yaweyawe na mwe bashimucindikwa,*
Mwe bakwata ifyuma na mwe bapiina.
4 Nkabika amano kwi pinda;
Nkelula ubwile ninshi ndelisha insango.
5 Nshakatiine mu nshita nkaba na mafya,+
Ilyo ababifi bakanshinguluka kabili ilyo bakalafwaya ukuncimfya.
Kabili abayumfwa pa mulandu wa kuti balikwata ifyuma ifingi,+
7 Pali aba tapali nangu umo uwingalubula umunankwe
Nelyo uwingapeela Lesa icilubula pa kuti alubule umunankwe,+
8 (Umutengo wa kulubwilako imyeo yabo ukalamba nga nshi
Te kuti bakumanishe ukulipila)
10 Alamona ukuti na ba mano balafwa;
Uwatumpa no ushakwata amano bonse balafwa,+
Kabili ifyuma fyabo fishala fya bantu bambi.+
11 Bafwaya ukuti amayanda yabo yakabeko umuyayaya,
Amatenti yabo yakabeko ku nkulo shonse.
Impanga shabo bashinika amashina yabo.
14 Bakabapingwila ukuya ku Nshiishi,* nge mpaanga isho baleya mu kwipaya.
Imfwa e ikabacema;
Abalungama bakabateka+ ulucelo.
16 Witiina pa mulandu wa kuti umuntu anonka icuma,
Pa mulandu wa kuti ing’anda yakwe yacindaminako,
17 Pantu nga afwa takasendepo nangu cimo;+
Takaye no bukata bwakwe ku nshiishi.+
18 Pantu ilyo ashilafwa alaitasha.*+
(Abantu balalumbanya umuntu nga anonka icuma.)+
19 Lelo alasuka aya ukwaya ifikolwe fyakwe.
Tabakatale abamonapo ulubuuto.