Yeremia
5 Pitaneni mu misebo ya mu Yerusalemu.
Muloleshe bwino bwino.
Mufwaye mu mansa shakwe
Pa kuti mumone nga mwaliba umuntu uwaba no mulinganya,+
Uufwaya ukuba uwa cishinka muli fyonse,
Nga mwamusanga ninshi Yerusalemu nkamwelela.
2 Nangu balanda abati: “Na pali Yehova!”
Ninshi balapa fye ubufi.+
3 Mwe Yehova, bushe amenso yenu tayalolesha pa baba ne cishinka?+
Mwalibakandile, lelo taba-alwike.*
Mwalibonawile, lelo balikeene ukumfwa ilyo mwabasalapwile.+
4 Lelo nalandile mu mutima wandi nati: “Kwena aba bantu bafwile ba panshi.
Bacita ifya buwelewele, pantu tabaishiba inshila ya kwa Yehova,
Ubupingushi bwa kwa Lesa wabo.
5 Nkaya kuli bashimucindikwa nkayelanda nabo,
Pantu bafwile balishiba inshila sha kwa Yehova,
Ubupingushi bwa kwa Lesa wabo.+
Lelo bonse balikontola ikoli
Kabili baliputaula intambo.”
6 E mulandu wine inkalamo ya mu mutengo ibasanshila,
E co umumbulu wa mu ciswebebe ubatakanishisha,
Ne mbwili ibabelamina kunse ya musumba.
Onse uwafuma mu musumba ilamusantaula.
Pantu ifilubo fyabo fingi nga nshi;
Kabili imembu shabo shalifula.+
7 Kuti nakweleela shani?
Abana bobe balinsha,
Kabili balapila muli Lesa wa bufi.+
Nalebapeela ifyo balekabila,
Lelo batwalilile fye ukucita ubucende,
Kabili baleya ku ng’anda ya kwa cilende.
9 “Bushe nshifwile ukubalubulwisha pali ifi bacita?” e fyo Yehova alanda.
“Bushe nshifwile ukulandula ulu luko?”*+
Muputule utumisambo twakwe utushilakosa,
Pantu te twa kwa Yehova.
11 Pantu aba mu ng’anda ya kwa Israele na ba mu ng’anda ya kwa Yuda
Tababa ne cishinka kuli ine,” e fyo Yehova alanda.+
Ubucushi tabwakese pali ifwe;
Tatwakamone ulupanga nelyo icipowe.’+
Ifi nafibacitikile!”
14 E ico Yehova Lesa wa mabumba, alanda ati:
“Apo aba bantu balelanda ifi,
Ndelenga amashiwi yandi yabe umulilo mu tunwa twenu,+
Kabili aba bantu ni nkuni,
Umulilo ukaboca.”+
15 “Ndemuletela uluko ulwaba ukutali, mwe ba mu ng’anda ya kwa Israele,”+ e fyo Yehova alanda.
“Uluko ulwabako ukutula na kale.
16 Umufuko wabo uwa mifwi waba nge nshiishi iyacenama;
Bonse bashilika.
17 Bakalya ifyo mukasombola e lyo no mukate wenu.+
Bakepaya abana benu abaume na bana benu abanakashi.
Bakepaya impaanga shenu ne ng’ombe shenu.
Bakonaula ifimuti fyenu ifya myangashi ne fimuti fyenu ifya mikunyu.
Bakabomfya ifyanso pa konaula imisumba yenu iya malinga iyo mwacetekelamo.”
18 Yehova alanda ati, “Lelo na muli shilya shine nshiku, nshakamonaule bonse.+ 19 Kabili nga bamwipusha abati, ‘Cinshi Yehova Lesa wesu acitila ifi fyonse kuli ifwe?’ mufwile ukubasuka amuti, ‘Nga filya fine mwanshile, mwatendeka ukupepa lesa wa ku calo cimbi mu calo cenu, e fyo mukaya mu kubombela aba ku fyalo fimbi mu calo icishili cenu.’”+
20 Bilisheni ici ku ba mu ng’anda ya kwa Yakobo,
Kabili bileni mu Yuda amuti:
21 “Umfweni ifi mwe bawelewele kabili abashakwata amano:*+
22 ‘Bushe tamuntiina?’ e fyo Yehova alanda,
‘Bushe tamufwile ukututuma pa ntanshi yandi?
Nine nabikile umucanga ukuti ube umupaka wa bemba,
Icipope ca muyayaya ica kuti bemba taifwile ukupita pa mucanga.
Nangu amabimbi yengema shani, te kuti yapite pa mucanga;
Nangu yengesa shani na maka, te kuti yapitepo.+
23 Lelo aba bantu bakwata umutima uushumfwa kabili uwa bucipondoka;
Balinsha kabili bakonka inshila yabo.+
24 Kabili tabalanda mu mitima yabo abati:
“Nomba natutiine Yehova Lesa wesu,
Uulenga imfula yalaloka mu nshita ya iko,
Imfula ya kubangilila ne ya kulekelesha,
Uulenga kwaba imilungu ya kusombolamo ifilimwa.”+
26 “Pantu pa bantu bandi pali abacita ifyabipa.
Kabili balabelamina abantu, filya abekata ifyuni bafibelamina.
Balateya iciteyo icipaya.
Abantu e bo bekata.
E co bakwatila sana amaka ne fyuma.
28 Baliina kabili balitelela;
Balacita ifyabipa ifingi.
29 “Bushe nshifwile ukubalubulwisha pali ifi bacita?” e fyo Yehova alanda.
“Bushe nshifwile ukulandula ulu luko?*
30 Icintu cabipa kabili ica kupapusha nacicitika mu calo:
Kabili abantu bandi balitemwa ifyo bacita.+
Lelo finshi mukacita impela nga yaisa?”