Amalumbo
IBUUKU LYALENGA BUTATU
(Amalumbo 73-89)
Ulwimbo lwa kwa Asafi.+
73 Cine cine Lesa musuma kuli Israele, ku basanguluka imitima.+
2 Lelo ine, kwashele fye kwempe amakasa yandi nga yalifumine mu nshila;
Kwashele fye panono amakasa yandi nga yalishelemwike.+
7 Mu menso yabo mwalingila pa mulandu wa kuti balekala bwino;*
Ifyo bakwata fyalicila na pa fyo imitima yabo yale-elenganya.
8 Balapumya kabili balalanda ifyabipa.+
Balaba ne cilumba ilyo baletiinya abantu ukuti bakalabacusha.+
9 Balanda kwati baba apasansuka nga filya umuulu wasansuka,
Kabili ululimi lwabo lwenda cilumba cilumba pano isonde.
11 Balanda abati: “Bushe Lesa eshiba shani?+
Bushe cine cine Uwapulamo alishiba fyonse?”
12 Aba e babifi abashakwata ica kubasakamika nangu cimo.+
Bakwatilako fye ifyuma.+
13 Kanshi naicusha fye ifi nasangulula umutima wandi
Ne fi nasamba iminwe yandi pa kulanga ukuti ndi wa kaele.+
16 Ilyo nalefwaya ukwishiba icalenga cibe ifi,
Naleumfwa ububi
17 Mpaka ilyo naingile mu cifulo ca mushilo ica kwa Lesa,
Kabili nalilwike ifikacitikila ababifi.
18 Ukwabula no kutwishika mwababika apatelela.+
Mulenga bawa no konaika.+
Mu kupumikisha ubucushi bwabaponena kabili bafwa!
20 Nga filya umuntu alaba iciloto alotele nga abuuka,
E fyo na imwe mwe Yehova mukabalaba* nga mwabuuka.
22 Nshaletontonkanya bwino kabili nshaishibe ifyo ifintu fyali;
Pa cinso cenu nali fye nge cinama icishakwata mano.
25 Mu muulu tamwaba umbi uo mona ukuti alicindama ukucila imwe,
Kabili apo mwaba na ine, takwaba cimbi ico nkabila pano isonde.+
26 Umubili wandi no mutima wandi kuti fyanaka,
Lelo Lesa e ukosha umutima wandi kabili ni Lesa wandi umuyayaya.+
27 Nangu cibe shani abaitalusha kuli imwe bakaloba.
Mukalofya* bonse abamusha+ pa mulandu wa kuti balacita ubucende.*
28 Lelo ine nalimona ukuti ukupalama kuli Lesa kusuma.+
Muli Shikulu Mulopwe Yehova e mo nauba,
Pa kuti mbilishe fyonse ifyo mwacita.+