Amalumbo
3 Pantu akakupususha ku citeyo ca wikata ifyuni,
Na ku cikuko.
Icishinka cakwe+ cikaba inkwela iikalamba kabili icibumba ica kukucingilila.+
5 Tawakatiine ifyo abantu batiina ubushiku,+
Nelyo umufwi uulepupuka akasuba,+
6 Tawakatiine ne cikuko icisalangana mu mfifi,
Nelyo icinkunka icipaya mu nshita ya kasuba.
7 Abantu 1,000 bakawila ku mbali yobe
Na bantu 10,000 bakawila ku kwa kulyo kobe,
Lelo iwe ifi ifyabipa tafyakakucitikile.+
8 Iwe ukalalolesha fye
Ilyo ababifi bakalabakanda.
9 Apo watile: “Yehova e cubo candi,”
Naulenga Uwapulamo aba icifulo cobe ica kwikalamo;*+
10 Takwakabe ubucushi ubukakuponena,+
Kabili icikuko tacakapalame kwi tenti lyobe.
13 Ukanyanta pa nkalamo iyana na pa nsoka ya busungu sana;*
Ukanyanta pa nkalamo iyana iya masense na pa nsoka iikalamba.+
14 Lesa alandile ati: “Apo alintemwa,* nkamupususha.+
Nkamucingilila pantu alishiba ishina lyandi.+
15 Akalilila kuli ine, kabili nkamwasuka.+
Nkaba nankwe ilyo akalacula.+
Nkamupususha kabili nkamucindamika.