Amalumbo
Ku mukalamba wa bakemba; ulwa “Nkunda Iyaba Tondolo Kabili Iyaba Ukutali.” Ulwimbo lwa kwa Davidi. Miktamu.* Ilyo abaPelishiti bamwikete mu Gati.+
56 Ng’umfwileni uluse mwe Lesa, pantu abantunse abena kufwa balensansa.*
Cila bushiku balalwa na ine kabili balancusha.
2 Abalwani bandi balansansa akasuba konse;
Abengi ababa ne cilumba balalwa na ine.
3 Nga naumfwa umwenso+ ndamucetekela.+
4 Nalicetekela Lesa, ndamulumbanya pa cebo cakwe
Lesa e o nacetekela; Nshitiina.
7 Bakaaneni pa mulandu wa fyabipa ifyo bacita.
Wisheni inko mwe Lesa ninshi namukalipa.+
8 Mulamona ifyo ncula ilyo ndebutauka.+
Bikeni ifilamba fyandi mu nyambi yenu.+
Bushe tamwapenda ifilamba fyandi no kufilemba mwi buuku lyenu?+
9 Abalwani bandi bakafulumuka pa bushiku nkalilila kuli imwe ukuti mungafwe.+
Nalicetekela ukuti Lesa ali na ine.+
10 Nalicetekela Lesa, ndamulumbanya pa cebo cakwe
Nalicetekela Yehova, ndamulumbanya pa cebo cakwe
Cinshi umuntu engancita?+