Amalumbo
Ku mukalamba wa bakemba ba pali Yedutuni.* Ulwimbo lwa kwa Asafi.+
2 Mu bushiku ndecula, nafwayafwaya Yehova.+
Mu nshita ya bushiku, nafungulwila amaboko yandi kuli ena ukwabula ukuleka.*
Takuli icingansansamusha.*
4 Mwaikata inkopyo pa kuti nishibata;
Ninkalipa kabili te kuti inande.
6 Mu nshita ya bushiku ndebukisha ulwimbo lwandi;*+
Ndatontonkanyapo sana mu mutima wandi;+
Ndafwailisha* bwino bwino.
7 Bushe Yehova akatupoosa umuyayaya?+
Bushe takatale atutemwa na kabili?+
8 Bushe ukutemwa kwakwe ukushipwa takwakabeko umuyayaya?
Bushe pa ba mu nkulo shonse tapakabe nangu umo uukamonako uko ifyo alaya fikafikilishiwa?
9 Bushe Lesa alilaba ukutulanga icikuuku,+
Nelyo bushe ubukali bwakwe bwalilenga aleka ukuba no luse? (Selah)
10 Bushe mfwile ukutwalilila ukulanda ati: “Icincusha*+ ca kuti:
Uwa Maka Yonse alileka ukutwafwa”?
11 Nkebukisha ifyo Jah acita;
Nkebukisha ifisuma ifyo mwacitile kale.
13 Mwe Lesa inshila shenu sha mushilo.
Bushe kwaliba lesa uwakula nga imwe, mwe Lesa wesu?+
14 Nimwe Lesa wa cine, uucita ifintu ifisuma nga nshi.+
Mwalilenga abantu bamona amaka yenu.+
Kabili amenshi ayaba apashika yalilulunkene.
17 Amakumbi yalipongolwele amenshi.
Imyulu yalibulukwite,
Kabili imifwi yenu iya nkuba yaile uku no ku.+
18 Iciunda ca cibulukutu+ cenu caleumfwika nge congo ce celeta;
Ukubyasha kwa nkuba kwalisanike pano isonde ponse;+
Isonde lyalitutwime kabili lyalitendeke ukutenta.+