IBUUKU LYA KUBALILAPO ILYA IMILANDU

5 Abana ba kwa Yafete bali ni Gomere, Magoge, Madai, Yabani, Tubali,+ Mesheke+ na Tirasi.+

6 Abana ba kwa Gomere bali ni Ashikenasi, Rifati na Togarma.+

7 Abana ba kwa Yabani bali ni Elisha, Tarshishi, Kitimu na Rodanimu.

8 Abana ba kwa Hamu bali ni Kushi,+ Misraimu, Puti na Kanaani.+

9 Abana ba kwa Kushi bali ni Seba,+ Habila, Sabta, Raama+ na Sabteka.

Abana ba kwa Raama bali ni Sheba na Dedani.+

10 Kushi afyele Nimrode. Nimrode+ e wabalilepo ukuba umwaume wa maka pe sonde.

11 Misraimu afyele Ludimu,+ Anamimu, Lehabimu, Nafituhimu,+ 12 Patrusimu,+ Kasluhimu (umwatuntwike abaPelishiti)+ na Kaftorimu.+

13 Kanaani afyele Sidone+ uwali ibeli lyakwe, e lyo na Hete,+ 14 no mwina Yebusi,+ umwina Amore,+ umwina Gegashi,+ 15 umwina Hibi,+ umwina Arki, umwina Sini, 16 umwina Aavadi,+ umwina Semari no mwina Hamati.

18 Arpakishadi afyele Shela,+ kabili Shela afyele Ebere.

19 Ebere afyele abana baume babili. Umo ali ni Pelege,*+ pantu ilyo ali no mweo abantu pano isonde balisalangene. Munyina ali ni Yoktani.

20 Yoktani afyele Almodadi, Shelefu, Hasarimabete, Yera,+ 21 Hadoramu, Usali, Dikla, 22 Obali, Abimaele, Sheba, 23 Ofiri,+ Habila+ na Yobabu; aba bonse bali bana ba kwa Yoktani.

28 Abana abaume aba kwa Abrahamu bali ni Isaki+ na Ishmaele.+

29 Ishi e ntuntuko sha ndupwa shabo: Ibeli lya kwa Ishmaele ali ni Nebayote+ e lyo pakonka Kedari,+ Adbeele, Mibsamu,+ 30 Mishma, Duma, Masa, Hadadi, Tema, 31 Yeturi, Nafishi na Kedema. Aba e bali abana ba kwa Ishmaele.

32 Abana abaume aba kwa Ketura+ uwali kanakashi* wa kwa Abrahamu, bali ni Simrani, Yokshani, Medani, Midiani,+ Ishbaki na Shua.+

Abana abaume aba kwa Yokshani bali ni Sheba na Dedani.+

33 Abana abaume aba kwa Midiani bali ni Efa,+ Efere, Hanoke, Abida na Eldaa.

Aba bonse batuntwike muli Ketura.

34 Abrahamu afyele Isaki.+ Abana abaume aba kwa Isaki bali ni Esau+ na Israele.+

35 Abana abaume aba kwa Esau bali ni Elifasi, Reuele, Yeushi, Yalamu na Kora.+

36 Abana abaume aba kwa Elifasi bali ni Temani,+ Omari, Sefo, Gatami, Kenasi, Timna na Amaleke.+

37 Abana abaume aba kwa Reuele bali ni Nahati, Sera, Shama na Misa.+

38 Abana abaume aba kwa Seiri+ bali ni Lotani, Shobali, Sibeone, Ana, Dishone, Esere na Dishani.+

39 Abana abaume aba kwa Lotani bali ni Hori na Homamu. Nkashi ya kwa Lotani ali ni Timna.+

40 Abana abaume aba kwa Shobali bali ni Albani, Manahati, Ebali, Shefo na Onamu.

Abana abaume aba kwa Sibeone bali ni Aya na Ana.+

41 Umwana umwaume* uwa kwa Ana ali ni Dishone.

Abana abaume aba kwa Dishone bali ni Hemdani, Eshbani, Itrani na Kerani.+

42 Abana abaume aba kwa Esere+ bali ni Bilhani, Saabani na Akani.

Abana abaume aba kwa Dishani bali ni Usi na Arani.+

43 Ishi e mfumu ishatekele mu calo ca Edomu+ ilyo abena Israele* bashilatendeka ukutekwa ne mfumu:+ Bela umwana wa kwa Beore. Ishina lya musumba umo aletekela lyali ni Dinhaba. 44 Ilyo Bela afwile, Yobabu umwana wa kwa Sera uwa ku Bosera+ e wamupyene pa bufumu. 45 Ilyo Yobabu afwile, Hushamu umwina Temani e wamupyene pa bufumu. 46 Ilyo Hushamu afwile, Hadadi umwana wa kwa Bedadi, uwacimfishe Midiani mu calo ca Moabu,* e wamupyene pa bufumu. Ishina lya musumba wakwe lyali ni Abiti. 47 Ilyo Hadadi afwile, Samla uwa ku Masreka e wamupyene pa bufumu. 48 Ilyo Samla afwile, Shaulu uwa ku musumba wa Rehobote uwali mupepi no Mumana e wamupyene pa bufumu. 49 Ilyo Shaulu afwile, Baali-hanani umwana wa kwa Akbore e wamupyene pa bufumu. 50 Ilyo Baali-hanani afwile, Hadadi e wamupyene pa bufumu. Umusumba umo aletekela balewita ukuti Pau, kabili umukashi wakwe ali ni Mehetabele, umwana mwanakashi wa kwa Matrede, umwishikulu wa kwa Mesahabu. 51 Lyena Hadadi na o alifwile.

Ishi e mfumu shatekele mu Edomu: Imfumu Timna, Imfumu Albani, Imfumu Yetete,+ 52 Imfumu Oholibama, Imfumu Ela, Imfumu Pinone, 53 Imfumu Kenasi, Imfumu Temani, Imfumu Mibsari, 54 Imfumu Magdiele, Imfumu Iramu. Ishi e mfumu shatekele mu Edomu.

2 Aba e bali abana abaume aba kwa Israele:+ Rubene,+ Simeone,+ Lebi,+ Yuda,+ Isakari,+ Sebuluni,+ 2 Dani,+ Yosefe,+ Benjamini,+ Naftali,+ Gadi+ na Ashere.+

3 Abana abaume aba kwa Yuda bali ni Ere, Onani na Shela. Aba batatu abafyele mu mwana mwanakashi wa kwa Shua, umwina Kanaani.+ Lelo Ere ibeli lya kwa Yuda alecita ifyo Yehova ashatemenwe, e ico alimwipeye.+ 4 Abana abo Yuda afyele muli Tamari+ nafyala bali ni Perese+ na Sera. Abana abaume aba kwa Yuda bonse pamo bali 5.

5 Abana abaume aba kwa Perese bali ni Hesrone na Hamuli.+

6 Abana abaume aba kwa Sera bali ni Simri, Etani, Hemani, Kalkole na Dara. Bonse pamo bali 5.

7 Umwana* wa kwa Karmi ali ni Akari* uwaletelele abena Israele,+ kabili uwabembwike pa mulandu wa kuti alisendele ifyali no konaulwa.+

8 Umwana* wa kwa Etani ali ni Asaria.

9 Abana abo Hesrone afyele bali ni Yerameele,+ Ramu+ na Kelubai.*

10 Ramu afyele Aminadabu.+ Aminadabu afyele Naashone+ intungulushi ya batuntwike muli Yuda. 11 Naashone afyele Salma.+ Salma afyele Boasi.+ 12 Boasi afyele Obedi. Obedi afyele Yese.+ 13 Yese afyele Eliabu uwali ibeli lyakwe, e lyo akonkeshepo Abinadabu,+ Shimea e wali uwa butatu,+ 14 Netanele e walengele 4, Radai e walengele 5, 15 Osemu e walengele 6 e lyo Davidi+ e walengele 7. 16 Bankashi yabo bali ni Seruya na Abigaili.+ Abana ba kwa Seruya bali ni Abishai,+ Yoabu+ na Asaele.+ Bonse pamo bali batatu. 17 Abigaili afyele Amasa.+ Wishi wa kwa Amasa ali ni Yetere umwina Ishmaele.

18 Kalebu* umwana wa kwa Hesrone afyele abana abaume muli Asuba umukashi wakwe na muli Yeriote. Aba e bali abana bakwe abaume: Yeshere, Shobabu na Ardone. 19 Ilyo Asuba afwile, Kalebu aupile Efrati,+ kabili afyelemo Huri.+ 20 Huri afyele Uri. Uri afyele Besalele.+

21 Pa numa Hesrone aupile umwana mwanakashi wa kwa Makiri.+ Makiri ali ni wishi wa kwa Gileadi.+ Hesrone ali ne myaka 60 ilyo aupile umwana wa kwa Makiri, kabili afyelemo Segubu. 22 Segubu afyele Yairi,+ uwapokele imisumba 23 mu calo ca Gileadi.+ 23 Pa numa Geshuri+ na Siria+ babapokele Habote-yairi,+ kumo na Kenati+ ne misumba ya iko iinono. Imisumba yonse yali 60. Aba bonse batuntwike muli Makiri wishi wa kwa Gileadi.

24 Ilyo Hesrone afwile+ mu Kalebu-efrata, Abiya umukashi wa kwa Hesrone, afyele Ashihuri,+ wishi* wa Tekoa.+

25 Abana abaume aba kwa Yerameele uwali ibeli lya kwa Hesrone bali ni Ramu, uwali ibeli, Buna, Orene, Osemu na Ahiya. 26 Yerameele alikwete umukashi na umbi, ishina lyakwe ali ni Atara. E wali nyina wa kwa Onamu. 27 Abana ba kwa Ramu uwali ibeli lya kwa Yerameele bali ni Maasi, Yamini na Ekere. 28 Abana abaume aba kwa Onamu bali ni Shamai na Yada. Abana abaume aba kwa Shamai bali ni Nadabu na Abishuri. 29 Umukashi wa kwa Abishuri ali ni Abihaili, uwamufyalile Ahibani na Molidi. 30 Abana ba kwa Nadabu bali ni Selede na Apaimu. Lelo Selede afwile ukwabula ukukwatapo umwana. 31 Umwana* wa kwa Apaimu ali ni Ishi. E lyo umwana* wa kwa Ishi ali ni Sheshani, no mwana* wa kwa Sheshani ali ni Alai. 32 Abana abaume aba kwa Yada munyina Shamai bali ni Yetere na Yonatani. Lelo Yetere afwile ukwabula ukukwatapo umwana. 33 Abana abaume aba kwa Yonatani bali ni Pelete na Sasa. Aba e batuntwike muli Yerameele.

34 Sheshani takwete abana baume, akwete fye abana abanakashi. Nomba Sheshani alikwete umubomfi umwina Egupti ishina lyakwe ali ni Yarha. 35 Sheshani aufishe umwana wakwe umwanakashi kuli Yarha umubomfi wakwe, kabili amufyalile Atai. 36 Atai afyele Natani. Natani afyele Sabadi. 37 Sabadi afyele Eflali. Eflali afyele Obedi. 38 Obedi afyele Yehu. Yehu afyele Asaria. 39 Asaria afyele Helese. Helese afyele Eleasa. 40 Eleasa afyele Sismai. Sismai afyele Shalumu. 41 Shalumu afyele Yekamia. Yekamia afyele Elishama.

42 Abana abaume aba kwa Kalebu*+ munyina Yerameele bali ni Mesha uwali ibeli lyakwe, uwali wishi wa kwa Sifi. Kabili kwali na bana abaume aba kwa Maresha wishi wa kwa Hebrone. 43 Abana abaume aba kwa Hebrone bali ni Kora, Tapua, Rekemu na Shema. 44 Shema afyele Rahamu wishi wa kwa Yorkeamu. Rekemu afyele Shamai. 45 Umwana wa kwa Shamai ali ni Maone. Maone afyele Betsuri.+ 46 Efa kanakashi wa kwa Kalebu afyele Harani, Mosa na Gasese. Harani afyele Gasese. 47 Abana abaume aba kwa Yahdai bali ni Regemu, Yotamu, Geshani, Pelete, Efa na Shaafi. 48 Maaka kanakashi wa kwa Kalebu, afyele Shebere na Tirhana. 49 Mu kupita kwa nshita Maaka afyele na Shaafi wishi wa kwa Madimana,+ na Sheba wishi wa kwa Makbena na Gibea.+ Umwana mwanakashi uwa kwa Kalebu+ ali ni Aksa.+ 50 Aba e batuntwike muli Kalebu.

Abana abaume aba kwa Huri+ uwali ibeli lya kwa Efrata+ bali ni Shobali wishi wa kwa Kiriati-yearimu,+ 51 Salma wishi wa kwa Betelehemu+ na Harefu wishi wa kwa Bet-gadere. 52 Shobali wishi wa kwa Kiriati-yearimu alifyele abana abaume: Haroe na hafu wa bena Menuhote. 53 Indupwa ishaikele mu Kiriati-yearimu ni shi: abena Iteri,+ abena Puti, abena Shumati na bena Mishrai. Muli ishi indupwa e mwatuntwike abena Sorati+ na bena Eshtaole.+ 54 Abatuntwike muli Salma bali bena Betelehemu,+ abena Netofa, abena Aterote-bete-yoabu, na hafu wa baleikala mu Manahati e lyo na bena Sore. 55 Indupwa sha bakalemba abaleikala mu Yabese shali sha bena Tirati, abena Shimeati na bena Sukati. Aba e bali abena Keni+ abatuntwike muli Hamati wishi wa ba mu ng’anda ya kwa Rekabu.+

3 Aba e bana abaume abo Davidi afyele ilyo ali mu Hebrone:+ Amnone+ e wali ibeli, nyina ali ni Ahinoamu+ umwina Yesreele, uwa bubili ali ni Daniele uo afyele muli Abigaili+ umwina Karmele; 2 uwalenga butatu ali ni Absalomu+ umwana wa kwa Maaka umwana mwanakashi wa kwa Talmai imfumu ya ku Geshuri; uwalenga 4 ali ni Adoniya+ umwana wa kwa Hagiti; 3 uwalenga 5 ali ni Shefatia uo afyele muli Abitali; uwalenga 6 ali ni Itreamu uo afyele muli Egla uwali umukashi wakwe. 4 Aba bonse abana 6 abafyaliile mu musumba wa Hebrone. Davidi atekele muli uyu musumba pa myaka 7 ne myeshi 6, kabili atekele mu Yerusalemu+ pa myaka 33.

5 Aba e bo afyaliile mu Yerusalemu:+ Shimea, Shobabu, Natani+ na Solomone.+ Muli Bati-sheba+ umwana wa kwa Amiele e mo afyele aba abana 4. 6 Abana bambi 9 bali ni Ibhari, Elishama, Elifelete, 7 Noga, Nefege, Yafia, 8 Elishama, Eliada na Elifelete. 9 Bonse aba bali bana ba kwa Davidi, ukufumyako fye abana abo afyele muli bakanakashi* bakwe, kabili Tamari+ e wali nkashi yabo.

10 Umwana wa kwa Solomone ali ni Rehoboamu;+ Rehoboamu afyele Abiya,+ Abiya afyele Asa,+ Asa afyele Yehoshafati,+ 11 Yehoshafati afyele Yehoramu,+ Yehoramu afyele Ahasia,+ Ahasia afyele Yehoashi,+ 12 Yehoashi afyele Amasia,+ Amasia afyele Asaria,+ Asaria afyele Yotamu,+ 13 Yotamu afyele Ahasi,+ Ahasi afyele Hisekia,+ Hisekia afyele Manase,+ 14 Manase afyele Amone,+ Amone afyele Yoshia.+ 15 Abana ba kwa Yoshia bali ni Yohanani uwali ibeli, e lyo pakonka Yehoyakimu,+ pakonka Sidekia+ e lyo pakonka Shalumu. 16 Yehoyakimu afyele Yekonia,+ Yekonia afyele Sidekia. 17 Abana abo Yekonia afyele ilyo ali mu cifungo bali ni Shealtiele, 18 Malkiramu, Pedaya, Shenasari, Yekamia, Hoshama na Nedabia. 19 Pedaya afyele Serubabele+ na Shimei; kabili Serubabele afyele Meshulamu na Hanania (Shelomiti e wali nkashi yabo); 20 kabili abana bakwe bambi 5 bali ni Hashuba, Ohele, Berekia, Hasadia na Yushabu-hesede. 21 Hanania afyele Pelatia na Yeshaya; Yeshaya afyele Refaya; Refaya afyele Arnani; Arnani afyele Obadia; Obadia afyele Shekania; 22 kabili Shekania afyele Shemaya, Shemaya afyele Hatushi, Igali, Beria, Nearia na Shafati. Bonse pamo bali 6. 23 Kabili Nearia afyele Elioenai, Hisekia na Asrikamu. Bonse pamo bali batatu. 24 E lyo Elioenai afyele Hodabiya, Eliashibu, Pelaya, Akubu, Yohanani, Delaya na Anani. Bonse pamo bali 7.

4 Abana ba kwa Yuda bali ni Perese,+ Hesrone,+ Karmi, Huri+ na Shobali.+ 2 Reaya umwana wa kwa Shobali afyele Yahati; Yahati afyele Ahumai na Lahadi. Ishi e shali indupwa sha bena Sorati.+ 3 Aba e bali abana ba kwa wishi wa kwa Etamu:+ Yesreele, Ishma na Idashi, (nkashi yabo ali ni Haselelepone), 4 Penuele ali ni wishi wa Gedore kabili Esere e wali wishi wa Husha. Aba e bali abana ba kwa Huri+ uwali ibeli lya kwa Efrata, wishi wa Betelehemu.+ 5 Ashihuri+ wishi wa Tekoa+ aupile abanakashi babili, Hela na Naara. 6 Naara amufyalile Ahusamu, Hefere, Temeni na Haahashtari. Aba e bali abana ba kwa Naara. 7 Kabili abana ba kwa Hela bali ni Serete, Isari na Etanani. 8 Kose afyele Anubu na Sobeba kabili e wali icikolwe ca batuntwike muli Aharhele umwana wa kwa Harumu.

9 Yabese balimucindike sana ukucila bamunyina; kabili nyina e wamwinike ati Yabese,* pantu atile: “Nalikalipwe pa kumufyala.” 10 Yabese alombele Lesa wa kwa Israele ati: “Shi mwingampaala, mwingakusha icalo candi, mwingangafwa kabili mwingancingilila pa kuti ifyabipa fincitikila!” E ico Lesa alimucitiile ifyo alombele.

11 Kelubu munyina Shuha afyele Mehiri, uwafyele Eshtone. 12 Eshtone afyele Bet-rafa, Pasea na Tahina wishi wa kwa Iri-nahashi. Aba e bali abaume ba mu Reka. 13 Kabili abana ba kwa Kenasi bali ni Oteniele+ na Seraya. Umwana* wa kwa Oteniele ali ni Hatati. 14 Meonotai afyele Ofra. Seraya afyele Yoabu wishi wa baleikala mu Ge-harashimu.* Ico balebetila ukuti abena Ge-harashimu ni co bali abacenjela mu fya kupangapanga.

15 Abana ba kwa Kalebu+ umwana wa kwa Yefune bali ni Iru, Ela na Naamu. Umwana* wa kwa Ela ali ni Kenasi. 16 Abana ba kwa Yehalelele bali ni Sifi, Sifa, Tiria na Asarele. 17 Abana ba kwa Esra bali ni Yetere, Merede, Efere na Yalone. Umo pa bakashi* ba kwa Merede alimite kabili afyele Miriamu, Shamai na Ishba wishi wa Eshtemoa. 18 (Kabili umukashi wakwe umuYuda afyele Yarede wishi wa Gedore, Heberi wishi wa Soko na Yekutiele wishi wa Sanoa.) Aba e bali abana ba kwa Bitia uwali umwana mwanakashi wa kwa Farao, uo Merede aupile.

19 Abana ba mukashi wa kwa Hodia, nkashi ya kwa Nahamu, e bali bashibo ba bena Garmi aba ku Keila na bena Maakati aba ku Eshtemoa. 20 Kabili abana ba kwa Shimone bali ni Amnone, Rina, Ben-hanani na Tilone. Abana ba kwa Ishi bali ni Sohete na Ben-sohete.

21 Abana ba kwa Shela+ umwana wa kwa Yuda bali ni Ere wishi wa Leka na Laada wishi wa Maresha. Abatuntwike muli ena ni ndupwa sha mu ng’anda ya kwa Ashbea abalepanga insalu ishisuma, 22 na Yokimu, abaume abena Koseba, Yoashi na Sarafi, abaupile abanakashi abena Moabu, e lyo na Yashubi-lehemu. Ifi e fyo amalyashi ya kale yalanda. 23 Bamo pali aba balebumba ifya kubumbabumba kabili baleikala mu Netaimu na mu Gedera. Baleikala mulya mwine kabili balebombela imfumu.

24 Abana ba kwa Simeone+ bali ni Nemuele, Yamini, Yaribu, Sera na Shauli+ 25 Shauli afyele Shalumu, Shalumu afyele Mibsamu e lyo Mibsamu afyele Mishma. 26 Mishma afyele Hamuele, Hamuele afyele Sakuri e lyo Sakuri afyele Shimei. 27 Shimei akwete abana abaume 16 na bana abanakashi 6; lelo bamunyina tabakwete abana baume abengi, kabili pa ndupwa shabo tapali uwakwete abana abengi nga abo abaume abaYuda bakwete.+ 28 Baleikala mu Beere-sheba,+ mu Molada,+ mu Hasari-shauli,+ 29 mu Bilha, mu Esemu,+ mu Toladi, 30 mu Betuele,+ mu Horma,+ mu Sikilagi,+ 31 mu Bet-markabote, mu Hasarsusimu,+ mu Betbiri na mu Shaaraimu. Iyi e yali imisumba yabo ukufika na lintu Davidi aleteka.

32 Baleikala na mu Etamu, mu Aini, mu Rimone, mu Tokene na mu Ashani.+ Imisumba yonse pamo yali 5, 33 kumo ne ncende ishali mupepi ne yi misumba, ukuyafika fye na ku Baali. Aya e mashina ayo balembele mu ndupwa shabo e lyo ne ncende isho baleikalamo. 34 Bambi abatuntwike muli Simeone ni: Meshobabu, Yamuleke, Yosha umwana wa kwa Amasia, 35 Yoele, Yehu umwana wa kwa Yoshibia umwana wa kwa Seraya umwana wa kwa Asiele, 36 Elioenai, Yaakoba, Yeshohaya, Asaya, Adiele, Yesimiele, Benaya 37 na Sisa umwana wa kwa Shifi, umwana wa kwa Alone, umwana wa kwa Yedaya, umwana wa kwa Shimuri, umwana wa kwa Shemaya; 38 Aba abalumbwilwe amashina bali ni ntungulushi sha ndupwa shabo, kabili aba mu ng’anda ya bashibo balifulile. 39 Kabili baile mu kufwaya umulemfwe wa mpaanga shabo mupepi na ku Gedore, ku kabanga ka mupokapoka. 40 Basukile basanga umulemfwe uuteku kabili uusuma. Impanga yali iikalamba kabili tamwali ifimfulunganya. Kale abaleikala muli iyi mpanga, bantu batuntwike muli Hamu.+ 41 Ilyo Hisekia imfumu ya baYuda aleteka,+ aba abalumbwilwe amashina bailesansa abena Hamu na baMeunimu abaleikalamo, babonawila na matenti. Balibalofeshe e lyo batendeka ukwikala mu mpanga yabo, pantu mwali umulemfwe uwa kuti impaanga shabo shilelya.

42 Abaume 500 abena Simeone baile ku Lupili lwa Seiri.+ Baile pamo na Pelatia, Nearia, Refaya na Usiele abana ba kwa Ishi abalebatungulula. 43 Kabili baipeye abena Amaleke+ abasheleko pa mulandu wa kuti balifulumwike, kabili uku kwine e ko bekala ukufika na lelo.

5 Aba e bana baume ba kwa Rubene+ ibeli lya kwa Israele. Rubene e wali ibeli, lelo pa mulandu wa kuti alikoweshe* ubusanshi bwa kwa wishi,+ insambu sha kuba ibeli bapeele abana ba kwa Yosefe+ umwana wa kwa Israele. E ico tabamulembele ukuti ali libeli ilyo balelemba intuntuko sha fikolwe fyakwe. 2 Nangu ca kuti Yuda+ alicilile bamunyina kabili muli ena e mwafumine uwali no kuba intungulushi,+ insambu sha bubeli shena shali sha kwa Yosefe. 3 Abana ba kwa Rubene ibeli lya kwa Israele bali ni Hanoke, Palu, Hesrone na Karmi.+ 4 Yoele afyele Shemaya, Shemaya afyele Goge, Goge afyele Shimei, 5 Shimei afyele Mika, Mika afyele Reaya, Reaya afyele Baali, 6 Baali afyele Beera, uo Tilgati-pilnesere imfumu+ ya ku Asiria asendele pa kuti ayeba nkole. Beera ali ni ntungulushi ya bena Rubene. 7 Bamunyina mu ndupwa shabo abo balembele ukulingana ne ntuntuko shabo bali ni Yeiele, uwali intungulushi, Sekaria, 8 e lyo na Bela umwana wa kwa Asasi umwana wa kwa Shema umwana wa kwa Yoele. Bonse aba mu lupwa lwa kwa Bela baleikala mu musumba wa Aroere+ ukuyafika fye na ku Nebo na ku Baali-meone.+ 9 Baikele ku kabanga ukuyafika fye no kwatendekela amatololo ku Mumana wa Yufrate,+ pantu ifitekwa fyabo fyalifulile mu citungu ca Gileadi.+ 10 Ilyo Shauli aleteka, balwile na bena Hagari kabili balibacimfishe. E ico e batampile ukwikala mu matenti yabo mu citungu conse ica ku kabanga ka Gileadi.

11 Nomba abatuntwike muli Gadi baleikala mupepi nabo mu calo ca Bashani ukuyafika fye na ku Saleka.+ 12 Mu Bashani, Yoele e wali intungulushi, Shafamu e wali inkonkani yakwe. Yanai na Shafati nabo bali ni ntungulushi. 13 Kabili bamunyinabo aba mu ng’anda ya bashibo bali ni Mikaele, Meshulamu, Sheba, Yorai, Yakani, Sia na Ebere. Bonse pamo bali 7. 14 Aba e bali abana ba kwa Abihaile umwana wa kwa Huri. Huri ali mwana wa kwa Yoroa, Yoroa ali mwana wa kwa Gileadi, Gileadi ali mwana wa kwa Mikaele, Mikaele ali mwana wa kwa Yeshishai, Yeshishai ali mwana wa kwa Yaado, Yaado ali mwana wa kwa Busi. 15 Ahi umwana wa kwa Abdiele, umwana wa kwa Guni, e wali umukalamba wa ba mu lupwa lwabo. 16 Baleikala mu Gileadi,+ mu Bashani+ na mu misumba ya iko iinono e lyo na mu mpanga sha mulemfwe shonse isha Sharone ukuyafika fye no ko shapelelele. 17 Bonse babalembele ukulingana ne ntuntuko shabo ilyo Yotamu imfumu+ ya Yuda aleteka na lintu Yeroboamu* imfumu+ ya Israele aleteka.

18 Abena Rubene, abena Gadi na hafu ya mukowa wa kwa Manase bakwete abashilika ba maka 44,760. Aba bonse balishibe ifya kubomfya inkwela ne mpanga sha kulwilako na mata kabili balisambilile ifya kulwa inkondo. 19 Balwile inkondo na bena Hagari,+ abena Yeturi, abena Nafishi+ na bena Nodabu. 20 Kabili pa mulandu wa kuti balicetekele Lesa, ilyo balelwa na bena Hagari na bonse abo bali nabo, balilombele Lesa ukuti abafwe kabili alibafwile ica kuti balicimfishe abena Hagari na bonse abo bali nabo.+ 21 Balisendele ifitekwa fyabo, e kutila ingamila 50,000, impaanga 250,000 ne mpunda 2,000, kabili balisendele na bantu* 100,000. 22 Abengi balifwile pantu Lesa wa cine e wabalwilileko inkondo.+ E ico batampile ukwikala mu ncende umo abo baipeye baleikala. Umu mwine e mo baleikala mpaka babasenda mu kuyaba bankole.+

23 Abatuntwike muli hafu ya mukowa wa kwa Manase+ baleikala mu calo icatendekeele ku Bashani ukuyafika ku Baali-hermone na Seniri na ku Lupili lwa Hermone,+ kabili bali abengi sana. 24 Aba e bali intungulushi sha ba mu mayanda ya bashibo: Efere, Ishi, Eliele, Asriele, Yeremia, Hodabiya na Yaadiele. Bonse aba bali bashilika ba maka, abaume balulumbi, kabili e bali intungulushi sha ba mu mayanda ya bashibo. 25 Nomba balibembukiile Lesa wa fikolwe fyabo kabili balepepa* balesa ba bantu ba mu calo umo baleikala,+ abo Lesa abalofeesheko. 26 E ico Lesa wa kwa Israele alengele Puli imfumu ya Asiria+ (e kutila Tilgati-pilnesere imfumu+ ya Asiria) asenda abena Rubene, abena Gadi na ba muli hafu ya mukowa wa kwa Manase pa kuti bayeba bankole ku Hala, ku Habore, ku Hara na ku mumana wa Gosani,+ kabili baba kulya kwine ukufika na lelo.

6 Abana baume ba kwa Lebi+ bali ni Gershone, Kohati+ na Merari.+ 2 Abana ba kwa Kohati bali ni Amramu, Isari,+ Hebrone na Usiele.+ 3 Abana* ba kwa Amramu+ bali ni Aarone,+ Mose+ na Miriamu.+ E lyo abana ba kwa Aarone bali ni Nadabu, Abihu,+ Eleasari+ na Itamari.+ 4 Eleasari afyele Finehasi;+ Finehasi afyele Abishua. 5 Abishua afyele Buki; Buki afyele Usi. 6 Usi afyele Seraya; Seraya afyele Merayote. 7 Merayote afyele Amaria; Amaria afyele Ahitubu.+ 8 Ahitubu afyele Sadoke;+ Sadoke afyele Ahimaasi.+ 9 Ahimaasi afyele Asaria; Asaria afyele Yohanani. 10 Yohanani afyele Asaria. E wali shimapepo mu ng’anda iyo Solomone akuulile mu Yerusalemu.

11 Asaria afyele Amaria; Amaria afyele Ahitubu. 12 Ahitubu afyele Sadoke;+ Sadoke afyele Shalumu. 13 Shalumu afyele Hilkia;+ Hilkia afyele Asaria. 14 Asaria afyele Seraya;+ Seraya afyele Yehosadaki.+ 15 Kabili Yehosadaki balimusendele mu kuyaba nkole ilyo Yehova alekele Nebukadnesari asenda abaYuda na ba mu Yerusalemu mu kuyaba bankole.

16 Abana ba kwa Lebi bali ni Gershomu,* Kohati na Merari. 17 Aya e mashina ya bana ba kwa Gershomu: Libni na Shimei.+ 18 Abana ba kwa Kohati bali ni Amramu, Isari, Hebrone na Usiele.+ 19 Abana ba kwa Merari bali ni Maali na Mushi.

Ishi e shali indupwa sha bena Lebi ukulingana ne fikolwe fyabo:+ 20 Gershomu+ afyele Libni, Libni afyele Yahati, Yahati afyele Sima, 21 Sima afyele Yoa, Yoa afyele Ido, Ido afyele Sera, Sera afyele Yeaterai. 22 Kohati afyele Aminadabu, Aminadabu afyele Kora,+ Kora afyele Asiri, 23 Asiri afyele Elkana, Elkana afyele Ebiasafi,+ Ebiasafi afyele Asiri, 24 Asiri afyele Tahati, Tahati afyele Uriele, Uriele afyele Usia, Usia afyele Shauli. 25 Abana ba kwa Elkana bali ni Amasai na Ahimote. 26 Elkana umbi afyele Sofai, Sofai afyele Nahati, 27 Nahati afyele Eliabu, Eliabu afyele Yehoramu, Yehoramu afyele Elkana.+ 28 Abana ba kwa Samwele+ bali ni Yoele uwali ibeli e lyo pakonka Abiya.+ 29 Merari afyele Maali,+ Maali afyele Libni, Libni afyele Shimei, Shimei afyele Usa, 30 Usa afyele Shimea, Shimea afyele Hagaya, Hagaya afyele Asaya.

31 Aba e bo Davidi apeele umulimo wa kutungulula abaleimba inyimbo pe tenti lya mushilo ilya kwa Yehova ilyo baletele Icipao muli ili itenti.+ 32 Baleangalila abaleimba inyimbo pe tenti lya mushilo, e kutila pe tenti lya kukumaninamo na Lesa mpaka Solomone akuula ing’anda ya kwa Yehova mu Yerusalemu,+ kabili balebomba umulimo wabo ukulingana ne fyo babebele.+ 33 Aba e baume abalebombela pamo na bana babo: Mu bena Kohati, ni Hemani+ kemba, umwana wa kwa Yoele,+ umwana wa kwa Samwele, 34 umwana wa kwa Elkana,+ umwana wa kwa Yerohamu, umwana wa kwa Eliele, umwana wa kwa Toa, 35 umwana wa kwa Sufi, umwana wa kwa Elkana, umwana wa kwa Mahati, umwana wa kwa Amasai, 36 umwana wa kwa Elkana, umwana wa kwa Yoele, umwana wa kwa Amasia, umwana wa kwa Sefania, 37 umwana wa kwa Tahati, umwana wa kwa Asiri, umwana wa kwa Ebiasafi, umwana wa kwa Kora, 38 umwana wa kwa Isari, umwana wa kwa Kohati, umwana wa kwa Lebi, umwana wa kwa Israele.

39 Asafi munyina*+ wa kwa Hemani, aleiminina ku kulyo kwakwe; Asafi ali mwana wa kwa Berekia, umwana wa kwa Shimea, 40 umwana wa kwa Mikaele, umwana wa kwa Baaseya, umwana wa kwa Malkiya, 41 umwana wa kwa Etini, umwana wa kwa Sera, umwana wa kwa Adaya, 42 umwana wa kwa Etani, umwana wa kwa Sima, umwana wa kwa Shimei, 43 umwana wa kwa Yahati, umwana wa kwa Gershomu, umwana wa kwa Lebi.

44 Bamunyinabo abatuntwike muli Merari+ baleiminina ku kuso. Aba bali ni Etani+ umwana wa kwa Kishi, umwana wa kwa Abdi, umwana wa kwa Maluki, 45 umwana wa kwa Hashabia, umwana wa kwa Amasia, umwana wa kwa Hilkia, 46 umwana wa kwa Amsi, umwana wa kwa Bani, umwana wa kwa Shemere, 47 umwana wa kwa Maali, umwana wa kwa Mushi, umwana wa kwa Merari, umwana wa kwa Lebi.

48 Bamunyinabo abena Lebi e bo bapeele imilimo yonse iya pe tenti lya mushilo, e kutila ing’anda ya kwa Lesa wa cine.+ 49 Aarone na bana bakwe+ e baleoca amalambo pa ciipailo ca kutuulilapo umutuulo wa koca+ na pa ciipailo ca kocelapo ububani.+ E balebomba imilimo iyakumine ifya mushilo nga nshi, kabili e balefutilako abena Israele imembu+ ukulingana na fyonse ifyo Mose umubomfi wa kwa Lesa wa cine alandile. 50 Aba e batuntwike muli Aarone:+ Aarone afyele Eleasari,+ Eleasari afyele Finehasi, Finehasi afyele Abishua, 51 Abishua afyele Buki, Buki afyele Usi, Usi afyele Serahia, 52 Serahia afyele Merayote, Merayote afyele Ahitubu,+ 53 Ahitubu afyele Sadoke,+ Sadoke afyele Ahimaasi.

54 Ishi e ncende isho baleikalamo ukulingana ne nkambi* shabo ishali mu mpanga yabo: indupwa sha bena Kohati ishatuntwike muli Aarone, e bo icipendwilo cabalilepo ukuponenapo ilyo bapendwile. 55 Babapeele umusumba wa Hebrone+ mu calo ca kwa Yuda, ne mpanga ya mulemfwe iyashingulwike uyu umusumba. 56 Lelo impanga iyashingulwike umusumba ne mishi ya uko bapeele Kalebu+ umwana wa kwa Yefune. 57 Kabili abatuntwike muli Aarone babapeele imisumba ya kufulumukilako,+ e kutila Hebrone+ na Libna+ ne mpanga ya iko iya mulemfwe, Yatiri+ na Eshtemoa ne mpanga ya iko iya mulemfwe,+ 58 Hilene ne mpanga ya uko iya mulemfwe, Debiri+ ne mpanga ya uko iya mulemfwe, 59 Ashani+ ne mpanga ya uko iya mulemfwe na Bete-shemeshe+ ne mpanga ya uko iya mulemfwe; 60 aba mu mukowa wa kwa Benjamini bapeele abatuntwike muli Aarone, umusumba wa Geba+ ne mpanga ya uko iya mulemfwe, Alemete ne mpanga ya uko iya mulemfwe na Anatote+ ne mpanga ya uko iya mulemfwe. Imisumba yonse iya ndupwa shabo yali 13.+

61 Pa numa ya kupendula, abena Kohati abasheleko babapeele imisumba 10. Ababapeele iyi imisumba ni ndupwa sha mu mikowa imbi e lyo na ba muli hafu ya mukowa wa kwa Manase.+

62 Abatuntwike muli Gershomu babapeele imisumba 13 mu Bashani. Ababapeele ba mu mukowa wa kwa Isakari, uwa kwa Ashere, uwa kwa Naftali e lyo no wa kwa Manase.+

63 Abatuntwike muli Merari babapeele imisumba 12 pa numa ya kupendula. Ababapeele ba mu mukowa wa kwa Rubene, uwa kwa Gadi no wa kwa Sebuluni.+

64 E fyo abena Israele bapeele abena Lebi iyi imisumba ne mpanga ya iko iya mulemfwe.+ 65 Na kabili pa numa ya kupendula balibapeele imisumba. Ababapeele ba mu mukowa wa kwa Yuda, uwa kwa Simeone no wa kwa Benjamini, kabili iyi imisumba nabailumbula amashina.

66 Indupwa shimo isha bena Kohati shakwete imisumba mu citungu ca mukowa wa bena Efraimu.+ 67 Babapeele imisumba* ya kufulumukilako, e kutila Shekemu+ ne mpanga ya uko iya mulemfwe mu citungu ca mpili ica kwa Efraimu, Gesere+ ne mpanga ya uko iya mulemfwe, 68 Yokemeamu ne mpanga ya uko iya mulemfwe, Bete-horone+ ne mpanga ya uko iya mulemfwe, 69 Ayalone+ ne mpanga ya uko iya mulemfwe na Gati-rimone+ ne mpanga ya uko iya mulemfwe; 70 kabili aba muli hafu ya mukowa wa kwa Manase bapeele indupwa sha bena Kohati abasheleko umusumba uunono uwa Anere ne mpanga ya uko iya mulemfwe no musumba uunono uwa Bileamu ne mpanga ya uko iya mulemfwe.

71 Abatuntwike muli Gershomu babapeele Golani+ mu Bashani ne mpanga ya uko iya mulemfwe na Ashitarote ne mpanga ya uko iya mulemfwe.+ Ababapeele ba mu lupwa lwa hafu ya mukowa wa kwa Manase; 72 kabili aba mu mukowa wa kwa Isakari bapeele abatuntwike muli Gershomu, umusumba wa Kadeshe ne mpanga ya uko iya mulemfwe, Daberati+ ne mpanga ya uko iya mulemfwe,+ 73 Ramote ne mpanga ya uko iya mulemfwe na Anemu ne mpanga ya uko iya mulemfwe; 74 kabili aba mu mukowa wa kwa Ashere bapeele abatuntwike muli Gershomu, umusumba wa Mashali ne mpanga ya uko iya mulemfwe, Abdone ne mpanga ya uko iya mulemfwe,+ 75 Hukoke ne mpanga ya uko iya mulemfwe na Rehobu+ ne mpanga ya uko iya mulemfwe; 76 kabili aba mu mukowa wa kwa Naftali bapeele abatuntwike muli Gershomu, umusumba wa Kadeshe+ mu Galili+ ne mpanga ya uko iya mulemfwe, Hamone ne mpanga ya uko iya mulemfwe na Kiriataimu ne mpanga ya uko iya mulemfwe.

77 Aba mu mukowa wa kwa Sebuluni+ bapeele abena Merari abasheleko umusumba wa Rimono ne mpanga ya uko iya mulemfwe, Tabore ne mpanga ya uko iya mulemfwe; 78 kabili mu citungu ca Yordani mupepi na Yeriko ku kabanga ka Yordani, aba mu mukowa wa kwa Rubene bapeelemo abena Merari, umusumba wa Besere mu matololo ne mpanga ya uko iya mulemfwe, Yahasi+ ne mpanga ya uko iya mulemfwe, 79 Kedemote+ ne mpanga ya uko iya mulemfwe na Mefaati ne mpanga ya uko iya mulemfwe; 80 kabili aba mu mukowa wa kwa Gadi bapeele abena Merari, umusumba wa Ramote mu Gileadi ne mpanga ya uko iya mulemfwe, Mahanaimu+ ne mpanga ya uko iya mulemfwe, 81 Heshebone+ ne mpanga ya uko iya mulemfwe na Yasere+ ne mpanga ya uko iya mulemfwe.

7 Nomba abana ba kwa Isakari bali ni Tola, Pua, Yashubu na Shimrone.+ Bonse pamo bali 4. 2 E lyo abana ba kwa Tola bali ni Usi, Refaya, Yeriele, Yaamai, Ibsamu na Shemuele. Bonse aba bali ni ntungulushi sha mu mayanda ya bashibo. Abatuntwike muli Tola bali bashilika aba maka kabili ilyo Davidi ali no mweo bali 22,600. 3 Kabili abatuntwike muli* Usi bali ni Israhia na bana ba kwa Israhia bali ni Mikaele, Obadia, Yoele na Ishia. Bonse aba 5 bali ni ntungulushi sha ndupwa shabo. 4 Kabili aba e lyo na batuntwike muli bena balyupile abanakashi abengi kabili balikwete abana abengi. E ico abashilika bonse pamo abali mu mayanda ya bashibo abengaya ku nkondo bali 36,000. 5 Kabili bamunyinabo aba mu ndupwa shonse isha kwa Isakari bali bashilika aba maka. Abashilika abo balembele bali 87,000 ukulingana ne ntuntuko shabo.+

6 Abana ba kwa Benjamini+ bali ni Bela,+ Bekere+ na Yediaele.+ Bonse pamo bali batatu. 7 E lyo abana ba kwa Bela bali ni Esbone, Usi, Usiele, Yerimote na Iri. Bonse pamo bali 5 kabili bali ni ntungulushi sha ba mu mayanda ya bashibo. Bali bashilika aba maka, kabili abo balembele ukulingana ne ntuntuko shabo bali 22,034.+ 8 Kabili abana ba kwa Bekere bali ni Semira, Yoashi, Eliesere, Elioenai, Omri, Yeremote, Abiya, Anatote na Alemete. Bonse aba bali bana ba kwa Bekere. 9 Ukulingana ne ntuntuko sha bali intungulushi sha ba mu mayanda ya bashibo, abatuntwike muli aba bali abashilika aba maka 20,200. 10 Abana ba kwa Yediaele+ bali ni Bilhani e lyo abana ba kwa Bilhani bali ni: Yeushi, Benjamini, Ehudi, Kenaana, Setani, Tarshishi na Ahishahari. 11 Bonse aba bali bana ba kwa Yediaele, ukulingana ne ntungulushi sha mayanda ya bashibo. Abashilika aba maka abengaya ku nkondo bali 17,200.

12 Abena Shupimu na bena Hupimu* batuntwike muli Iri;+ abana ba kwa Hushimu batuntwike muli Ahere.

13 Abana baume ba kwa Naftali+ bali ni Yahasiele, Guni, Yesere na Shalumu. Bonse batuntwike* muli Bilha.+

14 Abana ba kwa Manase+ bali ni Asriele, uo kanakashi wakwe umwina Siria afyele. (Afyele Makiri+ wishi wa kwa Gileadi. 15 Makiri afwaiile Hupimu na Shupimu abanakashi ba kuupa, kabili nkashi yakwe ali ni Maaka.) Uwakonkelepo ali ni Selofehadi,+ lelo Selofehadi afyele fye abana abanakashi.+ 16 Maaka muka Makiri afyele umwana umwaume kabili amwinike ati Pereshe; ndume nankwe ali ni Shereshe; kabili abana bakwe bali ni Ulamu na Rekemu. 17 Kabili umwana* wa kwa Ulamu ali ni Bedani. Aba e bali abana ba kwa Gileadi umwana wa kwa Makiri umwana wa kwa Manase. 18 Kabili nkashi ya kwa Gileadi ali ni Hamolekete. Afyele Ishi-hode, Abiesere na Maala. 19 Kabili abana ba kwa Shemida bali ni Ahiani, Shekemu, Likhi na Aniamu.

20 Efraimu+ afyele Shutela,+ Shutela afyele Berede, Berede afyele Tahati, Tahati afyele Eleada, Eleada afyele Tahati, 21 Tahati afyele Sabadi, Sabadi afyele Shutela, Shutela afyele Esere na Eleadi. Ilyo abaume abena Gati+ baile mu kwiba ifitekwa fya bana ba kwa Efraimu baipeye Esere na Eleadi. 22 Efraimu shibo abalooseshe pa nshiku ishingi, kabili bamunyina baleya mu kumusansamusha. 23 Pa numa aleele no mukashi wakwe kabili alimite, afyala no mwana umwaume. Amwinike ati Beria, pantu amufyele ilyo ulupwa lwakwe lwakwete amafya. 24 Kabili umwana wakwe umwanakashi ali ni Sheera uwakuulile umusumba wa Bete-horone+ ya kwi samba+ ne ya pa muulu, na Usenesheera. 25 Afyele Refa na Reshefe, Reshefe afyele Tela, Tela afyele Tahani, 26 Tahani afyele Ladani, Ladani afyele Amihudi, Amihudi afyele Elishama, 27 Elishama afyele Nuni, Nuni afyele Yoshua.*+

28 Abatuntwike muli Efraimu baleikala mu Betele+ ne misumba ya uko iinono, kabili ku kabanga baleikala mu Naarani, e lyo ku masamba baleikala mu Gesere ne misumba ya uko iinono, na Shekemu ne misumba ya uko iinono ukuyafika fye na ku musumba wa Aya* ne misumba ya iko iinono; 29 kabili mupepi na batuntwike muli Manase kwali Bete-sheani+ ne misumba ya iko iinono, Taanaki+ ne misumba ya uko iinono, Megido+ ne misumba ya uko iinono na Dore+ ne misumba ya uko iinono. Umu e mo abatuntwike muli Yosefe umwana wa kwa Israele baleikala.

30 Abana ba kwa Ashere bali ni Imna, Ishba, Ishbi na Beria,+ kabili Sera e wali nkashi yabo.+ 31 Abana baume ba kwa Beria bali ni Heberi na Malkiele, uwali wishi wa kwa Besaiti. 32 Heberi afyele Yaflete, Shomere na Hotamu e lyo na Shua nkashi yabo. 33 Abana ba kwa Yaflete bali ni Pasaki, Bimhali na Ashbati. Aba e bali abana ba kwa Yaflete. 34 Abana ba kwa Shemere bali ni Ahi, Roga, Yehuba na Aramu. 35 Abana ba kwa Helemu* munyina bali ni Sofa, Imna, Sheleshe na Amali. 36 Abana ba kwa Sofa bali ni Sua, Harnefere, Shuali, Beri, Imra, 37 Besere, Hode, Shama, Shilsha, Itrani na Beera. 38 Abana ba kwa Yetere bali ni Yefune, Pispa na Ara. 39 Abana ba kwa Ula bali ni Ara, Haniele na Risia. 40 Bonse aba e bali abana ba kwa Ashere, bali ni ntungulushi sha ba mu mayanda ya bashibo. Bali bashilika ba maka abo basalile, intungulushi ishacindamishe; kabili abengaya ku nkondo abo balembele ukulingana ne ntuntuko shabo+ bali 26,000.+

8 Benjamini+ afyele Bela,+ e wali ibeli lyakwe, e lyo pakonka Ashbele,+ Ahara e wali uwa butatu, 2 uwalenga 4 ali ni Noha e lyo uwalenga 5 ali ni Rafa. 3 Bela afyele Adari, Gera,+ Abihudi, 4 Abishua, Naamani, Ahoa, 5 Gera, Shefufani na Huramu. 6 Abana ba kwa Ehudi abali intungulushi sha ndupwa ishaleikala mu Geba+ abo basendele mu kuyaba bankole ku Manahati bali ni: 7 Naamani, Ahiya na Gera. Gera e walebatungulula ilyo balebasenda mu kuyaba bankole, kabili afyele Usa na Ahihudi. 8 Shaharaimu afyele abana mu calo* ca bena Moabu pa numa ya kubatamfyamo. Hushimu na Baara e bali abakashi bakwe.* 9 Kabili muli Hodeshe umukashi wakwe afyelemo Yobabu, Sibia, Mesha, Malkamu, 10 Yeusi, Sakia na Mema. Aba e bali abana bakwe, intungulushi sha ba mu mayanda ya bashibo.

11 Muli Hushimu afyelemo Abitubu na Elpaali. 12 Kabili abana ba kwa Elpaali bali ni Ebere, Mishamu, Shemede (Shemede e wakuulile umusumba wa Ono+ no wa Lode+ ne misumba ya uko iinono), 13 Beria na Shema. Aba e bali intungulushi sha ba mu ndupwa ishaleikala mu Ayalone,+ kabili e batamfishe abaleikala mu Gati. 14 Abatuntwike muli Beria bali ni Ahio, Shashaki, Yeremote, 15 Sebadia, Aradi, Edere, 16 Mikaele, Ishpa, Yoha; 17 abatuntwike muli Elpaali bali ni Sebadia, Meshulamu, Hiski, Heberi, 18 e lyo na Ishmerai, Islia, Yobabu; 19 abatuntwike muli Shimei bali ni Yakimu, Sikri, Sabdi, 20 Elienai, Siletai, Eliele, 21 Adaya, Beraya na Shimrati; 22 abatuntwike muli Shashaki bali ni Ishpani, Ebere, Eliele, 23 Abdone, Sikri, Hanani, 24 Hanania, Elamu, Antotiya, 25 Ifidia na Penuele; 26 abatuntwike muli Yerohamu bali ni Shamsherai, Sheharia, Atalia, 27 Yaareshia, Eliya na Sikri. 28 Aba e bali intungulushi sha ba mu mayanda ya bashibo abo balembele ukulingana ne ntuntuko shabo. Ishi intungulushi shaleikala mu Yerusalemu.

29 Yeiele wishi wa kwa Gibeone aleikala mu Gibeone.+ Umukashi wakwe ali ni Maaka.+ 30 Kabili ibeli lyakwe ali ni Abdone, Suri e wali cikonka ibeli, e lyo pakonka Kishi, Baali, Nadabu, 31 Gedore, Ahio na Sekere. 32 Mikilote afyele Shimea. Kabili bonse baleikala mupepi na bamunyinabo mu Yerusalemu pamo na bamunyinabo bambi.

33 Nere+ afyele Kishi; Kishi afyele Shauli;+ Shauli afyele Yonatani,+ Malkishua,+ Abinadabu+ na Eshbaali.*+ 34 Kabili Yonatani afyele Merib-baali.+ Merib-baali* afyele Mika.+ 35 Abana ba kwa Mika bali ni Pitone, Meleke, Tarea na Ahasi. 36 Ahasi afyele Yehoada; Yehoada afyele Alemete, Asimabete na Simri. Simri afyele Mosa. 37 Mosa afyele Binea, Binea afyele Rafa, Rafa afyele Eleasa, Eleasa afyele Asele. 38 Asele afyele abana 6, kabili amashina yabo yali ni Asrikamu, Bokeru Ishmaele, Shearia, Obadia na Hanani. Bonse aba bali bana ba kwa Asele. 39 Kabili abana ba kwa Esheke munyina bali ni Ulamu ibeli lyakwe, Yeushi cikonkebeli na Elifelete uwalenga butatu. 40 Kabili abana ba kwa Ulamu bali bashilika ba maka abaishibe ukubomfya ubuta, kabili balikwete abana baume abengi na beshikulu abengi. Bonse bali 150, kabili batuntwike muli Benjamini.

9 Abena Israele bonse balibalembele ukulingana ne ntuntuko shabo. Babalemba mwi Buuku lya Mfumu sha mu Israele. Kabili abaYuda balibasendele mu kuyaba bankole ku Babiloni pa mulandu wa kuti tabali ne cishinka.+ 2 Ababalilepo ukubwelela ku misumba yabo bena Israele bamo, bashimapepo, abena Lebi na balebombela pe tempele.*+ 3 Kabili bamo pa batuntwike muli Yuda,+ muli Benjamini,+ muli Efraimu na muli Manase baikele mu Yerusalemu. Aba bali ni: 4 Utai umwana wa kwa Amihudi, umwana wa kwa Omri, umwana wa kwa Imri, umwana wa kwa Bani. Aba bonse batuntwike muli Perese+ umwana wa kwa Yuda. 5 Kabili abatuntwike mu bena Shilo ni Asaya ibeli na bana bakwe. 6 Na batuntwike mu bana ba kwa Sera+ ni Yeuele, na bamunyinabo 690.

7 Kabili abatuntwike muli Benjamini ni Salu umwana wa kwa Meshulamu, umwana wa kwa Hodabiya, umwana wa kwa Hasenua, 8 Ibneya umwana wa kwa Yerohamu, Ela umwana wa kwa Usi, umwana wa kwa Mikri, na Meshulamu umwana wa kwa Shefatia, umwana wa kwa Reuele, umwana wa kwa Ibniya. 9 Kabili bamunyinabo, ukulingana ne ntuntuko shabo bali 956. Aba bonse bali ni ntungulushi sha ba mu mayanda ya bashibo.

10 Pali bashimapepo pali Yedaya, Yehoyaribu, Yakini,+ 11 Asaria umwana wa kwa Hilkia, umwana wa kwa Meshulamu, umwana wa kwa Sadoke, umwana wa kwa Merayote, umwana wa kwa Ahitubu, uwali intungulushi ya ng’anda* ya kwa Lesa wa cine, 12 Adaya umwana wa kwa Yerohamu, umwana wa kwa Pashihuri, umwana wa kwa Malkiya, Maasai umwana wa kwa Adiele, umwana wa kwa Yaasera, umwana wa kwa Meshulamu, umwana wa kwa Meshilemiti, umwana wa kwa Imere, 13 na bamunyinabo abali intungulushi sha ba mu mayanda ya bashibo, bali 1,760 abaume ba maka abaishibe bwino ifya kubomba umulimo pa ng’anda ya kwa Lesa wa cine.

14 Kabili pa bena Lebi pali Shemaya+ umwana wa kwa Hashubu, umwana wa kwa Asrikamu, umwana wa kwa Hashabia. Aba batuntwike muli Merari; 15 pali na Bakbakari, Hereshe, Galali, Matania umwana wa kwa Mika, umwana wa kwa Sikri, umwana wa kwa Asafi, 16 Obadia umwana wa kwa Shemaya, umwana wa kwa Galali, umwana wa kwa Yedutuni, na Berekia umwana wa kwa Asa, umwana wa kwa Elkana, uwaleikala mu mishi ya bena Netofa.+

17 Abalelonda impongolo+ bali ni Shalumu, Akubu, Talmone, Ahimani kabili munyinabo Shalumu e wali intungulushi yabo, 18 kabili ukufika na pali ilya yine nshita, ali pa mpongolo ya mfumu ku kabanga.+ Aba e balelinda inkambi sha bena Lebi. 19 Kabili Shalumu umwana wa kwa Kore, umwana wa kwa Ebiasafi, umwana wa kwa Kora na bamunyina aba mu ng’anda ya kwa wishi, abena Kora, baleangalila umulimo, abalelinda pa mwinshi we tenti lya mushilo, kabili bashibo baleangalila inkambi ya kwa Yehova, balelinda pa mwinshi. 20 Finehasi+ umwana wa kwa Eleasari+ e wali intungulushi yabo kale, kabili Yehova ali nankwe. 21 Sekaria+ umwana wa kwa Meshelemia e walelinda impongolo ye tenti lya kukumaninamo na Lesa.

22 Bonse abo basalile ukulalonda impongolo bali 212. Baleikala mu mishi yabo ukulingana ne fyo babalembele mu ntuntuko shabo.+ Aba e bo Davidi na Samwele uwaleiluka ifimonwa+ bapeele uyu umulimo pantu bali ba cishinka. 23 Bena na bana babo e baleangalila umulimo wa kulinda impongolo sha ng’anda ya kwa Yehova,+ e kutila itenti lya mushilo. 24 Abalelinda impongolo bali mu ntunga 4, ku kabanga, ku masamba, ku kapinda ka ku kuso na ku kapinda ka ku kulyo.+ 25 Mu nshita mu nshita bamunyinabo abaleikala mu mishi baleisa mu kubombela pamo nabo pa nshiku 7. 26 Kwali abaume aba maka 4 abo bapeele umulimo wa kulinda impongolo pa mulandu wa kuti bali ne cishinka. Bali bena Lebi, kabili e baleangalila imiputule* ne fipao fya mu ng’anda ya kwa Lesa wa cine.+ 27 Ubushiku bonse baleba apo balebombela ukushinguluka ing’anda ya kwa Lesa wa cine, pantu balebomba umulimo wa kulinda. E balesunga na makii kabili e baleisula ing’anda cila lucelo.

28 Bamo pali bena e balesunga ifipe ifyo balebomfya.+ Balefipenda pa kufifumya na pa kufingisha. 29 Bamo pali bena babapeele umulimo wa kusunga ifipe, ifipe fya mushilo fyonse+ no wa kusunga ubuunga bwapeleka sana,+ umwangashi,+ amafuta,+ ububani bwabuuta+ na mafuta ya balsamu.+ 30 Bamo pa bana ba bashimapepo balepanga amafuta ya balsamu ayanunkila. 31 Kabili Matitia umwina Lebi, uwali ibeli lya kwa Shalumu umwina Kora, bamupeele umulimo wa kwangalila abalepanga umukate.+ 32 Bamunyinabo bamo abena Kohati, baleangalila umulimo wa kupampikanya umukate wa kutuula,+ baleuteyanya lyonse pe sabata.+

33 Aba e bali bakemba, intungulushi sha ba mu mayanda ya bashibo aya bena Lebi abaleba mu miputule,* abo bashapeele imilimo imbi; pantu balebomba akasuba no bushiku. 34 Aba e bali intungulushi sha ba mu mayanda ya bashibo aya bena Lebi ukulingana ne ntuntuko shabo. Aba baleikala mu Yerusalemu.

35 Yeiele wishi wa kwa Gibeone aleikala mu Gibeone.+ Umukashi wakwe ali ni Maaka. 36 Kabili ibeli lyakwe ali ni Abdone, Suri e wali cikonka ibeli, e lyo pakonka Kishi, Baali, Nere, Nadabu, 37 Gedore, Ahio, Sekaria na Mikilote. 38 Mikilote afyele Shimeamu. Kabili bonse baleikala mupepi na bamunyinabo mu Yerusalemu, pamo na bamunyinabo bambi. 39 Nere+ afyele Kishi; Kishi afyele Shauli;+ Shauli afyele Yonatani,+ Malkishua,+ Abinadabu+ na Eshbaali. 40 Kabili Yonatani afyele Merib-baali.+ Merib-baali afyele Mika.+ 41 Kabili abana ba kwa Mika bali ni Pitone, Meleke, Taarea na Ahasi. 42 Ahasi afyele Yara; Yara afyele Alemete, Asimabete na Simri. Simri afyele Mosa. 43 Mosa afyele Binea na Refaya, Refaya afyele Eleasa, Eleasa afyele Asele. 44 Asele afyele abana 6, kabili amashina yabo yali ni, Asrikamu, Bokeru, Ishmaele, Shearia, Obadia na Hanani. Aba e bali abana ba kwa Asele.

10 Nomba abaPelishiti balelwa na bena Israele. Kabili abena Israele bafulumwike abaPelishiti. Lyena abaPelishiti baipaile abena Israele abengi pa Lupili lwa Gilboa.+ 2 AbaPelishiti balipaleme sana kuli Shauli na bana bakwe, kabili baipeye Yonatani, Abinadabu na Malkishua,+ abana ba kwa Shauli abaume. 3 Inkondo yakoseele Shauli, kabili ilyo abalepoosa imifwi bamusangile, balimucenene.+ 4 Lyena Shauli aebele uwalesenda ifyanso fyakwe ati: “Somona ulupanga lobe undase, lupule no kupula pa kuti aba bantu abashasembululwa beisampulinkanya ulupanga no kunjipaya bunkalwe bunkalwe.”+ Lelo uwalemusendela ifyanso talefwaya ukumulasa pantu ali no mwenso nga nshi. E ico Shauli abuulile ulupanga aisonta e lyo awilako.+ 5 Ilyo uwalesendela Shauli ifyanso amwene ukuti afwa, na o abuulile ulupanga lwakwe aisonta e lyo awilako, e fyo na o afwile. 6 E fyo Shauli na bana bakwe abaume batatu bafwile, kabili bonse aba mu ng’anda yakwe abo ali nabo bafwilile pamo.+ 7 Ilyo abena Israele abaleikala mu mupokapoka* baishibe ukuti abashilika abena Israele balifulumwike, no kuti Shauli na bana bakwe abaume balifwile, batendeke ukufulumuka mu misumba. Lyena abaPelishiti balishile, batampa no kwikalamo.

8 Ubushiku bwakonkelepo ilyo abaPelishiti baishile mu kusenda ifintu fya bantu abo baipeye, basangile Shauli na bana bakwe abaume nabafwa pa Lupili lwa Gilboa.+ 9 E ico balimufulile ifya kufwala fya nkondo, bamuputulako umutwe, e lyo batuma aba kuyabila imbila mu calo conse ica baPelishiti pa kuti beshibishe aba mu mayanda ya tulubi+ twabo na bantu. 10 Lyena babikile ifya kufwala fyakwe ifya nkondo mu ng’anda* ya kalesa kabo, kabili umutwe wakwe baupoopeele pa cibumba ca ng’anda ya kwa Dagone.+

11 Ilyo abena Yabeshe+ mu Gileadi baumfwile ifyo abaPelishiti bacitile icitumbi ca kwa Shauli,+ 12 abashilika bonse balimine bayasenda icitumbi ca kwa Shauli ne fitumbi fya bana bakwe abaume. Bafiletele ku Yabeshe kabili bashiikile amafupa yabo mwi samba lya cimuti icikalamba mu Yabeshe,+ kabili balifungile pa nshiku 7.

13 E fyo Shauli afwile pantu tali ne cishinka kuli Yehova pa mulandu wa kuti takonkele ifyo Yehova amwebele+ kabili aileipusha uwaleumfwana ne mipashi ifyo alingile ukucita,+ 14 mu cifulo ca kwipusha Yehova. E ico alimwipeye, apeela na Davidi umwana wa kwa Yese ubufumu.+

11 Mu kupita kwa nshita abena Israele bonse baile kuli Davidi ku Hebrone+ kabili bamwebele abati: “Moneni! Ifwe tuli bamunyinenwe.*+ 2 Kale ilyo Shauli ali imfumu yesu, nimwe mwaletungulula* abashilika abena Israele mu nkondo.+ Kabili Yehova Lesa wenu amwebele ati: ‘Niwe ukalacema abantu bandi abena Israele, kabili ukaba intungulushi ya bantu bandi abena Israele.’”+ 3 E ico abakalamba bonse aba mu Israele baile ku mfumu ku Hebrone, kabili Davidi apangene nabo icipangano mu Hebrone pa cinso ca kwa Yehova. Lyena basubile Davidi pa kuti abe imfumu ya bena Israele+ ukulingana ne fyo Yehova alandile ukupitila muli Samwele.+

4 Pa numa Davidi na bena Israele bonse baile ku Yerusalemu, e kutila ku Yebusi,+ ukwaleikala abena Yebusi.+ 5 Abena Yebusi basaalwile Davidi abati: “Tawaingilemo muno!+ Na lyo line Davidi apokele umusumba wa Sione,+ uwali na malinga ayakosa. Uyu nomba Musumba wa kwa Davidi.+ 6 E ico Davidi alandile ati: “Uukabalilapo ukwipaya abena Yebusi e ukaba umukalamba wa bashilika.” Yoabu+ umwana wa kwa Seruya e wabalilepo ukuya, kabili aishileba umukalamba wa bashilika. 7 Lyena Davidi atampile ukwikala mu musumba wa malinga ayakosa, kabili batendeke ukuwita abati Umusumba wa kwa Davidi. 8 Davidi atampile ukukuula umusumba ne fikuulwa fimbi ukufuma pa Milo* ukufika fye na mu kati ka musumba, kabili Yoabu e wakuulile cipya cipya ifikuulwa fimbi ifyashele mu musumba. 9 E fyo Davidi aile alekwatilako amaka,+ kabili Yehova wa mabumba ali nankwe.

10 Nomba aba e bali abakalamba ba bashilika ba maka aba kwa Davidi e lyo na bena Israele bonse abamutungilile pa kuti abe imfumu nga fintu Yehova alaile abena Israele.+ 11 Aya e mashina ya bashilika ba maka aba kwa Davidi: Yashobeamu+ umwana wa mwina Hakmone, e wali umukalamba wa aba abashilika batatu.+ Bushiku bumo aipeye abantu 300 kwi fumo.+ 12 Uwakonkelepo ali ni Eleasari+ umwana wa kwa Dodo umwana wa kwa Ahohe.+ Ali pali aba abashilika batatu aba maka. 13 Uyu e wali na Davidi ku Pas-damimu,+ uko abaPelishiti balongene pa kuti balwe inkondo na bena Israele. Nomba kwali ibala umwali barle iingi, kabili abantu balifulumwike abaPelishiti. 14 Lelo ena alishipile aiminina na pa kati ke bala no kulicingilila. Atwalilile ukwipaya abaPelishiti ica kuti Yehova alengele abantu bakwe bacimfya icine cine.*+

15 Intungulushi shitatu pa ntungulushi 30 shaile ku cilibwe ukwali Davidi ku lucengo lwa Adulamu+ ninshi abashilika abaPelishiti nabapanga inkambi mu Mupokapoka* wa Refaimu.+ 16 Pali ilya nshita ninshi Davidi alifiseme, kabili ninshi abashilika ba baPelishiti bapangile inkambi mu Betelehemu. 17 Lyena Davidi afulwike amenshi ya mu Betelehemu e lyo atila: “Ala ifyo ningatemwa ukunwa amenshi ya mu cishima ca mu Betelehemu+ icabela mupepi ne mpongolo!” 18 E lyo aba abashilika ba maka batatu baileingila mu nkambi ya baPelishiti ku maka, kabili batapile amenshi mu cishima ca mu Betelehemu icabela mupepi ne mpongolo, e lyo baletela Davidi; lelo alikeene ukunwa, ayetile panshi pa cinso ca kwa Yehova. 19 Alandile ati: “Te kuti ncite ica musango yu mwe Lesa wandi! Bushe inwe umulopa wa bantu abaci-ibika mu kapoosa mweo?+ Pantu baci-ibika mu kapoosa mweo pa kuti bayetapa amenshi.” E ico alikeene ukunwa yalya menshi. Ifi e fyo abashilika bakwe batatu aba maka bacitile.

20 Abishai+ munyina Yoabu+ ali mukalamba wa bashilika bambi batatu; aipeye abantu 300 kwi fumo, kabili na o aishibikwe nga filya fine balya bambi batatu baishibikwe.+ 21 Pali balya batatu e wali uwacindikwa ukucila abashala babili, kabili e wali intungulushi yabo, lelo tafikile pa cifulo ico balya abashilika batatu aba kubalilapo bafikilepo.

22 Benaya+ umwana wa kwa Yehoyada ali mwaume uwashipa* uwacitile ifingi mu Kabseele.+ Aipeye abana abaume babili aba kwa Ariele uwa ku Moabu, kabili pa bushiku kwali imfula ya bungululu bwa buuta, aingile mu cilindi, aipaya ne nkalamo.+ 23 Na kabili aipeye umwina Egupti ipaka uwalepele imikono 5.*+ Nangu ca kuti umwina Egupti alikete ifumo ilyakwete ica kwikatilako icali nga kamulando ka bakapikula ba nsalu,+ aile kuli ena ne nkonto kabili amusompwele ifumo, e lyo amwipaila kuli lilya line ifumo.+ 24 Ifi e fyo Benaya umwana wa kwa Yehoyada acitile, kabili na o aishibikwe nga filya fine balya abashilika ba maka batatu aba kubalilapo baishibikwe. 25 Nangu ca kuti ali uwacindikwa sana ukucila balya 30, tafikile pa cifulo ico balya batatu bafikilepo.+ Lelo Davidi amupeele umulimo wa kulamulinda.

26 Abashilika aba maka abalebomba ubushilika bali ni Asaele+ munyina Yoabu, Elhanani umwana wa kwa Dodo uwa ku Betelehemu,+ 27 Shamote umwina Harore, Helese umwina Pelone, 28 Ira+ umwana wa kwa Ikeshe umwina Tekoa, Abiesere+ umwina Anatote, 29 Sibekai+ umwina Husha, Ilai umwina Ahohe, 30 Maharai+ umwina Netofa, Helede+ umwana wa kwa Baana umwina Netofa, 31 Itai umwana wa kwa Ribai uwa ku Gibea umwina Benjamini,+ Benaya umwina Piratone, 32 Hurai uwa ku mimana ya Gaashi,+ Abiele umwina Arba, 33 Asmabete umwina Baharumu, Eliaba umwina Shaalibimu, 34 abana ba kwa Hashemu umwina Gisone, Yonatani umwana wa kwa Shage umwina Harari, 35 Ahiamu umwana wa kwa Sakari umwina Harari, Elifali umwana wa kwa Uri, 36 Hefere umwina Mekerati, Ahiya umwina Pelone, 37 Hesero umwina Karmele, Naarai umwana wa kwa Esbai, 38 Yoele munyina Natani, Mibhari umwana wa kwa Hagri, 39 Seleke umwina Amone, Naharai umwina Beerote, uwalesendela Yoabu umwana wa kwa Seruya ifyanso; 40 Ira umwina Itri, Garebu umwina Itri, 41 Uria+ umwina Hiti, Sabadi umwana wa kwa Alai, 42 Adina umwana wa kwa Shisa umwina Rubene, intungulushi ya bena Rubene, uwali na bantu 30; 43 Hanani umwana wa kwa Maaka, Yoshafati umwina Mitni, 44 Usia umwina Ashterate, Shama na Yeiele, abana ba kwa Hotamu umwina Aroere; 45 Yediaele umwana wa kwa Shimri na Yoha munyina, umwina Tisi; 46 Eliele umwina Mahabi, Yeribai na Yoshabia abana ba kwa Elnaamu, na Itma umwina Moabu; 47 Eliele, Obedi na Yaasiele umwina Soba.

12 Aba e baume abaishile kuli Davidi ku Siklagi+ ninshi taya nangu kumo pa mulandu wa kuti aletiina Shauli+ umwana wa kwa Kishi. Aba bali pa bashilika ba maka abalemwafwilisha ukulwa inkondo.+ 2 Bali-ipangeshe na mata, kabili balishibe ifya kubomfya ukuboko kwa ku kulyo no kwa ku kuso+ pa kusukusa amabwe+ ukubomfya icisukushilo na pa kupoosa imifwi. Bali ni bamunyina ba kwa Shauli, abatuntwike muli Benjamini.+ 3 Ahiesere e wali umukalamba wa bashilika e lyo uwakonkelepo ni Yoashi. Aba bali bana ba kwa Shema umwina Gibea;+ lyena kwali Yesiele na Pelete abana ba kwa Asmabete,+ Beraka, Yehu umwina Anatote, 4 Ishmaya umwina Gibeone,+ e wali umushilika wa maka pa bashilika 30+ kabili e walebangalila; kwali na Yeremia, Yahasiele, Yohanani, Yosabadi umwina Gedere, 5 Elusai, Yerimote, Bealia, Shemaria, Shefatia umwina Harifu, 6 Elkana, Ishia, Asarele, Yoesere na Yashobeamu, abena Kora;+ 7 na Yoela na Sebadia abana ba kwa Yerohamu uwa ku Gedore.

8 Abena Gadi bamo baileilunda kuli Davidi mu ncende iyafisama mu matololo.+ Aba bali bashilika ba maka abasambilile ifya kulwa inkondo kabili abaishibe sana ifya kubomfya inkwela iikalamba ne fumo. Pa menso balemoneka kwati ni nkalamo, kabili balebutukisha kwati ni mpombo pa mpili. 9 Esere e wali umukalamba wabo, Obadia e wakonkelepo, Eliabu e wali uwa butatu, 10 Mishmana e walengele 4, Yeremia e walengele 5, 11 Atai e walengele 6, Eliele e walengele 7, 12 Yohanani e walengele 8, Elsa e walengele 9, 13 Yeremia e walengele 10, Makbanai e walengele 11. 14 Aba bali bena Gadi,+ abakalamba ba bashilika. Uushakwatishe amaka pali aba alekumanisha ukulwa na bashilika 100, e lyo uwakwatishe amaka alekumanisha ukulwa na bashilika 1,000.+ 15 Aba e bashilika aba-abwike umumana wa Yordani mu mweshi wa kubalilapo ninshi nawisula ukufika na mu lulamba, kabili batamfiishe bonse abaleikala mu mpanga iyabatama ku kabanga na ku masamba.

16 Abaume bamo abena Benjamini na baYuda nabo baishile kuli Davidi ku ncende iyafisama.+ 17 Lyena Davidi alifumine pa kuti alande nabo, kabili abebele ati: “Nga ca kuti mwishile mu mutende kabili mwishile mu kungafwa, ninshi nalamupokelela bwino. Lelo nga mwishile mu kumbeleleka pa kuti abalwani bandi bancimfye nangu ca kuti tapali ico nalufyanya, ninshi Lesa wa fikolwe fyesu alolekeshepo kabili apingule.”+ 18 Lyena umupashi wa kwa Lesa waishile pali Amasai,+ uwali umukalamba wa baume 30 kabili atile:

“Tuli bantu bobe Davidi mwana Yese, kabili tuli ku lubali lobe.+

E ico Davidi alibapokelele kabili abasontele ukuba abakalamba ba bashilika.

19 Abena Manase bamo nabo baishileba ku lubali lwa kwa Davidi ilyo aishile na baPelishiti mu kulwa na Shauli; lelo ta-afwile abaPelishiti, pantu ilyo bakateka ba baPelishiti+ bapandishenye amano balimutamfishe, batile: “Akayaba ku lubali lwa kwa shikulu wakwe Shauli, bakatwipaye no kutwipaya.”+ 20 Ilyo aile ku Siklagi,+ aba mu mukowa wa kwa Manase abaile ku lubali lwakwe ni aba: Adna, Yosabadi, Yediaele, Mikaele, Yosabadi, Elihu na Siletai. Aba bali bakalamba ba mabumba ya bantu 1,000 aba mu mukowa wa kwa Manase.+ 21 Balyafwilishe Davidi ukulwisha ifipondo ifyalebelamina abantu, pantu bonse bali bashilika ba maka, abashipa,+ kabili baishileba abakalamba ba bashilika. 22 Cila bushiku abantu baleisa kuli Davidi+ mu kumwafwa, mpaka inkambi yakula yaba fye nge nkambi ya kwa Lesa.+

23 Aba e baishile kuli Davidi ku Hebrone ninshi nabasenda ifyanso fya nkondo+ pa kuti bayefumya Shauli pa bufumu babikepo Davidi nga fintu Yehova alandile.+ 24 Abaume aba mu mukowa wa kwa Yuda abasendele inkwela ishikalamba na mafumo bali 6,800, abaipekenye ukuya ku nkondo. 25 Abashilika ba maka kabili abashipa aba mu mukowa wa kwa Simeone, bali 7,100.

26 Abena Lebi bali 4,600. 27 Yehoyada+ e waletungulula abatuntwike muli Aarone,+ kabili abo ali nabo bali 3,700. 28 Sadoke+ umulumendo uwa maka kabili uwashipa, na o aishile na bakalamba ba mu ng’anda ya fikolwe fyakwe, abali 22.

29 Abena Benjamini bamunyina Shauli,+ bali 3,000. Abengi pali aba, kale baletungilila aba mu ng’anda ya kwa Shauli. 30 Abafumine mu mukowa wa kwa Efraimu bali 20,800. Bali baume ba maka, abashipa kabili balilumbwike pa ba mu mayanda ya bashibo.

31 Abafumine muli hafu ya mukowa wa kwa Manase bali 18,000. Aba e bo basalile pa kuti bayebika Davidi pa bufumu. 32 Aba mu mukowa wa kwa Isakari, abaleiluka ifyalecitika kabili abaleishiba ifyo abena Israele balingile ukulacita, bali abakalamba 200, kabili e baletungulula bamunyinabo bonse. 33 Abafumine mu mukowa wa kwa Sebuluni abaipekenye ukulwa inkondo kabili abakwete ifyanso ifyalekanalekana bali abashilika 50,000. Bonse aba bali ku lubali lwa kwa Davidi kabili bali ne cishinka sana kuli ena.* 34 Mu mukowa wa kwa Naftali mwafumine abakalamba ba bashilika 1,000, kabili bali pamo na bashilika 37,000 abali ne nkwela ishikalamba na mafumo. 35 Aba mu mukowa wa kwa Dani abaipekenye ukulwa inkondo bali 28,600. 36 Kabili aba mu mukowa wa kwa Ashere abaipekenye ukulwa inkondo bali 40,000.

37 Abashilika abafumine kwi shilya lya Yordani,+ aba mu bena Rubene, mu bena Gadi na ba muli hafu ya mukowa wa kwa Manase abali ne fyanso fya nkondo ifyalekanalekana, bali 120,000. 38 Aba bonse bali bashilika abaipekenye ukulwa inkondo. Baishile ku Hebrone no mutima umo pa kuti babike Davidi pa bufumu, aleteka abena Israele bonse. Kabili abena Israele bonse abasheleko balefwaya* Davidi abe imfumu.+ 39 Kabili baikele kulya kwine na Davidi pa nshiku shitatu, balelya no kunwa ifyo bamunyinabo babapekanishishe. 40 Kabili bonse abali mupepi nabo, ukubikako fye na bali ukutali abena Isakari, abena Sebuluni na bena Naftali, baleleta ifya kulya pa mpunda, pa ngamila, pa mfalashi na pa ng’ombe. Baleleta ubuunga bwa ngano, amakeke ya mikunyu ne myangashi iyauma, umwangashi, amafuta, ing’ombe ne mpaanga kabili ifyo baleleta fyaleba ifingi nga nshi, pantu abena Israele balesekelela.

13 Davidi alanshenye na baletungulula amabumba ya bantu 1,000, abaletungulula amabumba ya bantu 100 e lyo ne ntungulushi shonse.+ 2 Lyena Davidi aebele ulukuta lonse ulwa bena Israele ati: “Nga mulemona ukuti cili fye bwino kabili na Yehova Lesa wesu kuti atemwa, natutume amashiwi kuli bamunyinefwe abashala mu fitungu fyonse ifya mu Israele na kuli bashimapepo na bena Lebi mu misumba yabo+ iyakwata impanga ya mulemfwe, pa kuti nabo bese kuno. 3 Kabili natubweshe Icipao+ ca kwa Lesa wesu.” Pantu balicilekeleshe ilyo Shauli aleteka.+ 4 Ulukuta lonse lwalisumiine ukucita ifyo Davidi alandile, pantu abantu bonse balitemenwe ifyo alandile. 5 E ico Davidi alonganike abena Israele bonse ukutendekela fye ku mumana* wa mu Egupti ukuyafika fye na ku Lebohamati,*+ pa kuti bayesenda Icipao ca kwa Lesa wa cine ku Kiriati-yearimu.+

6 Davidi na bena Israele bonse baile ku Baala,+ ku Kiriati-yearimu iyaba mu Yuda, mu kusenda Icipao ca kwa Lesa wa cine Yehova, uwaikala pa muulu* wa bakerubi,+ pa Cipao apo abantu betila ishina lyakwe. 7 Lelo babikile Icipao ca kwa Lesa wa cine pe celeta ilipya+ pa kucifumya ku ng’anda ya kwa Abinadabu, kabili Usa na Ahio e baletungulula ing’ombe ishaletinta iceleta.+ 8 Davidi na bena Israele bonse balesefya pa cinso ca kwa Lesa wa cine na maka yabo yonse, ninshi baleimba inyimbo, balelisha insango, ifilimba fimbi ifya nsale, utuoma,+ amalimba+ na mapenga.+ 9 Lelo ilyo bafikile apo Kidone alepumina ingano, Usa aikete Icipao, pantu kwashele fye panono ing’ombe nga shaliciponeshe. 10 E lyo ubukali bwa kwa Yehova ububilima ngo mulilo bwaishile pali Usa pa mulandu wa kuti alikete Icipao,+ kabili afwilile palya pene pa cinso ca kwa Lesa.+ 11 Lelo Davidi alikalipe* pa mulandu wa kuti Yehova alikalipe sana pa fyo Usa acitile; kabili cilya cifulo baciita ukuti Perese-usa* ukushinta na lelo.

12 E ico pali bulya bushiku Davidi alitiinine Lesa wa cine kabili alandile ati: “Bushe nalacita shani pa kuti ntwale Icipao ca kwa Lesa wa cine uko njikala?”+ 13 Davidi tatwele Icipao uko aleikala ku Musumba wa kwa Davidi, lelo aebele bamo ukuti bacitwale ku ng’anda ya kwa Obed-edomu umwina Giti. 14 Icipao ca kwa Lesa wa cine caikele na ba mu ng’anda ya kwa Obed-edomu. Caikele mu ng’anda yakwe pa myeshi itatu kabili Yehova alepaala aba mu ng’anda ya kwa Obed-edomu na fyonse ifyo akwete.+

14 Hiramu imfumu+ ya Turi atumine inkombe kuli Davidi, amutumiine ne fimuti fya mikedari. Amutumiine na baishiba ukuputula amabwe ya kukuulila ifibumba* na bakabasa pa kuti bengayamukuulila ing’anda.*+ 2 Kabili Davidi alishibe ukuti Yehova alimupeele insambu sha kuba imfumu ya bena Israele+ pantu alikoseshe ubufumu bwakwe pa mulandu wa bantu bakwe abena Israele.+

3 Davidi alyupiilepo abanakashi na bambi+ mu Yerusalemu, kabili alifyalilepo abana na bambi abaume na banakashi.+ 4 Aba e bana abo afyalile mu Yerusalemu:+ Shamua, Shobabu, Natani,+ Solomone,+ 5 Ibhari, Elishua, Elipelete, 6 Noga, Nefege, Yafia, 7 Elishama, Beeliada na Elifelete.

8 Ilyo abaPelishiti baumfwile ukuti Davidi balimusubile ukuba imfumu ya bena Israele,+ bonse baile mu kufwaya Davidi.+ Ilyo Davidi aumfwile, aile mu kubalwisha. 9 Lyena abaPelishiti balishile kabili balesansa abaleikala mu Mupokapoka* wa Refaimu.+ 10 Davidi aipwishe Lesa ati: “Bushe njelwisha abaPelishiti? Bushe muleyabapeela mu minwe yandi?” E lyo Yehova aebele Davidi ati: “Kabiye, pantu nangu cibe shani nalayabapeela mu minwe yobe.”+ 11 E ico Davidi aile ku Baali-perasimu,+ kabili kulya kwine e ko abepaile. E lyo alandile ati: “Lesa wa cine nancimfishako abalwani.” E co bainikile ilya ncende ukuti Baali-perasimu. 12 AbaPelishiti bashiile tulesa twabo kulya kwine. Lyena Davidi aebele abantu ukuti batoce, kabili balitocele.+

13 Pa numa abaPelishiti balibwelele no kusansa abaleikala mu mupokapoka.*+ 14 Davidi na kabili aipwishe Lesa wa cine nga kuti ayabalwisha, lelo amwaswike ati: “Pa kuya mu kubalwisha wibalungama. Lelo upitile ku numa yabo, kabili ubasanshile ku ntanshi ya fimpusa fya bakha.+ 15 Kabili nga waumfwa kwati ni nshindo sha bantu pa muulu wa fimpusa fya bakha, ilyo line ubasanse pantu pali iyo nshita ninshi Lesa wa cine nakutangilila pa kuti wipaye abashilika ba baPelishiti.”+ 16 E ico Davidi acitile filya fine Lesa wa cine amwebele,+ kabili baipeye abashilika ba baPelishiti ukufuma ku Gibeone ukuyafika ku Gesere.+ 17 Davidi alilumbwike mu fyalo fyonse, kabili Yehova alengele inko shonse shalamutiina.+

15 Kabili Davidi alitwalilile ukuikuulila amayanda mu Musumba wa kwa Davidi, alipekenye ne cifulo apa kwikala Icipao ca kwa Lesa wa cine kabili alitanike itenti umwa kucisungila.+ 2 E lyo Davidi alandile ati: “Takuli umbi uufwile ukusenda Icipao ca kwa Lesa wa cine kano fye abena Lebi, pantu e bo Yehova asala pa kuti balesenda Icipao ca kwa Yehova kabili balemubombela lyonse.”+ 3 Lyena Davidi alonganike abena Israele bonse mu Yerusalemu pa kuti balete Icipao ca kwa Yehova ku cifulo ico acipekanishishe.+

4 Abatuntwike muli Aarone+ na bena Lebi abo Davidi alonganike ni aba:+ 5 mu bena Kohati, ni Uriele intungulushi na bamunyina 120; 6 mu bena Merari, ni Asaya+ intungulushi na bamunyina 220; 7 mu bena Gershomu, ni Yoele+ intungulushi na bamunyina 130; 8 mu batuntwike muli Elisafani,+ ni Shemaya intungulushi na bamunyina 200; 9 mu batuntwike muli Hebrone, ni Eliele intungulushi na bamunyina 80; 10 mu batuntwike muli Usiele,+ ni Aminadabu intungulushi na bamunyina 112. 11 Kabili Davidi aitile bashimapepo, e kutila Sadoke+ na Abiatari.+ Aitile na bena Lebi, e kutila Uriele, Asaya, Yoele, Shemaya, Eliele na Aminadabu, 12 kabili abebele ati: “Imwe muli ntungulushi sha ba mu mayanda ya bashinwe abena Lebi. Imwe na bamunyinenwe isangululeni, kabili mulete Icipao ca kwa Yehova Lesa wa kwa Israele ku cifulo uko ncipekanishishe. 13 Pa mulandu wa kuti te imwe mwacisendele pa kubala,+ Yehova Lesa wesu alitufulilwe,+ pantu tatwakonkele ifyo tufwile ukucita pa kucisenda.”+ 14 E ico bashimapepo na bena Lebi bali-isangulwile pa kuti balete Icipao ca kwa Yehova Lesa wa kwa Israele.

15 Lyena abena Lebi basendele Icipao ca kwa Lesa wa cine pa mabeya yabo ku mitembo,+ nga fintu Yehova alandile ukupitila muli Mose. 16 Lyena Davidi aebele intungulushi sha bena Lebi ukusala bamunyinabo abali no kulaimba ne nsansa. Bali no kulaimba ne filimba, e kutila ifilimba fya nsale, insango+ na malimba.+

17 E ico pa bena Lebi banabo basalilepo Hemani+ umwana wa kwa Yoele, Asafi+ umwana wa kwa Berekia na Etani+ umwana wa kwa Kushaya uwa mu lupwa lwa kwa Merari. 18 Bamunyinabo abo bali pamo nabo aba mwi bumba lyalenga bubili+ ni Sekaria, Beni, Yaasiele, Shemiramote, Yehiele, Uni, Eliabu, Benaya, Maaseya, Matitia, Elifelehu na Mikneya, Obedi-edomu na Yeiele abalelonda impongolo. 19 Hemani,+ Asafi+ na Etani, e bali no kulalisha amalimba ya mukuba+ pa kwimba; 20 kabili Sekaria, Asiele, Shemiramote, Yehiele, Uni, Eliabu, Maaseya na Benaya balelisha ifilimba fya nsale ifya pali Alamote;*+ 21 kabili Matitia,+ Elifelehu, Mikneya, Obedi-edomu, Yeiele na Asasia balelisha insango sha pali Sheminiti,*+ pa kuti baletungulula bakemba. 22 Kenania+ uwali intungulushi ya bena Lebi mu kusenda Icipao, e wale-angalila abalesenda Icipao pantu alishibe sana umulimo wa kusenda Icipao, 23 kabili Berekia na Elkana e balelinda Icipao. 24 Shebania, Yoshafati, Netanele, Amasai, Sekaria, Benaya na Eliesere abali bashimapepo balelisha sana amapenga ku ntanshi ya Cipao ca kwa Lesa wa cine,+ kabili Obedi-edomu na Yehia nabo balelonda Icipao.

25 Lyena Davidi na bakalamba ba mu Israele ne ntungulushi sha mabumba ya bantu 1,000 bale-endela pamo na basendele icipao ca cipangano ica kwa Yehova ilyo balecifumya ku ng’anda ya kwa Obedi-edomu+ ninshi balesekelela.+ 26 Ilyo Lesa wa cine ayafwile abena Lebi abasendele icipao ca cipangano ica kwa Yehova, batuulile abana ba ng’ombe abalume 7 ne mpaanga ishilume 7.+ 27 Davidi na bena Lebi bonse abasendele Icipao, bakemba na Kenania uwaleangalila umulimo wa kusenda ifipe kabili uwaleangalila na bakemba, bafwele ifya kufwala fyabula amaboko ifya nsalu iisuma. Davidi alifwele na efode iyo bapangiile no bushishi ubusuma.+ 28 Ilyo abena Israele bonse baleleta icipao ca cipangano ica kwa Yehova, baleaula utupundu,+ balelisha intandala na mapenga+ na malimba. Balelisha sana ifilimba fya nsale ne nsango.+

29 Nomba ilyo bafishishe icipao ca cipangano ica kwa Yehova mu Musumba wa kwa Davidi,+ Mikali umwana mwanakashi wa kwa Shauli+ alengeele pe windo kabili ilyo amwene Imfumu Davidi ilecilauka kabili ilecinda, ali-isuulile mu mutima wakwe.+

16 E ico baletele Icipao ca kwa Lesa wa cine no kucibika mwi tenti ilyo Davidi acipangiile.+ Lyena batuuliile Lesa wa cine imituulo ya koca na malambo ya mutende.+ 2 Ilyo Davidi apwishishe ukutuula imituulo ya koca+ na malambo ya mutende,+ apaalile abantu mwi shina lya kwa Yehova. 3 Na kabili apeele abena Israele bonse, abaume na banakashi, cila muntu umukate umo, keke ya fisabo fya tuncindu na keke ya myangashi. 4 Lyena asontele abena Lebi bamo aba kubombela apali Icipao ca kwa Yehova+ pa kuti balecindika* Yehova Lesa wa kwa Israele, balemutasha no kumulumbanya. 5 Asafi+ e wali intungulushi, e lyo pakonkele Sekaria; kabili Yeiele, Shemiramote, Yehiele, Matitia, Eliabu, Benaya, Obedi-edomu na Yeiele,+ e balelisha ifilimba fya nsale ne nsango;+ kabili Asafi e walelisha amalimba,+ 6 e lyo Benaya na Yahasiele bashimapepo balelisha amapenga pa ntanshi ya cipao ca cipangano ica kwa Lesa wa cine.

7 Ubu e bwali ubushiku ubo Davidi abalilepo ukushika ulwimbo lwa kulumbanya Yehova kabili aebele Asafi+ na bamunyina ukuti bembe ulu lwimbo. Baimbile abati:

10 Itakishisheni pe shina lyakwe ilya mushilo.+

Lekeni imitima ya bafwaya Yehova isekelele.+

11 Fwayeni Yehova+ na maka yakwe.

Lyonse mulemulomba ukuti alemwafwa.+

14 Ni Yehova Lesa wesu.+

Alapingula aba mwi sonde bonse.+

23 Imbileni Yehova mwe bantu bonse aba pano isonde!

Cila bushiku mulebilisha ifyo apususha abantu!+

25 Pantu Yehova mukulu kabili alilinga ukumulumbanya nga nshi.

Alilinga ukumutiina ukucila tulesa tonse.+

Kontamineni* Yehova ninshi namufwala ifya kufwala fya mushilo.*+

30 Mwe ba mwi sonde bonse tutumeni pa mulandu wakwe!

Alipampamika isonde; te kuti litelentenshiwe.+

Kabili abantu bonse batile, “Ameni!”* kabili balilumbenye Yehova.

37 Lyena Davidi ashiile Asafi+ na bamunyina palya pene apaali icipao ca cipangano ca kwa Yehova pa kuti lyonse balebombela palya pene,+ ukulingana ne milimo iyo balingile ukulabomba cila bushiku.+ 38 Obedi-edomu na bamunyina 68, na Obedi-edomu umwana wa kwa Yedutuni na Hosa e balelonda impongolo; 39 e lyo Sadoke+ shimapepo na bashimapepo banankwe bali pe tenti lya mushilo ilya kwa Yehova ilyali apo balepepela mu Gibeone+ 40 pa kuti lyonse ulucelo ne cungulo baletuulila Yehova amalambo ya koca pa ciipailo ca kutuulilapo amalambo ya koca na pa kuti balecita fyonse ifyalembwa mu Mafunde ya kwa Yehova ayo apeele abena Israele.+ 41 Abo bali nabo ni Hemani na Yedutuni+ na baume bonse abo basalile abo balumbwile amashina pa kuti baletootela Yehova,+ pantu “ukutemwa kwakwe ukushipwa kwa muyayaya”;+ 42 kabili bali na Hemani+ na Yedutuni pa kuti balelisha amapenga, amalimba ne filimba fimbi ifyo balelisha pa kulumbanya Lesa wa cine; e lyo abana ba kwa Yedutuni+ bali pa mpongolo. 43 Lyena abantu bonse balibwelelemo ku mayanda yabo, kabili Davidi na o aile mu kupaala aba mu ng’anda yakwe.

17 Ilyo Davidi atampile fye ukwikala mu ng’anda* yakwe, aebele kasesema Natani+ ati: “Mona ine ndeikala mu ng’anda ya mbao sha mikedari,+ lelo Icipao ca kwa Yehova caba mwi tenti.”+ 2 Natani aebele Davidi ati: “Citeni conse ico mulefwaya pantu Lesa wa cine ali na imwe.”

3 Mu nshita ya bushiku bulya bwine bushiku, Lesa aebele Natani ati: 4 “Kabiye kebe umubomfi wandi Davidi auti, ‘Yehova alanda ati: “Te iwe ukankuulila ing’anda ya kwikalamo.+ 5 Pantu nshatala njikalapo mu ng’anda ukufuma fye ubushiku nafumishe abena Israele mu Egupti ukufika na buno bushiku, lelo monse umo nale-enda naleikala fye mwi tenti.*+ 6 Bushe inshita yonse iyo naendele na bena Israele bonse nalyebelepo umo pali bakapingula ba bena Israele abo napeele umulimo wa kucema abantu bandi nati, ‘Cinshi ico ushankuulile ing’anda ya fimuti fya mikedari?’”’

7 Nomba kebe umubomfi wandi Davidi auti, ‘Yehova wa mabumba alanda ati: “Nakufumishe mu mpanga ya mulemfwe umo walecema impaanga pa kuti wise ube intungulushi ya bantu bandi abena Israele.+ 8 Kabili nakulaba na iwe konse uko wakulaya,+ nkalofya abalwani bobe bonse pa menso yobe;+ kabili nkalenga ukalumbuke nga baume ba pe sonde abalumbuka.+ 9 Nkasalila abantu bandi abena Israele icifulo uko bakekala, kabili takwakabe uwa kubapumfyanya; kabili ababifi tabakabacushe na kabili nge fyo babacushishe kale,+ 10 ukutula pa bushiku nasontele bakapingula abalepingula abantu bandi abena Israele.+ Kabili nkacimfya abalwani bobe bonse.+ Na kabili nakweba nati, ‘Yehova akakukuulila ing’anda.’*

11 “‘“Ilyo ukafwa nge fyafwa ifikolwe fyobe, pa bufumu bobe nkapyanikapo umwana* obe umwaume,+ kabili nkakosha ubufumu bwakwe.+ 12 E ukankuulila ing’anda,+ kabili nkakosha ubufumu bwakwe umuyayaya.+ 13 Nkaba wishi, na o akaba umwana wandi.+ Nshakaleke ukumulanga ukutemwa ukushipwa+ nga filya nalekele ukulanga uo wapyene pa bufumu.+ 14 Nkalenga akekale pa cipuna candi ica bufumu umuyayaya,+ kabili ubufumu bwakwe bukabako umuyayaya.”’”+

15 Natani aebele Davidi amashiwi yonse aya e lyo ne ci icimonwa conse.

16 E lyo Imfumu Davidi yaikele pa cinso ca kwa Yehova e lyo yatila: “Nine nani, mwe Yehova Lesa? Kabili bushe ing’anda yandi yalicindama pa kuti muncitile ifi mwancitila?+ 17 Mwe Lesa mwalanda no kuti ing’anda ya mubomfi wenu ikatwalilila ukubako na ku nshita ya ku ntanshi sana,+ kabili mwe Yehova Lesa mwancita kwati muntu uo mufwile ukucindamika* na kabili. 18 Finshi fimbi ne mubomfi wenu ningamweba pa fyo mwancindamika apo mwalinjishiba bwino ne mubomfi wenu?+ 19 Mwe Yehova, pa mulandu wa mubomfi wenu kabili ukulingana ne fyo mufwaya, mwalicita ifi fintu fyonse ifikalamba kabili mwalilenga fyaishibikwa.+ 20 Mwe Yehova, takwaba uwaba nga imwe,+ kabili takwaba Lesa umbi ukucila pali imwe;+ fyonse ifyo twaumfwa filanga ukuti takwaba uwacila pali imwe. 21 Kabili luko nshi lumbi pe sonde ulwaba nga bantu benu abena Israele?+ Lesa wa cine ailebalubula pa kuti babe abantu bakwe.+ Mwaipangiile ishina pa mulandu ne fya maka ifyo mwabacitiile kabili ifya kutiinya.+ Abantu benu abo mwalubwile mu Egupti, mwalibatamfiisheko inko.+ 22 Mwalengele abena Israele baba abantu benu umuyayaya;+ kabili imwe, mwe Yehova mwaishileba Lesa wabo.+ 23 Nomba mwe Yehova, fikilisheni ifyo mwalaya umubomfi wenu na ba mu ng’anda yakwe umuyayaya, kabili fikilisheni ifyo mulaile.+ 24 Ishina lyenu nalitwalilile ukubako umuyayaya kabili abantu bengalalilumbanya+ umuyayaya, pa kuti bakalelanda abati, ‘Yehova wa mabumba, Lesa wa bena Israele, ni Lesa wabo,’ kabili mwingalenga ing’anda ya mubomfi wenu Davidi ikabeko umuyayaya.+ 25 Pantu mwe Lesa wandi, mwasokolwela ne mubomfi wenu ukuti mukankuulila ing’anda.* E co ne mubomfi wenu nkwatile amaka ya kupepa ili ipepo kuli imwe. 26 Nomba mwe Yehova, nimwe Lesa wa cine, kabili namulaya ne mubomfi wenu ifi ifintu ifisuma. 27 E ico paaleni ing’anda yandi ne mubomfi wenu, kabili naitwalilile ukubako, pantu ico imwe mwe Yehova mwapaala, cikaba icapaalwa umuyayaya.”

18 Mu kupita kwa nshita, Davidi alisanshile abaPelishiti kabili alibacimfishe. Lyena apokele abaPelishiti umusumba wa Gati+ ne misumba ya uko iinono.+ 2 Davidi alicimfishe na bena Moabu,+ kabili abena Moabu baishileba ababomfi bakwe kabili balemuletela umutuulo.+

3 Davidi acimfishe Hadadesere imfumu+ ya ku Soba+ mupepi na Hamati+ ilyo aleya mu kupokolola incende ya ku Mumana wa Yufrate.+ 4 Davidi amupokele amaceleta 1,000, abalenina pali bakabalwe 7,000 e lyo na bashilika bambi 20,000.+ Lyena alemanike bakabalwe bonse abaletinta amaceleta, ashileko fye bakabalwe 100 abaletinta amaceleta.+ 5 Ilyo abena Siria aba ku Damaseke baile mu kwafwa Hadadesere imfumu ya ku Soba, Davidi aipeyepo abena Siria 22,000.+ 6 Lyena Davidi apangile inkambi sha bashilika mu musumba wa Damaseke uwa mu Siria. Abena Siria baishileba ababomfi ba kwa Davidi kabili balemuletela umutuulo. Yehova alelenga Davidi alecimfya* konse uko aleya.+ 7 Davidi alipokele na babomfi ba kwa Hadadesere inkwela sha golde, ashitwala na ku Yerusalemu. 8 Davidi asendele umukuba uwingi nga nshi mu Tibhati na mu Kuni, iyali imisumba ya kwa Hadadesere. Muli uyu umukuba, Solomone apangilemo Icishiba ca mukuba,+ inceshi ne fipe fya mukuba.+

9 Ilyo Tou imfumu ya ku Hamati aumfwile ukuti Davidi alicimfishe abashilika bonse aba kwa Hadadesere imfumu+ ya ku Soba,+ 10 ilyo line atumine Hadoramu umwana wakwe ku Mfumu Davidi pa kuti ayeiposha kabili aitashe pantu yalilwile na Hadadesere kabili yalimucimfishe (pantu Hadadesere alelwa na Tou libili libili), kabili Hadoramu atwalile Davidi ifipe fyalekanalekana ifya golde, ifya silfere ne fya mukuba. 11 Imfumu Davidi yapeele Yehova ifi fyonse+ pamo na silfere na golde ifyo yapokele aba muli ifi fyalo: icalo ca bena Edomu, ica bena Moabu, ica bena Amone,+ ica baPelishiti+ ne ca bena Amaleke.+

12 Abishai+ umwana wa kwa Seruya+ aipeye abena Edomu 18,000 mu Mupokapoka wa Mucele.+ 13 Alipangile inkambi sha bashilika mu Edomu, kabili abena Edomu bonse baishileba ababomfi ba kwa Davidi.+ Yehova alelenga Davidi alecimfya* konse uko aleya.+ 14 Davidi alitwalilile ukuteka abena Israele bonse.+ Alepingula abantu bakwe bonse mu mulinganya kabili mu bulungami.+ 15 Yoabu umwana wa kwa Seruya e wali umukalamba wa bashilika,+ Yehoshafati+ umwana wa kwa Ahiludi e walelembela imfumu ifyebo, 16 Sadoke umwana wa kwa Ahitubu na Ahimeleke umwana wa kwa Abiatari e bali bashimapepo, e lyo Shabsha e wali kalemba. 17 Benaya umwana wa kwa Yehoyada e wali intungulushi ya bena Kerete+ na bena Pelete.+ Kabili abana ba kwa Davidi e baishileba bacilolo bakalamba.

19 Pa numa Nahashi imfumu ya bena Amone alifwile, kabili umwana wakwe e wamupyene pa bufumu.+ 2 E lyo Davidi alandile ati: “Nalalanga Hanuni umwana wa kwa Nahashi ukutemwa ukushipwa+ pantu wishi alinangile ukutemwa ukushipwa.” E ico Davidi atumine ababomfi bakwe mu kusansamusha Hanuni pa mfwa ya kwa wishi. Lelo ilyo ababomfi ba kwa Davidi bafikile mu calo ca bena Amone+ mu kusansamusha Hanuni, 3 bacilolo ba bena Amone baebele Hanuni abati: “Bushe imwe muleti ico Davidi atumiine ababomfi ni co alefwaya ukumusansamusha? Bushe ico abatumiine te ico alefwaya ukufwayafwaya mu musumba pa kuti awishibe bwino e lyo ausanse?” 4 E ico Hanuni asendele ababomfi ba kwa Davidi, ababeya umwefu,+ aputula ifya kufwala fyabo ukufisha mu matako e lyo abaleka baya. 5 Ilyo bamo baebele Davidi ifyacitikile aba abaume, ilyo line atumine aba kuyabakumanya, pantu aba baume balibaseebenye nga nshi; kabili imfumu yabebele aiti: “Ikaleni mu Yeriko+ mpaka umwefu ukamene, e lyo mukabwele.”

6 Mu kupita kwa nshita abena Amone bamwene ukuti Davidi alibapatile sana, e ico Hanuni na bena Amone batumiine aba ku Mesopotamia,* aba ku Aramu-maaka na ba ku Soba+ amatalanti* ya silfere 1,000 pa kuti nabo babatumine amaceleta na balenina pali bakabalwe. 7 E ico babatumiine amaceleta 32,000. Imfumu ya ku Maaka na bantu ba iko nabo balile. Lyena baishilepanga inkambi mupepi na Medeba.+ Abena Amone balifumine mu misumba yabo kabili balilongene pa kuti balwe inkondo.

8 Ilyo Davidi aumfwile, atumine Yoabu+ na bashilika bonse, kumo na baume abakwatishe amaka.+ 9 Kabili abena Amone balifumine batantama pa mpongolo ya musumba pa kuti balwe inkondo, ninshi imfumu ishaishile nasho nashitantama sheka mu mpanga.

10 Ilyo Yoabu amwene ukuti abalwani balamusanshila ku ntanshi na ku numa, ilyo line asalile abashilika abena Israele abaishibishe ukulwa kabili alibatantamike pa kuti balwe na bena Siria.+ 11 Lyena apeele Abishai munyina+ amaka ya kutungulula abaume abashele, pa kuti abatantamike balwe na bena Amone. 12 Lyena amwebele ati: “Nga ca kuti abena Siria+ bancila amaka, wise ungafwe; lelo nga ca kuti abena Amone bakucila amaka, nalaisa kwafwa. 13 Tufwile ukuba abakosa kabili abashipa+ pa kuti tucingilile abantu besu ne misumba ya kwa Lesa wesu, kabili Yehova alacita ico alamona ukuti e ciweme.”

14 Lyena Yoabu na baume abo ali nabo baile balepalama ku bena Siria pa kuti balwe nabo, lelo abena Siria balifulumwike.+ 15 Ilyo abena Amone bamwene ukuti abena Siria bafulumuka, nabo bafulumwike Abishai kabili baingile mu musumba. Pa numa, Yoabu alibwelelemo ku Yerusalemu.

16 Ilyo abena Siria bamwene ukuti babacimfya, batumine aba kuyasenda abena Siria abali mu ncende ya Mumana wa Yufrate,+ kabili Shofaki umukalamba wa bashilika ba kwa Hadadesere e walebatungulula.+

17 Ilyo bamo bashimikile Davidi ifi, ilyo line fye alongenye abashilika abena Israele bonse kabili ba-abwike Yordani bayafika no kwali abena Siria e lyo batantama pa kuti balwe nabo. Lyena Davidi alilwile na bena Siria.+ 18 Lelo abena Siria balifulumwike abena Israele; kabili Davidi aipeye abena Siria 7,000 abale-ensha amaceleta na bashilika bambi 40,000 kabili aipeye Shofaki umukalamba wa bashilika babo. 19 Ilyo ababomfi ba kwa Hadadesere bamwene ukuti babacimfya,+ ilyo line bapangene na Davidi icipangano ca mutende kabili baishileba ababomfi ba bena Israele.+ Ukutula ubu bushiku abena Siria tabalefwaya ukwafwa abena Amone.

20 Pa kutendeka kwa mwaka,* ilyo imfumu shiya mu kulwa inkondo, Yoabu+ na bashilika abena Israele bonse bailesansa abena Amone. Aileshinga Raba+ ninshi Davidi ena ashele mu Yerusalemu.+ Yoabu asanshile umusumba wa Raba kabili alyonawile uyu musumba.+ 2 Lyena Davidi afuulile Malkamu icisote ca bufumu icafinine amakilogramu 34 aya golde,* icakwete amabwe aya mutengo sana, kabili bafwikile Davidi. Alisendele ne fintu ifingi nga nshi ifyo apokolwele mu musumba.+ 3 Kabili asendele abantu abalimo e lyo abapeela umulimo+ wa kuputula amabwe, uwa kupanga ifyela ifyatwa na masembe. E fyo acitile aba mu misumba yonse iya bena Amone. Davidi na bashilika bonse basukile babwelela ku Yerusalemu.

4 Pa numa abena Israele baile mu kulwa inkondo na baPelishiti ku Gesere. Pali ilya nshita Sibekai+ umwina Husha aipeye Safi, uwatuntwike mu bena Refa+ kabili abena Israele balicimfishe abaPelishiti.

5 Na kabili abena Israele balwile na baPelishiti, kabili Elhanani umwana wa kwa Yairi aipeye Laami munyina Galyati+ umwina Giti, uwakwete ifumo ilyali ne ca kwikatilako icali nga kamulando ka bakapikula ba nsalu.+

6 Na kabili kwali inkondo mu Gati,+ umwali umwaume ipaka+ uwali ne minwe 6 kuli cila cisansa, ne fikondo 6 kuli cila lukasa, fyonse pamo fyali 24. Uyu na o atuntwike mu bena Refa.+ 7 Kabili alepontela+ abena Israele. E ico Yonatani umwana wa kwa Shimea,+ munyina Davidi alimwipeye.

8 Aba e batuntwike mu bena Refa+ mu Gati,+ kabili Davidi na bashilika bakwe e babepeye.

21 Lyena Satana* aimiine abena Israele kabili atunkile Davidi pa kuti apende abena Israele.+ 2 E ico Davidi aebele Yoabu+ ne ntungulushi sha bantu ati: “Kabiyeni kapendeni abena Israele ukutendekela ku Beere-sheba ukufika ku Dani;+ lyena mukesenjeba pa kuti nkeshibe ifyo bafulile.” 3 Lelo Yoabu alandile ati: “Yehova nafushe abantu bakwe imiku 100! Shikulu mwe mfumu, bushe abantu bonse te babomfi benu mwe shikulu? Cinshi mwe shikulu mulefwaila ukucitila ifi? Cinshi mulefwaila abena Israele babembuke?”

4 Lelo imfumu yalipatikishe Yoabu. E ico Yoabu aile mu kupenda abena Israele mu Israele monse. Pa numa alibwelele ku Yerusalemu.+ 5 E lyo Yoabu apeele Davidi impendwa ya bantu abo alembele. Abaume abena Israele bonse abo apendele abengalwa no lupanga bali 1,100,000. Abaume abo apendele mu mukowa wa kwa Yuda abafikilepo ukuya ku nkondo bali 470,000.+ 6 Lelo Yoabu tapendeeleko abena Lebi na bena Benjamini,+ pantu tatemenwe ifi imfumu yamwebele ukucita.+

7 Nomba ifi Davidi acitile fyalikalifye sana Lesa wa cine, e ico alikandile abena Israele. 8 Lyena Davidi aebele Lesa wa cine ati: “Ulubembu ulo ncitile+ lukalamba nga nshi. E ico napaapaata mbeleleni uluse ne mubomfi wenu pa lubembu ncitile,+ pantu ifyo ncitile buwelewele.”+ 9 Lyena Yehova aebele Gadi+ uwalemwenako Davidi ifimonwa ati: 10 “Kebe Davidi auti, ‘Yehova atila: “Ndekupeela ifintu fitatu ifyo ufwile ukusalapo. Usalepo cimo ico mfwile ukukucita.”’” 11 E ico Gadi aile-eba Davidi ati: “Yehova atila, ‘Salapo 12 nampo nga ulefwaya mu calo mukabe icipowe+ pa myaka itatu, nelyo ulefwaya abalwani bobe bakakucimfye pa myeshi itatu kabili bakakusanse no lupanga,+ nelyo ulefwaya Yehova akakukande no lupanga pa nshiku shitatu, e kutila akalete icikuko mu calo,+ malaika wa kwa Yehova akese onaula+ icalo conse ica bena Israele.’ Nomba tontonkanyapo bwino e lyo unjebe ifyo mfwile ukuyaeba uuntumine.” 13 E ico Davidi aebele Gadi ati: “Ici cintu cansakamika sana. Leka Yehova e o ankande pantu wa luse nga nshi;+ lelo wileka abantu e bo bankande.”+

14 Lyena Yehova aletele icikuko+ mu Israele ica kuti abantu 70,000 balifwile.+ 15 Na kabili, Lesa wa cine atumine malaika ku Yerusalemu pa kuti ayeonaula uyu musumba; lelo ilyo malaika ali mu kuonaula, Yehova alyumfwile ubulanda pa mulanda na bantu abo icikuko caipeye,+ kabili aebele malaika uwaleipaya abantu ati: “Capwa!+ Nomba bwesha ukuboko kobe.” Malaika wa kwa Yehova ali mupepi na po Ornani+ umwina Yebusi+ alepumina ingano.

16 Ilyo Davidi ainwine amenso, amwene malaika wa kwa Yehova naiminina mu lwelele* ninshi nasonta ulupanga+ pa musumba wa Yerusalemu. Ilyo line Davidi na bakalamba bawile ubukupeme+ ninshi nabafwala ne nsamu.+ 17 Davidi aebele Lesa wa cine ati: “Bushe te ine nalandile ukuti bapende abantu? Nine nabembuka kabili nine nalufyanya;+ nomba ishi mpaanga, cinshi shalufyanya? Mwe Yehova Lesa wandi, kandeni ine wine na ba mu ng’anda ya kwa tata; lelo mwileta icikuko pa bantu benu.”+

18 Lyena malaika wa kwa Yehova, aebele Gadi+ ukuti aye-eba Davidi ukuti ayekuulila Yehova iciipailo apo Ornani umwina Yebusi+ alepumina ingano. 19 E ico Davidi alilecita ifyo Gadi amwebele ukulingana ne fyo Yehova alandile. 20 Nomba ilyo Ornani alepuma ingano, alipilibwike e lyo amona malaika, kabili abana bakwe 4 abo ali nabo balifiseme. 21 Ilyo Davidi alungeme Ornani, Ornani alimumwene kabili ilyo line alifumine apo alepumina ingano ayakontamina Davidi, afisha ne mpumi panshi. 22 E lyo Davidi aebele Ornani ati: “Nshitisha icifulo upuminapo ingano, pa kuti nkuulilepo Yehova iciipailo. Ndekulipila indalama shonse isho walampingula pa kuti icikuko cifume pa bantu.”+ 23 Lelo Ornani aebele Davidi ati: “Cibuuleni fye shikulu mwe mfumu yandi, kabili tuulilenipo ilambo ilyo alefwaya.* Ing’ombe sha kutuula ilambo ishi, ica kupuminako ingano+ na makoli ya ng’ombe ifi, e fyo fibe inkuni ne ngano sha kutuula ishi. Fyonse namupeela.”

24 Lelo Imfumu Davidi yaebele Ornani aiti: “Awe, mfwile ukucishita pa mutengo walapingula pantu te kuti mbuule icifulo cobe mpeele Yehova, nelyo te kuti ntuule amalambo ya koca ukwabula ukupoosapo nangu shimo.”+ 25 E ico Davidi alipile Ornani amashekele* ya golde 600. 26 Kabili palya pene e po Davidi akuuliile Yehova iciipailo+ e lyo atuulilapo amalambo ya koca na malambo ya mutende. Lyena aliliile kuli Yehova, kabili na o alimwaswike ilyo aponeshe umulilo+ uwaocele ilambo lya koca ilyali pa cipailo. 27 Lyena Yehova aebele malaika+ ukuti abweseeshe ulupanga lwakwe mu cikwama ca luko. 28 Ilyo Davidi amwene ukuti Yehova amwasukile apo Ornani umwina Yebusi alepumina ingano, alitwalilile ukutuulilapo amalambo. 29 Lelo pali ilya nshita, itenti lya mushilo ilya kwa Yehova ilyo Mose apangile mu matololo ne ciipailo ca kutuulilapo amalambo ya koca, fyali pa ncende balepepelapo mu Gibeone.+ 30 Lelo Davidi taileko pa kuti epushe Lesa ifya kucita pantu aletiina ulupanga lwa kwa malaika wa kwa Yehova ulo amwene.

22 Lyena Davidi alandile ati: “Iyi e ng’anda ya kwa Yehova Lesa wa cine, kabili ici e ciipailo ico abena Israele bakalatuulilapo amalambo ya koca.”+

2 E lyo Davidi atumine aba kulonganika abalebeshi+ abali mu calo ca bena Israele, kabili abapeele umulimo wa kuputula bwino bwino amabwe ya kukuulila ing’anda ya kwa Lesa wa cine.+ 3 Kabili Davidi apekenye ifyela ifingi ifya kupangila imisomali ya ku fiibi fya mpongolo ne fya kwikatanishishako imbao. Alipekenye no mukuba uwingi nga nshi ica kuti balifililwe uku-upima,+ 4 ne mbao sha mikedari+ isho bafililwe no kupenda, pantu abena Sidone+ na bena Turi+ baleteele Davidi imbao sha mikedari ishingi nga nshi. 5 Kabili Davidi alandile ati: “Solomone umwana wandi mwaice kabili taishiba ifingi,*+ kabili ing’anda iyo alingile ukukuulila Yehova ifwile ukuba iyacindama nga nshi+ pa kuti ikawame kabili ikalumbuke+ mu fyalo fyonse.+ Kanshi nalamupekanishisha ifya kukuulila.” E ico Davidi apekenye ifya kukuulila ing’anda ifingi nga nshi ilyo ashilafwa.

6 Kabili aitile Solomone umwana wakwe pa kuti amwebe ifya kukonka pa kukuulila Yehova Lesa wa kwa Israele ing’anda. 7 Davidi aebele Solomone umwana wakwe ati: “Ine nalefwaisha ukukuulila Yehova Lesa wandi ing’anda iya kulenga ishina lyakwe lyacindikwa.+ 8 Lelo Yehova anjebele ati, ‘Walisumya umulopa uwingi nga nshi, kabili walilwa inkondo ishikalamba. Tawakakuule ing’anda iikalenga ishina lyandi likacindikwe+ pantu walisumya umulopa uwingi pe sonde pa cinso candi. 9 Mona! Ukafyala umwana umwaume+ uukaba umuntu wa mutende, kabili nkalenga akatuushe ku balwani bakwe bonse abakamushinguluka,+ pantu ishina lyakwe akaba ni Solomone.*+ Ilyo akalateka, nkalenga abena Israele bakaleikala umutende kabili mu mutelelwe.+ 10 E ukakuula ing’anda iikalenga ishina lyandi likacindikwe.+ Akaba umwana wandi kabili nkaba wishi.+ Nkakosha ubufumu bwakwe pa bena Israele umuyayaya.’+

11 “Nomba mwana wandi, Yehova abe na iwe, pa kuti ukakuulile Yehova Lesa obe ing’anda, nga fintu alanda pali iwe.+ 12 Yehova nakalenge ukabe uwa mano kabili akalenge ukaleiluka ifintu+ ilyo akakupeela amaka ya kuteka abena Israele pa kuti ukalekonka amafunde ya kwa Yehova Lesa obe.+ 13 Nga wakulakonka ifyo Yehova akulakweba+ no bupingushi bwakwe ifyo apeele abena Israele ukupitila muli Mose,+ ifintu fikalakwendela bwino. Shipa kabili kosa. Witiina kabili witutuma.+ 14 Mona! Naliculile sana pa kuti mpekanye ifya kukuulila ing’anda ya kwa Yehova. Nalipekanya amatalanti* ya golde 100,000, amatalanti ya silfere 1,000,000, kabili nalipekanya umukuba uwingi ne fyela ifingi+ ica kuti te kuti bafipime. Nalipekanya ne mbao na mabwe,+ lelo ukalundepo. 15 Naukwata ababomfi abengi aba kubomba imilimo, e kutila aba kuputula amabwe, abaishiba ifya kukuula na mabwe,+ bakabasa na bonse abaishibisha ukubomba imilimo.+ 16 Naukwata golde, silfere, umukuba ne fyela ifingi sana ifya kuti no kupima te kuti tufipime.+ E ico ima utampe ukubomba kabili Yehova engaba na iwe.”+

17 Lyena Davidi aebele bacilolo bonse aba mu Israele ukuti baleafwa Solomone umwana wakwe. Abebele ati: 18 “Bushe Yehova Lesa wenu taaba na imwe, kabili bushe talenga mu calo cenu conse mwaba umutende? Pantu alingafwa pa kuti ncimfye abekala muli cino calo, kabili Yehova na bantu bakwe e bakwata amaka pali ici calo. 19 Nomba lyonse mulepepa Yehova Lesa wenu+ ne mitima yenu yonse ne myeo* yenu yonse, kabili tampeni ukukuulila Yehova Lesa wa cine icifulo ca mushilo,+ pa kuti mukalete icipao ca cipangano ica kwa Yehova ne fipe fya mushilo ifya kwa Lesa wa cine+ ku ng’anda iyo mukakuula iikalenga ishina lya kwa Yehova likacindikwe.”+

23 Ilyo Davidi akotele kabili ninshi ali mupepi no kufwa, abikile Solomone umwana wakwe pa bufumu pa kuti aleteka abena Israele.+ 2 Lyena alonganike bacilolo bonse aba mu Israele, bashimapepo+ na bena Lebi.+ 3 Abaume abena Lebi abali ne myaka 30 no kucilapo balibapendele.+ Bonse abo bapendele bali 38,000. 4 Pali aba pali abaume 24,000 abaleangalila umulimo pa ng’anda ya kwa Yehova, kabili pali bacilolo na bakapingula 6,000,+ 5 kabili pali na balinshi ba mpongolo abali 4,000+ e lyo na bambi 4,000 abalelisha ifilimba pa kulumbanya Yehova.+ Davidi alandile pali ifi ifilimba ati, “Nafipangiile ukulumbanishishako Lesa.”

6 Lyena Davidi abaakenye mu mabumba+ ukulingana na bana ba kwa Lebi, e kutila Gershone, Kohati na Merari.+ 7 Abana ba kwa Gershone bali ni Ladani na Shimei. 8 Abana batatu aba kwa Ladani bali ni Yehiele uwali intungulushi ya lupwa lwabo, Setani na Yoele.+ 9 Abana batatu aba kwa Shimei bali ni Shelomote, Hasiele na Harani. Aba e bali intungulushi sha ba mu mayanda ya kwa Ladani uwali icikolwe cabo. 10 Kabili abana 4 aba kwa Shimei bali ni Yahati, Sina, Yeushi na Beria. 11 Yahati e wali intungulushi ya lupwa lwabo, kabili Sisa e wamukonkelepo. Nomba apo Yeushi na Beria tabakwete abana baume abengi, babapeendele pamo kwati fye ba mu ng’anda imo kabili babapeele umulimo umo.

12 Abana 4 aba kwa Kohati bali ni Amramu, Isari,+ Hebrone na Usiele.+ 13 Abana ba kwa Amramu bali ni Aarone+ na Mose.+ Lelo Aarone na bana bakwe balibapaatwileko+ pa kuti balesangulula Umuputule wa Mushilo Nga Nshi, baletuulila Yehova amalambo, balemubombela kabili balepaalila abantu mwi shina lyakwe.+ 14 Lelo abana ba kwa Mose umuntu wa kwa Lesa wa cine, babapendeele pa ba mu mukowa wa bena Lebi. 15 Abana ba kwa Mose bali ni Gershomu+ na Eliesere.+ 16 Uwali intungulushi pa bana ba kwa Gershomu ali ni Shebuele.+ 17 Uwali intungulushi ya batuntwike* muli Eliesere ali ni Rehabia;+ Eliesere takwete abana abaume bambi, lelo abana abaume abo Rehabia akwete bali abengi sana. 18 Uwali intungulushi pa bana ba kwa Isari+ ali ni Shelomiti.+ 19 Abana ba kwa Hebrone bali ni Yeria uwali intungulushi, uwamukonkelepo ali ni Amaria, uwalenga butatu ali ni Yahasiele kabili uwalenga 4 ali ni Yekameamu.+ 20 Abana ba kwa Usiele+ bali ni Mika uwali intungulushi kabili Ishia e wamukonkelepo.

21 Abana ba kwa Merari bali ni Maali na Mushi.+ Abana ba kwa Maali bali ni Eleasari na Kishi. 22 Eleasari alifwile, lelo takwetepo umwana umwaume, akwete fye abana abanakashi. E ico abana ba kwa Kishi, balupwa lwabo,* e baboopile. 23 Abana batatu aba kwa Mushi bali ni Maali, Edere na Yeremote.

24 Aba e bali abana ba kwa Lebi ukulingana ne ndupwa sha bashibo, intungulushi sha ba mu ndupwa sha bashibo, ukulingana na bo bapendele kabili abo balembele amashina, kabili abalebomba umulimo pa ng’anda ya kwa Yehova, ukutula pa bali ne myaka 20 no kucilapo. 25 Pantu Davidi alandile ati: “Yehova Lesa wa kwa Israele alilenga abantu bakwe batuusha,+ kabili akekala mu Yerusalemu umuyayaya.+ 26 Kabili abena Lebi tabakulasenda itenti lya mushilo nelyo ifipe fyonse ifya kubomfya pe tenti lya mushilo.”+ 27 Pantu ukulingana ne fyo Davidi alekelesheko ukubeba, abena Lebi abali ne myaka 20 no kucilapo balibapendele. 28 Umulimo bakwete wa kwafwilisha abana ba kwa Aarone+ abalebombela pa ng’anda ya kwa Yehova, uwa kwangalila imansa,+ imiputule ya kuliilamo, uwa kusangulula ifya mushilo fyonse ne milimo imbi iyalingile ukubombwa pa ng’anda ya kwa Lesa wa cine. 29 Balebombako no mulimo wa kupekanya umukate wa kutuula,+ uwa kupekanya ubuunga bwa mutuulo wa ngano, imikate iyapaapaatala iishatutumuka,+ amakeke ayo bapangila pa ca kocelapo, umufuba uo basaakanya na mafuta+ e lyo no mulimo wa kupima ifintu. 30 Cila lucelo balingile ukulaiminina+ pa kuti baletasha no kulumbanya Yehova, kabili ifi fine e fyo balingile ukulacita ne cungulo.+ 31 Baleafwilishako na lintu kwaleba ukutuulila Yehova amalambo ya koca pa Masabata,+ lyonse ilyo umweshi wamoneka+ na lintu kwaleba imitebeto.+ Balebomba iyi imilimo ukulingana ne fyo amafunde yalandile kabili ifi fine e fyo balecita pa cinso ca kwa Yehova lyonse. 32 Ilyo balebomba umulimo pa ng’anda ya kwa Yehova, balebombela pe tenti lya mushilo na pa cifulo ca mushilo, kabili balesakamana na bamunyinabo abana ba kwa Aarone.

24 Nomba abatuntwike muli Aarone balibaakenye mu mabumba. Abana ba kwa Aarone bali ni Nadabu, Abihu,+ Eleasari na Itamari.+ 2 Lelo Nadabu na Abihu bafwile ninshi shibo talafwa,+ kabili tabakwetepo abana abaume. Eleasari+ na Itamari bena balitwalilile ukubomba bushimapepo. 3 Davidi na Sadoke+ uwa mu lupwa lwa kwa Eleasari, na Ahimeleke uwa mu lupwa lwa kwa Itamari e babaakenye pa kuti balebomba imilimo iyo balingile ukulabomba. 4 Apo abana ba kwa Eleasari bakwete intungulushi ishingi ukucila abana ba kwa Itamari, babaakenye ukulingana ne fyo bafulile. Abana ba kwa Eleasari bakwete intungulushi 16 isha ndupwa shabo, e lyo abana ba kwa Itamari bakwete intungulushi 8 isha ndupwa shabo.

5 Kabili balipendwile pa kubaakanya,+ pantu pa bana ba kwa Eleasari na pa bana ba kwa Itamari pali bacilolo abaleangalila icifulo ca mushilo na bacilolo abalebombela Lesa wa cine. 6 Lyena Shemaya umwana wa kwa Netanele uwali kalemba wa bena Lebi alilembele amashina yabo ninshi imfumu, bacilolo, Sadoke+ shimapepo, Ahimeleke+ umwana wa kwa Abiatari+ ne ntungulushi sha ndupwa sha bashimapepo ne sha bena Lebi balemonako. Baleti nga bapendula, mu batuntwike muli Eleasari basalamo ulupwa lumo kabili nga bapendula, mu batuntwike muli Itamari namo basalamo ulupwa lumo.

7 Icipendwilo ca kubalilapo caponene pali Yehoyaribu; icalenga bubili caponene pali Yedaya, 8 icalenga butatu caponene pali Harimu, icalenga 4 caponene pali Seorimu, 9 icalenga 5 caponene pali Malkiya, icalenga 6 caponene pali Miyamini, 10 icalenga 7 caponene pali Hakose, icalenga 8 caponene pali Abiya,+ 11 icalenga 9 caponene pali Yeshua, icalenga 10 caponene pali Shekania, 12 icalenga 11 caponene pali Eliashibu, icalenga 12 caponene pali Yakimu, 13 icalenga 13 caponene pali Hupa, icalenga 14 caponene pali Yeshebeabu, 14 icalenga 15 caponene pali Bilga, icalenga 16 caponene pali Imere, 15 icalenga 17 caponene pali Hesiri, icalenga 18 caponene pali Hapisese, 16 icalenga 19 caponene pali Petahia, icalenga 20 caponene pali Yeheskele, 17 icalenga 21 caponene pali Yakini, icalenga 22 caponene pali Gamuli, 18 icalenga 23 caponene pali Delaya, icalenga 24 caponene pali Maasia.

19 Iyi e milimo iyo balingile ukulabomba+ nga baisa mu ng’anda ya kwa Yehova ukulingana ne fyo Aarone icikolwe cabo alandile, nga filya fine Yehova Lesa wa kwa Israele amwebele.

20 Aba e bana ba kwa Lebi abasheleko: Pa batuntwike muli Amramu+ pali Shubaele;+ pa batuntwike muli Shubaele pali Yehedia; 21 pa batuntwike muli Rehabia+ pali: Ishia uwali intungulushi; 22 pa batuntwike muli Isari pali Shelomote;+ pa batuntwike muli Shelomote, pali Yahate; 23 kabili pa batuntwike muli Hebrone pali Yeria+ uwali intungulushi, pakonkele Amaria, Yehasiele e wali uwa butatu, Yekameamu e walengele 4; 24 pa batuntwike muli Usiele pali Mika; pa batuntwike muli Mika pali Shamiri. 25 Munyina Mika ali ni Ishia; pa batuntwike muli Ishia pali Sekaria.

26 Abana ba kwa Merari+ bali ni Maali na Mushi; pa batuntwike muli Yaasia, pali Beno. 27 Pa batuntwike muli Merari pali: Yaasia wishi wa kwa Beno, Shohamu, Sakuri na Ibri; 28 pa batuntwike muli Maali pali Eleasari, uushakwetepo umwana umwaume;+ 29 pa batuntwike muli Kishi pali: Yerameele; 30 kabili abana ba kwa Mushi bali ni Maali, Edere na Yerimote.

Aba e bali abana ba kwa Lebi ukulingana na mayanda ya bashibo. 31 Kabili nabo balibapendwilile+ nge fyo bapendwilile bamunyinabo abana ba kwa Aarone pa menso ya Mfumu Davidi, pa menso ya kwa Sadoke, Ahimeleke ne ntungulushi sha ndupwa sha bashimapepo na bena Lebi. Intungulushi iyafumine mu wali umukalamba pa ba mu mayanda ya bashibo, baleimona fye nge fyo balemona intungulushi iyafumine mu wali umwaice pa ba mu mayanda ya bashibo.

25 Kabili Davidi na bakalamba ba mabumba bapaatwile abana ba kwa Asafi bamo, abana ba kwa Hemani na ba kwa Yedutuni+ pa kuti balelisha insango, ifilimba fya nsale+ na malimba pa kusesema.+ Abaume abo bapeele uyu mulimo 2 pa bana ba kwa Asafi ni: Sakuri, Yosefe, Netania na Asharela. Asafi shibo e walebatungulula. Asafi alesesema kabili imfumu e yalemutungulula. 3 Pa bana ba kwa Yedutuni+ pali: Gedalia, Seri, Yeshaya, Shimei, Hashabia na Matitia.+ Bali 6 kabili shibo Yedutuni uwalesesema na nsango pa kutasha no kulumbanya Yehova,+ e walebatungulula. 4 Pa bana ba kwa Hemani+ pali: Bukia, Matania, Usiele, Shebuele, Yerimote, Hanania, Hanani, Eliata, Gidalti, Romamti-esere, Yoshbekasha, Maloti, Hotiri na Mahasiote. 5 Aba bonse bali bana ba kwa Hemani, uwalemwena imfumu ifimonwa ifyakumine Lesa wa cine pa kuti amucindike;* e ico Lesa wa cine amupeele abana abaume 14 na bana abanakashi batatu. 6 Aba bonse uwalebatungulula pa kwimba pa ng’anda ya kwa Yehova ni shibo. Baleimba na malimba, ifilimba fya nsale ne nsango+ ilyo balebomba umulimo wa mu ng’anda ya kwa Lesa wa cine.

Abo imfumu yaletungulula bali ni Asafi, Yedutuni na Hemani.

7 Bonse pamo na bamunyinabo abo basambilishe ukwimbila Yehova bali 288, kabili bonse balishibe sana ukwimba. 8 E ico balipendwile+ pa kwakana imilimo, abakalamba na baice, abaishibe sana ukwimba na balesambilila.

9 Icipendwilo ca kubalilapo caponene pali Yosefe+ umwana wa kwa Asafi, icalenga bubili caponene pali Gedalia+ (ena na bamunyina na bana bakwe bali 12); 10 icalenga butatu caponene pali Sakuri,+ ena na bana bakwe na bamunyina bonse bali 12; 11 icalenga 4 caponene pali Isri, abana bakwe na bamunyina bonse bali 12; 12 icalenga 5 caponene pali Netania,+ abana bakwe na bamunyina bonse bali 12; 13 icalenga 6 caponene pali Bukia, abana bakwe na bamunyina bonse bali 12; 14 icalenga 7 caponene pali Yesharela, abana bakwe na bamunyina bonse bali 12; 15 icalenga 8 caponene pali Yeshaya, abana bakwe na bamunyina bonse bali 12; 16 icalenga 9 caponene pali Matania, abana bakwe na bamunyina bonse bali 12; 17 icalenga 10 caponene pali Shimei, abana bakwe na bamunyina bonse bali 12; 18 icalenga 11 caponene pali Asarele, abana bakwe na bamunyina bonse bali 12; 19 icalenga 12 caponene pali Hashabia, abana bakwe na bamunyina bonse bali 12; 20 icalenga 13 caponene pali Shubaele,+ abana bakwe na bamunyina bonse bali 12; 21 icalenga 14 caponene pali Matitia, abana bakwe na bamunyina bonse bali 12; 22 icalenga 15 caponene pali Yeremote, abana bakwe na bamunyina bonse bali 12; 23 icalenga 16 caponene pali Hanania, abana bakwe na bamunyina bonse bali 12; 24 icalenga 17 caponene pali Yoshbekasha, abana bakwe na bamunyina bonse bali 12; 25 icalenga 18 caponene pali Hanani, abana bakwe na bamunyina bonse bali 12; 26 icalenga 19 caponene pali Maloti, abana bakwe na bamunyina bonse bali 12; 27 icalenga 20 caponene pali Eliata, abana bakwe na bamunyina bonse bali 12; 28 icalenga 21 caponene pali Hotiri, abana bakwe na bamunyina bonse bali 12; 29 icalenga 22 caponene pali Gidalti,+ abana bakwe na bamunyina bonse bali 12; 30 icalenga 23 caponene pali Mahasiote,+ abana bakwe na bamunyina bonse bali 12; 31 icalenga 24 caponene pali Romamti-esere,+ abana bakwe na bamunyina bonse bali 12.

26 Ifi e fyo abalelinda impongolo+ babaakenye: pa bena Kora, pali Meshelemia+ umwana wa kwa Kore umwana wa kwa Asafi. 2 Kabili abana abo Meshelemia akwete bali ni: Sekaria ibeli, Yediaele e wamukonkelepo, uwalenga butatu ali ni Sebadia, uwalenga 4 ali ni Yatniele, 3 uwalenga 5 ali ni Elamu, uwalenga 6 ali ni Yehohanani, uwalenga 7 ali ni Elihoenai. 4 Kabili abana abo Obedi-edomu akwete bali ni: Shemaya ibeli, Yehosabadi e wamukonkelepo, uwalenga butatu ali ni Yoa, uwalenga 4 ali ni Sakari, uwalenga 5 ali ni Netanele, 5 uwalenga 6 ali ni Amiele, uwalenga 7 ali ni Isakari kabili uwalenga 8 ali ni Peuletai; pantu Lesa alipaalile Obedi-edomu.

6 Kabili umwana wakwe Shemaya afyele abana abaume abali intungulushi sha ba mu ng’anda ya kwa shibo, pantu bali baume ba maka kabili aba cishinka. 7 Abana ba kwa Shemaya bali ni: Otni, Refaele, Obedi na Elsabadi; kabili Elihu na Semakia bamunyina nabo bali baume ba cishinka. 8 Bonse aba bali bana ba kwa Obede-edomu; bena na bana babo na bamunyinabo, bali baume ba cishinka kabili abafikapo ukubomba imilimo. Balupwa lwa kwa Obede-edomu bonse bali 62. 9 Kabili Meshelemia+ alikwete abana na bamunyina. Bonse bali 18 kabili bali baume ba cishinka. 10 Kabili Hosa uwatuntwike muli Merari alikwete abana. Shimri e wali intungulushi, pantu nangu ca kuti te wali ibeli, wishi alimusontele ukuba intungulushi, 11 Hilkia e wali uwa bubili, Tebalia e wali uwa butatu, Sekaria e wali uwalenga 4. Abana ba kwa Hosa na bamunyina bonse pamo bali 13.

12 Abali intungulushi sha mabumba ayalelinda impongolo nabo balikwete imilimo, nga filya fine bamunyinabo bakwete imilimo iyo balebomba pa ng’anda ya kwa Yehova. 13 E ico bonse abali intungulushi sha mayanda ya bashibo balibapendwilile+ nampo nga baice nelyo bakalamba pa kuti beshibe impongolo isho bali no kulalinda. 14 Lyena icipendwilo ca ku kabanga caponene pali Shelemia. Bapendwilile Sekaria umwana wakwe, uwali impanda mano iyaleiluka, kabili icipendwilo cakwe cawilile ku kapinda ka ku kuso. 15 Ica kwa Obedi-edomu cawilile ku kapinda ka ku kulyo, kabili abana bakwe+ babapeele umulimo wa kubombela ku matala. 16 Ica kwa Shupimu na Hosa+ cawilile ku masamba mupepi ne Mpongolo ya Shalekete ku musebo uwaya pa muulu. Amabumba ya balinshi yaleloshanya; 17 ku kabanga kwaleba abena Lebi 6; ku kapinda ka ku kuso kwaleba 4 cila bushiku, ku kapinda ka ku kulyo kwaleba 4 cila bushiku; ku matala+ kwaleba babili babili; 18 ku lukungu lwa ku masamba, kwaleba 4 mu musebo,+ kabili babili baleba pa lukungu. 19 Ifi e fyo abena Kora na bena Merari abalelinda impongolo babaakenye imilimo.

20 Pa bena Lebi, Ahiya e waleangalila ifipao fya ng’anda ya kwa Lesa wa cine ne fipao umo balesungila ifya mushilo.*+ 21 Pa bana ba kwa Ladani, e kutila abana ba mwina Gershone uwatuntwike muli Ladani, intungulushi sha ba mu mayanda ya bashibo ishatuntwike muli Ladani umwina Gershone, pali Yehiele+ 22 na bana ba kwa Yehiele, Setamu na Yoele munyina abaleangalila ifipao fya ng’anda ya kwa Yehova.+ 23 Pa bena Amramu, abena Isari, abena Hebrone na pa bena Usiele,+ 24 Shebuele umwana wa kwa Gershomu umwana wa kwa Mose e waleangalila amatala. 25 Bamunyina abatuntwike muli Eliesere+ bali ni, Rehabia,+ Yeshaya, Yoramu, Sikri na Shelomote. 26 Uyu Shelomote na bamunyina baleangalila ifipao umo balesungila ifya mushilo,+ ifyo Imfumu Davidi,+ intungulushi sha ba mu mayanda ya bashibo,+ intungulushi sha mabumba ya bantu 1,000 ne ntungulushi sha mabumba ya bantu 100, e lyo na bakalamba ba bashilika basangulwile. 27 Ifipe ifyo bapokele+ abo balelwa nabo inkondo+ balifipaatwile pa kuti fibe ifya mushilo pa kuti balefibomfya pa kuwamya ing’anda ya kwa Yehova; 28 na fyonse ifyo Samwele uwaleiluka ifimonwa,+ Shauli umwana wa kwa Kishi, Abnere+ umwana wa kwa Nere na Yoabu+ umwana wa kwa Seruya+ balifipaatwile pa kuti fibe ifya mushilo. Shelomite na bamunyina e baleangalila fyonse ifyo abantu balepaatwila Lesa.

29 Pa bena Isari,+ Kenania na bana bakwe bali ni bacilolo kabili bakapingula+ ba bena Israele. Balebombela kunse ya ng’anda ya kwa Lesa.

30 Pa bena Hebrone,+ Hashabia na bamunyina, baleangalila abena Israele abaleikala mu citungu ca ku masamba ya Yordani kabili baleangalila umulimo onse uwa kwa Yehova no mulimo wa mfumu. Bonse bali abaume 1,700 kabili bali ba cishinka. 31 Pa batuntwike mu lupwa lwa kwa Hebrone, Yeriya+ e wali intungulushi. Mu mwaka walenga 40 ukutula apo Davidi atendekeele ukuteka,+ balifwaile abaume ba maka kabili aba cishinka pa bena Hebrone. Babasangile mu Yasere+ ya mu Gileadi. 32 Kabili bamunyina, abaume ba cishinka, abali intungulushi sha ba mu mayanda ya bashibo bali 2,700. E ico Imfumu Davidi yabapeele umulimo wa kulatungulula abena Rubene, abena Gadi na hafu ya mukowa wa bena Manase, pa kuti balebomba umulimo wa kwa Lesa wa cine no mulimo wa mfumu.

27 Iyi e mpendwa ya bena Israele, e kutila intungulushi sha ba mu mayanda ya bashibo, intungulushi sha mabumba ya bantu 1,000 ne sha mabumba ya bantu 100,+ na bacilolo babo abalebombela imfumu+ muli fyonse ifyakumine amabumba ayalebombela imfumu. Cila ibumba lyalebomba umweshi umo mu mwaka. Mwi bumba limo na limo mwaleba abantu 24,000.

2 Uwaleangalila ibumba lya kubalilapo mu mweshi wa kubalilapo ni Yashobeamu+ umwana wa kwa Sabdiele, kabili muli ili ibumba mwali abantu 24,000. 3 Yashobeamu atuntwike muli Perese,+ kabili e wali umukalamba wa ntungulushi shonse isha mabumba ya babomfi abalebomba mu mweshi wa kubalilapo. 4 Uwaleangalila ibumba lyalebomba mu mweshi wa bubili ali ni Dodai+ umwina Ahohe+ kabili Mikilote e wali intungulushi. Mwi bumba lyakwe mwali abantu 24,000. 5 Intungulushi ye bumba lya babomfi ilyalenga butatu ilyalebomba mu mweshi wa butatu ali ni Benaya+ umwana wa kwa Yehoyada+ shimapepo mukalamba. Mwi bumba lyakwe mwali abantu 24,000. 6 Uyu Benaya ali mwaume wa maka pa bashilika ba mfumu 30 aba maka. Uwaleangalila ibumba lyakwe ni Amisabadu umwana wakwe. 7 Uwaleangalila ibumba lyalenga 4 ilyalebomba mu mweshi walenga 4 ali ni Asaele,+ munyina Yoabu,+ kabili Sebadia umwana wakwe e wali inkonkani yakwe. Mwi bumba lyakwe mwali abantu 24,000. 8 Shamuti umwina Isra e wali intungulushi ya balebomba mu mweshi walenga 5, kabili mwi bumba lyakwe mwali abantu 24,000. 9 Ira+ umwana wa kwa Ikeshe umwina Tekoa+ e waleangalila abalebomba mu mweshi walenga 6, kabili mwi bumba lyakwe mwali abantu 24,000. 10 Helese+ umwina Pelone uwatuntwike muli Efraimu e waleangalila abalebomba mu mweshi walenga 7, kabili mwi bumba lyakwe mwali abantu 24,000. 11 Sibekai+ umwina Husha uwatuntwike muli Sera+ e waleangalila abalebomba mu mweshi walenga 8, kabili mwi bumba lyakwe mwali abantu 24,000. 12 Uwaleangalila abalebomba mu mweshi walenga 9 ali ni Abiesere+ umwina Anatote+ uwatuntwike muli Benjamini, kabili mwi bumba lyakwe mwali abantu 24,000. 13 Uwaleangalila abalebomba mu mweshi walenga 10 ali ni Maharai+ umwina Netofa uwatuntwike muli Sera,+ kabili mwi bumba lyakwe mwali abantu 24,000. 14 Uwaleangalila abalebomba mu mweshi walenga 11 ali ni Benaya+ umwina Piratone uwatuntwike muli Efraimu, kabili mwi bumba lyakwe mwali abantu 24,000. 15 Uwaleangalila abalebomba mu mweshi walenga 12 ali ni Heldai umwina Netofa, uwatuntwike muli Otniele, kabili mwi bumba lyakwe mwali abantu 24,000.

16 Aba e bali intungulushi sha mikowa ya bena Israele: Uwaletungulula abena Rubene ali ni Eliesere umwana wa kwa Sikri; uwaletungulula abena Simeone ali ni Shefatia umwana wa kwa Maaka; 17 uwaletungulula abena Lebi ali ni Hashabia umwana wa kwa Kemuele; uwaletungulula ulupwa lwa kwa Aarone ali ni Sadoke; 18 uwaletungulula abaYuda ali ni Elihu,+ munyina Davidi; uwaletungulula abena Isakari ali ni Omri umwana wa kwa Mikaele; 19 uwaletungulula abena Sebuluni ali ni Ishmaya umwana wa kwa Obadia; uwaletungulula abena Naftali ali ni Yerimote umwana wa kwa Asriele; 20 uwaletungulula abena Efraimu ali ni Hoshea umwana wa kwa Asasia; uwaletungulula hafu ya mukowa wa kwa Manase ali ni Yoele umwana wa kwa Pedaya; 21 uwaletungulula hafu ya mukowa wa kwa Manase mu Gileadi ali ni Ido umwana wa kwa Sekaria; uwaletungulula abena Benjamini ali ni Yaasiele umwana wa kwa Abnere;+ 22 uwaletungulula abena Dani ali ni Asarele umwana wa kwa Yerohamu. Aba e bali bacilolo ba mikowa ya bena Israele.

23 Davidi tapendeeleko abali ne myaka 20 no kwisa panshi, pantu Yehova alilaile ukuti ali no kufusha abena Israele nge ntanda sha mu muulu.+ 24 Yoabu umwana wa kwa Seruya alitendeke ukupenda abantu, nomba tapwishishe; kabili Lesa alifuliilwe sana abena Israele.*+ E ico tabalembele impendwa ya bantu mu lyashi lya Mfumu Davidi.

25 Uwaleangalila ifipao fya mfumu+ ali ni Asmabete umwana wa kwa Adiele. Yonatani umwana wa kwa Usia e waleangalila amatala* ya mu mabala, aya mu misumba, aya mu mishi na ya mu mpungu. 26 Uwaleangalila abalebomba mu mabala, ali ni Esri umwana wa kwa Kelubu. 27 Shimei umwina Rama e waleangalila amabala ya myangashi; uwaleangalila umo balepangila umwangashi ali ni Sabdi umwina Shifmote. 28 Uwaleangalila amabala ya miolife ne fimuti fya mikunyu+ ifyali mu Shefela,+ ali ni Baali-hanani umwina Gedere; uwaleangalila uko balesungila amafuta ali ni Yoashi. 29 Uwalesakamana ing’ombe ishalelya umulemfwe mu Sharone+ ali ni Shitrai umwina Sharone, kabili Shafati umwana wa kwa Adlai e walesakamana ing’ombe ishali mu mupokapoka.* 30 Uwalesakamana ingamila ali ni Obili umwina Ishmaele; uwalesakamana impunda* ali ni Yehedia umwina Meronote. 31 Uwalesakamana impaanga ne mbushi ali ni Yasisi umwina Hagari. Bonse aba bali ni ntungulushi ishalesakamana ifyo Imfumu Davidi yakwete.

32 Yonatani+ lupwa wa kwa Davidi ali ni mpanda mano, umwaume uwacenjela, kabili ali ni kalemba. Yehiele umwana wa kwa Hakmone e walesakamana abana ba mfumu.+ 33 Ahitofele+ e walepanda imfumu amano, kabili Hushai+ umwina Ariki ali ni cibusa wa mfumu. 34 Yehoyada umwana wa kwa Benaya+ na Abiatari+ e bapyene Ahitofele; kabili Yoabu+ e wali umukalamba wa bashilika ba mfumu.

28 Lyena Davidi alonganike bacilolo ba bena Israele bonse ku Yerusalemu: bacilolo ba mikowa, intungulushi sha mabumba+ ya balebombela imfumu, intungulushi sha mabumba ya bantu 1,000 ne sha mabumba ya bantu 100+ na baleangalila fyonse ifyo imfumu yakwete ne fitekwa fya iko+ ne fyo abana ba iko bakwete.+ Alonganike na bacilolo ba kwi sano e lyo na baume bonse aba maka kabili aba cishinka.+ 2 Lyena Imfumu Davidi yaliminine e lyo yalanda aiti:

“Bamunyinane na mwe bantu bandi umfweni. Ine nalefwaisha ukukuula ing’anda umwa kuti icipao ca cipangano ica kwa Yehova cileikala kabili iya kuba nge cipuna ico Lesa wesu engalanyantapo amakasa,+ kabili nalipekenye ifya kukuulila.+ 3 Lelo Lesa wa cine anjebele ati, ‘Tawakakuule ing’anda iikalenga ishina lyandi likacindikwe,+ pantu walilwa inkondo ishingi kabili walisuumya umulopa.’+ 4 Lelo pali bonse aba mu ng’anda ya kwa tata, nine Yehova Lesa asalile pa kuti imbe imfumu ya bena Israele umuyayaya,+ pantu Yuda e o asalile ukuba intungulushi+ kabili pa ba mu ng’anda ya kwa Yuda asalilepo ing’anda ya kwa tata,+ kabili pa bana ba kwa tata, asalilepo ine pa kuti imbe imfumu ya bena Israele bonse.+ 5 Yehova alilenga nakwata abana abengi,+ kabili pa bana bandi bonse, asalilepo Solomone+ pa kuti ekale pa cipuna ca bufumu bwa kwa Yehova aleteka abena Israele.+

6 “Anjebele ati, ‘Solomone umwana obe e ukankuulila ing’anda ne mansa, pantu nimusala ukuti abe umwana wandi kabili na ine nkaba wishi.+ 7 Nga akatwalilila ukukonka amafunde yandi no bupingushi bwandi+ nge fi fine acita, nkakosha ubufumu bwakwe umuyayaya.’+ 8 E ico ndemweba bonse mwe bena Israele, mwe lukuta lwa kwa Yehova, kabili na Lesa wesu aleumfwa ndeti: Mulebika amano ku kusambilila amafunde ya kwa Yehova Lesa wenu yonse, kabili muleyakonka pa kuti mukekale mu calo icisuma+ kabili mukashiile abakatuntuka muli imwe ici calo pa kuti bakatwalilile ukwikalamo.

9 “Kabili iwe Solomone mwana wandi, ishiba Lesa wa kwa wiso kabili ulemubombela no mutima onse+ ne nsansa, pantu Yehova alafwaya mu mitima yonse,+ kabili aleshiba amatontonkanyo yonse.+ Nga wamufwaya, akaleka ukamusange,+ lelo nga wamusha, na o akakukaana umuyayaya.+ 10 E ico ubikeko amano, pantu Yehova nakusala ukukuula ing’anda iikaba icifulo ca mushilo. Shipa kabili kabombe.”

11 Lyena Davidi apeele Solomone umwana wakwe apo balembele ifya kukonka pa kukuula+ umuputule wa kwingililapo+ e lyo ne miputule imbi iya ng’anda, imiputule ya kusungilamo ifintu iya ng’anda, imiputule ya pa muulu iya ng’anda, imiputule ya mu kati sana iya ng’anda e lyo no muputule umwali inkupiko ya cifuta mulandu.*+ 12 Amupeele apo balembele ifya kukonka pa kukuula fyonse ifyo umupashi wa kwa Lesa walangile Davidi, ifya kukuula imansa+ sha ng’anda ya kwa Yehova, imiputule ya kuliilamo yonse, imiputule ya kusungilamo ifyuma fya ng’anda ya kwa Lesa wa cine ne miputule ya kusungilamo fyonse ifya mushilo;*+ 13 amwebele ne fya kukonka pa kwakanya bashimapepo+ na bena Lebi imilimo yonse iya kubomba pa ng’anda ya kwa Yehova ne fya kubomfya ifipe fyonse ifya ng’anda ya kwa Yehova; 14 alimwebele ne fyo golde iyo alingile ukubomfya yafinine, golde iyo alingile ukupangilamo ifipe fya kubomfya ku milimo yalekanalekana, ifyo ifipe fyonse ifya silfere fyafinine ne fyo ifipe fyonse ifya kubomfya ku milimo yalekanalekana fyafinine; 15 ne fyo golde ya kupangila ifya kutekapo inyali+ ne nyali sha fiko yafinine, e lyo ne fyo silfere ya kupangila ifya kutekapo inyali ne nyali sha fiko yafinine; 16 alimwebele ne fyo golde ya kupangila amatebulo ya kubikapo umukate wa kutuula+ yafinine, ne fyo silfere ya kupangila amatebulo yafinine, 17 silfere ya kupangilamo ifya kutunkwilako, imbale ishafonka, imitondo ya golde iisuma ne fyo golde ya kupangilamo imbale ishinono ishafonka+ yafinine, ne fyo golde ya kupangilamo imbale imo na imo iinono iyafonka yafinine ne fyo silfere ya kupangilamo imbale imo na imo iinono iyafonka yafinine. 18 Alimwebele ne fyafinine golde iyalopololwa iya kupangila iciipailo ca kocelapo ububani+ ne cimpashanya ce celeta,+ e kutila bakerubi+ ba golde abafungulwilile amapindo yabo pa cipao ca cipangano ica kwa Yehova. 19 Davidi alandile ati: “Yehova alintungulwile pa kuti njishibe ifya kulemba+ fyonse ifya kukonka pa kukuula.”+

20 Lyena Davidi aebele umwana wakwe Solomone ati: “Shipa, kosa kabili kabombe. Witiina kabili witutuma, pantu Yehova Lesa, Lesa wandi, ali na iwe.+ Takakulekeleshe kabili takakushe+ mpaka ukapwishe ukukuula ing’anda ya kwa Yehova. 21 Kabili aya e mabumba ya bashimapepo+ na bena Lebi+ aba kubomba imilimo yonse pa ng’anda ya kwa Lesa wa cine. Naukwata abengaitemenwa ukubomba kabili abaishiba ukubomba imilimo yonse.+ Naukwata na bacilolo+ na bantu bonse abakalacita fyonse ifyo ukalabeba.”

29 Nomba Imfumu Davidi yaebele ulukuta lonse aiti: “Solomone umwana wandi, uo Lesa asalile,+ mwaice kabili talaishiba ifingi,*+ lelo umulimo ukalamba, pantu itempele* ilyo akakuula talyakabe lya muntu, lelo likaba lya kwa Yehova Lesa.+ 2 Kabili nalibombesha pa kuti mpekanye ifya kukuulila ing’anda ya kwa Lesa wandi. Nalipekanya golde iya kupangamo ifya golde, silfere iya kupangamo ifya silfere, umukuba uwa kupangamo ifya mukuba, ifyela ifya kupangamo ifya cela,+ imbao+ sha kupangamo ifya mbao, amabwe ya onikisi, amabwe ya kubikila ne ndaka, utumabwe twa kuyemfeshako, amabwe yonse aya mutengo sana na mabwe ya alabastere ayengi nga nshi. 3 Kabili apo nalitemwa ing’anda ya kwa Lesa wandi,+ nalapeela na golde na silfere yandi+ pa kuti bakaibomfye ku ng’anda ya kwa Lesa wandi ukulunda pali fyonse ifyo napekanishisha ing’anda ya mushilo, 4 kumo na matalanti* 3,000 aya golde ya ku Ofiri,+ na matalanti 7,000 aya silfere iyalopololwa, iya kubika ku fibumba fya miputule* iyalekanalekana, 5 golde iya kupangamo ifya golde, silfere iya kupangamo ifya silfere na fyonse ifyo abaishiba sana ifya kupangapanga bakalabomfya. Nomba nani uulefwaya ukupeela Yehova ubupe lelo?”+

6 E ico bacilolo ba mayanda ya bashibo, bacilolo ba mikowa ya bena Israele, intungulushi sha mabumba ya bantu 1,000 ne sha mabumba ya bantu 100+ na bacilolo abalebombela imfumu+ bali-itemenwe ukupeela ubupe. 7 Lyena bapeele amatalanti ya golde 5,000, badariki* 10,000, amatalanti ya silfere 10,000, amatalanti ya mukuba 18,000 na matalanti ya fyela 100,000. Ifi fyonse bali no kufibomfya pa kukuula ing’anda ya kwa Lesa wa cine. 8 Bonse abakwete amabwe aya mutengo sana baliyaletele pa kuti bayabike mu cipao ca ng’anda ya kwa Yehova ico Yehiele+ umwina Gershone+ aleangalila. 9 Abantu balisekelele pa kutuula iyi imituulo ya kuitemenwa, pantu batuulile Yehova ne mitima yonse,+ kabili nangu fye ni Davidi imfumu alisekelele nga nshi.

10 Lyena Davidi alumbenye Yehova pa menso ya lukuta lonse. Davidi alandile ati: “Mulumbanishiwe mwe Yehova Lesa wa kwa Israele shifwe, ukufuma umuyayaya ukuya umuyayaya. 11 Mwe Yehova muli bakulu,+ muli ba maka,+ muli basuma, mwalisansabikwa kabili mwalicindama,+ pantu fyonse ifya mu muulu ne fya pano isonde fyenu.+ Ubufumu bwenu, mwe Yehova.+ Mwali-isumbula ukucila bonse. 12 Ifyuma no bucindami fifuma kuli imwe,+ kabili nimwe muteka fyonse.+ Ukuboko kwenu kwa maka+ kabili kwalikosa.+ Ukuboko kwenu kuti kwakusha umuntu+ kabili kuti kwalenga abantu bonse bakwata amaka.+ 13 Nomba mwe Lesa wesu, tulemutasha kabili tulelumbanya ishina lyenu ilyacindama.

14 “Lelo ine, nine nani kabili abantu bandi ni bani, pa kuti tube na maka ya kutuula imituulo ya kuitemenwa iyaba nge yi? Pantu fyonse fyafuma kuli imwe, kabili ifyo twamupeela fyafuma kuli imwe. 15 Pantu tuli balebeshi pa cinso cenu kabili twaba nga bantu abekala mu calo icishili cabo nge fyo ifikolwe fyesu fyonse fyali.+ Inshiku shesu pano isonde shaba fye nge cinshingwa+ kabili tatwakwata isubilo lya kuti tukatwalilila ukuba abomi. 16 Mwe Yehova Lesa wesu, fyonse ifi ifyo tupekenye ifya kukuulilamo ing’anda iikalenga ishina lyenu likabe ilya mushilo, fyafuma kuli imwe, kabili fyonse fyenu. 17 Mwe Lesa wandi, nalishiba bwino ukuti mulabebeta imitima,+ kabili mwalitemwa ababa ne cishinka.+ Pa mulandu wa kuti ndi wa kaele,* ninjitemenwa ukupeela ifi fintu fyonse, kabili nintemwa ifi namona abantu benu abali pano baitemenwe ukumutuulila imituulo. 18 Mwe Yehova Lesa wa kwa Abrahamu, Isaki na Israele ifikolwe fyesu, afweni abantu benu pa kuti batwalilile ukuba ne mitima ya musango yu kabili balemubombela ne mitima yabo yonse.+ 19 Kabili lengeni Solomone umwana wandi alemubombela no mutima wakwe onse+ pa kuti alekonka amafunde yenu,+ alekonka ifyo mutwibukishako, ifyo mutweba, na pa kuti alecita ifi fyonse kabili akabomfye fyonse ifyo mpekenye pa kukuula itempele.”*+

20 Lyena Davidi aebele ulukuta lonse ati: “Nomba lumbanyeni Yehova Lesa wenu.” Kabili abali mu lukuta bonse balumbenye Yehova Lesa wa fikolwe fyabo kabili bakontamiine Yehova ne mfumu. 21 Kabili balitwalilile ukutuulila Yehova amalambo kabili baletuulila Yehova amalambo ya koca+ pa bushiku bwakonkelepo. Batuulile ing’ombe 1,000, impaanga ishilume 1,000, utwana twa mpaanga utulume 1,000 ne mituulo yabo iya mwangashi.+ Balituuliileko abena Israele bonse amalambo ayengi.+ 22 Balitwalilile ukulya no kunwa pa cinso ca kwa Yehova pali bulya bushiku ninshi balesekelela nga nshi.+ Babikile Solomone umwana wa Mfumu Davidi pa bufumu umuku walenga bubili kabili balimusubile pa cinso ca kwa Yehova pa kuti abe intungulushi.+ Sadoke na o balimusubile pa kuti abe shimapepo.+ 23 Kabili Solomone aikele pa cipuna ca bufumu ica kwa Yehova+ pa kuti apyane Davidi wishi kabili ifintu fyalemwendela bwino na bena Israele bonse balemumfwila. 24 Bacilolo bonse,+ abashilika bonse aba maka+ na bana ba Mfumu Davidi bonse,+ balenakila Imfumu Solomone. 25 Kabili Yehova alengele Solomone acindama nga nshi ica kuti abena Israele bonse balimwene ukuti alimucindamike nga nshi, kabili alimupeele ubukata ubo imfumu ishabalilepo ukuteka abena Israele shishakwetepo.+

26 E fyo Davidi umwana wa kwa Yese atekele Israele yonse, 27 kabili imyaka atekele Israele yali 40. Mu Hebrone atekelemo imyaka 7,+ e lyo mu Yerusalemu atekelemo imyaka 33.+ 28 Kabili pa numa ya kwikala imyaka iingi alifwile.+ Alikwete ifyuma, alilumbwike kabili Solomone umwana wakwe alimupyene pa bufumu.+ 29 Ilyashi lya Mfumu Davidi, ukufuma pa kutendeka ukufika na lintu yafwile, balililemba mu mashiwi ayo Samwele uwaleiluka ifimonwa alembele, na mu mashiwi ayo Natani+ kasesema na Gadi+ uwalemona ifimonwa balembele. 30 Balembele pa fyalecitika ilyo aleteka, pa milimo iyo abombele, pa fyamucitikile ne fyacitikile abena Israele na mabufumu yonse ayali mupepi.