NAHUMU
1 Ifi e fikacitikila Ninebe:+ Ibuuku umwaba icimonwa ico Nahumu* umwina Elkoshe amwene:
2 Yehova ni Lesa uufwaya ukuti abantu balemupepa fye eka,+ kabili alalandula;
Yehova alalandula kabili ali-iteyanya ukukanda abalwani bakwe.+
Yehova alalandula abalwani bakwe,
Kabili alatwalilila ukufulilwa abalwani bakwe.
3 Yehova alakokola ukukalipa+ kabili wa maka nga nshi,+
Lelo Yehova takatale ashingashinga ukukanda abalingile ukukandwa.+
Umo apita mulaba icikuuku ca mwela ne nkuuka,
Kabili ulukungu lwa ku makasa yakwe lwaba nga makumbi.+
Ifimenwa fya mu Bashani na mu Karmele filoma,+
Nangu fye maluba ya mu Lebanone yaloma.
Isonde likatenkana pa mulandu wa kubapo kwakwe,
Icalo na co cikatenkana kabili abekalamo bakatutuma.+
6 Lesa nga akalipa muntu nshi engeminina?+
Kabili nani engashipikisha ubukali bwakwe ubwaba ngo mulilo?+
Ubukali bwakwe bukapongololwa ngo mulilo,
Ne fimabwe fikatobaika pa mulandu wakwe.
7 Yehova musuma,+ alacingilila mu bushiku bwa mafya.+
Alaafwa* abafwaya ukuti alebacingilila.+
8 Akonaula icalo ca bena Ninebe conse ku lyeshi,
Kabili abalwani bakwe bakaba mu mfifi.
9 Mapange nshi mwingapangila Yehova?
Akamulofya bonse.
Takalenge kukabe amafya na kabili.+
10 Pantu baba kwati myunga iyakobana,
Kabili baba kwati balikolwa ubwalwa;*
Lelo bakonaulwa nga filya impimbili* ishauma shipya ku mulilo.
11 Muli iwe e mukafuma umuntu uukapangila Yehova ifyabipa,
Uukapanda amano aya fye.
12 Yehova atila:
“Nangu ca kuti bali abakosa sana kabili abengi,
Bakabasansa* kabili bakafwa.
Ndamucusha,* lelo nshakatale imucushapo na kabili.
Nkalofya ifimpashanya fyenu ifyabaswa, ifya mabwe ne fyo mwaenga ifyo mwabika mu ng’anda* ya tulesa twenu.
Nkamupangila inshiishi, pantu mulanselausha.’
We Yuda, sefya imitebeto yobe,+ fikilisha imilapo yobe,
Pantu umubifi takabale akusansa na kabili.
Nkamonaula umupwilapo.”
2 Uusalanganya naisa mu kumusansa.*+
Lindeni amalinga yenu.
Lindeni imisebo yenu.
Ipekanyeni* kabili ikosheni.
2 Pantu Yehova akacindamika Yakobo na kabili,
Akacindamika na Israele,
Pantu abalwani babo balibonaula;+
Kabili balyonaula* imisambo yabo.
3 Inkwela sha baume bakwe aba maka shalikashika,
Abaume bakwe abaishiba sana ukulwa bafwala ifya kashika ce.
Ifyela fya ku maceleta yakwe aya nkondo fibeeka ngo mulilo
Mu bushiku aleipekanya ukuya ku nkondo,
Balalanga abalwani babo imifwi ya mukupri pa kuti babatiinye.
4 Bensha amaceleta ya nkondo bushilu bushilu mu misebo.
Bayabutausha mu mansa sha mu misumba.
Amaceleta yabeeka kwati fyenge ifileaka, kabili yabyasha nge nkuba.
5 Imfumu iketa abashilika ba iko aba maka.
Bakalaipununa pa kwenda.
Bakabutukila ku cibumba cakwe;
Bakakosha ifya kubacingilila.
7 Kuli icipope ca kuti:* Bakamufuula,
Bakamusenda kabili abasha bakwe abakashana bakalaloosha;
Pa kuloosha bakalaumfwika nga filya inkunda shilila, uku ninshi baleuma na pa fifuba* fyabo.
Bamo bakalatila, “Imwe, iminineni! Iminineni!”
Lelo tapakabe abakapilibuka.+
9 Pokeni silfere, pokeni golde!
Ifyuma ifyo bakwata te fya kupenda.
Balisunga ifyuma fya misango yonse ifisuma nga nshi.
10 Mu musumba tamwakashale akantu, ukashala icibolya, ukonaika!+
Imitima yabo ikasunguluka ku mwenso, amakufi yabo yakalasokona kabili intungu shabo shikanaka;
Bonse bakaba no mwenso.
11 Bushe icifulo umwikala inkalamo cili kwi,+ umo imisepela ya nkalamo* iliila?
Cili kwisa icifulo uko inkalamo yaleya na kana,
Ukushali nangu cimo ica kushitiinya?
12 Inama isho inkalamo yalesantaula, shalekumana utwana twaiko tonse,
Kabili yaleipaila ishikota sha iko inama.
Mu filindi fya iko mwaleba inama lyonse,
Mwaleba inama isho yalesantaula.
13 Yehova wa mabumba atila, “Mona! Nkakulwisha,+
Nkoca amaceleta yakwe yonse ica kuti yakashikisa,+
Kabili imisepela yenu iya nkalamo* bakaipaila ku lupanga.
Nkalenga ukaleke ukwikata inama pano isonde,
Kabili inkombe shobe tashakatale ashumfwikapo na kabili.”+
3 We bulanda ku musumba uusumya umulopa!
Waisulamo fye ubucenjeshi no kupoka abantu ifintu ku maka.
Tauleka ukupoka abantu ifintu ku maka!
2 Ndeumfwa icikoti cilelila, ne congo ca mipeto,*
Ndemona bakabalwe balebutuka kabili amaceleta yaletolauka.
3 Abaninine pali bakabalwe, impanga ishilebeka na mafumo ayalebeka,
Abantu abengi abo baipaya ne miina ya fitumbi
—Abantu abafwa te bakupenda.
Abantu baleipununa fye mu fitumbi.
4 Icilengele fyonse fi ni co cilende alacita sana bucilende,
Mwanakashi uwayemba nga nshi, kabili alishiba sana ifya buloshi,
Uubelelekela inko kuli bucilende bwakwe ne ndupwa ku buloshi bwakwe.
5 Yehova wa mabumba alanda ati, “Mona! Nkakulwisha,*+
Nkakupimpula ica kufwala ukucifisha ku menso;
Nkalenga inko shikamone ukuti uli ubwamba,
Kabili amabufumu yakamona ifyo ukaseebana.
Nani akalililako Ninebe ubulanda?’
Ni kwisa nkasanga aba kukusansamusha?
8 Bushe walicila No-amone,*+ uwaikele pa mifoolo ya mumana wa Naelo?+
Amenshi yalimushingulwike;
Icuma cakwe calefuma pali bemba, kabili bemba alemucingilila nga filya icibumba cicingilila.
9 Icalo ca Etiopia ne ca Egupti e fyalelenga alekwata amaka ayashakwete mwakupelela.
Abena Puti+ na bena Libya balemwafwa.*+
Bashonawilile abana bakwe pa makona* yonse aya misebo.
Balependula pa kwakana abaume bakwe abacindama,
Abaume bakwe bonse abalulumbi balibakakile mu maceni.
Ukafwaya ukwa kufulumukila pa kuti ukacingililwe ku balwani bobe.
12 Ifya ku kucingilila fyobe fyonse fili nge mikunyu iikwete amakunyu ayabalilapo ukupya;
Iya kuti nga baipukunya, amakunyu yaponena mu tunwa twa balefwaya ukulya.
13 Mona! Abashilika ba mu calo cobe bakaba fye nga banakashi.
Impongolo shobe shikaba ishaisuka pa kuti abalwani bobe bakengile.
Imipindo ya pa mpongolo shobe ikapya.
14 Tapileni limo amenshi pantu bali no kumushinga!+
Kosheni amalinga yenu.
Ingileni mu matipa kabili kandileni iloba;
Buleni ifikombola fya matafwali.
15 Na kulya kwine ukapya fye onse mu mulilo.
Bakakwipaila ku lupanga.+
Bakakwipaila ku lupanga nga filya abana ba makanta bapwisha ukulya ifimenwa.+
Ifusheni nga bana ba makanta!
Na kabili ifusheni nga makanta!
16 Naufusha aba makwebo bobe ukucila intanda sha mu muulu.
Abana ba makanta balaisotola e lyo bapupuka baya.
17 Bakalinda bobe baba nga makanta,
Kabili abakalamba ba bashilika bobe bafula nga makanta.
Bekala mu macinka ya mabwe ubushiku kutalele,
Lelo akasuba nga kabalika, balapupuka baya;
Kabili takuba nangu umo uwishiba uko baya.
18 We mfumu ya ku Asiria, bakacema bobe balashipula;
Bashimucindikwa bobe bekala ubwanalaale mu mayanda yabo kabili tabafuma.
Abantu bobe nabasalanganina pa mpili,
Kabili takuli uwa kubalonganika.+
19 Takuli uukakupususha ku bucushi bobe.
Ifilonda fyobe te kuti fipole.
Abakomfwa ifikakucitikila bakalatoota ku nsansa;+
Pantu nani uo ushalecusha pa mulandu wa bunkalwe bobe?”+
Ilyalola mu kuti “Uusansamusha.”
Nelyo “alasakamana.” Mu ciHebere, “alishiba.”
Nelyo “ubwalwa ubo bakumbila ne ngano.”
E kutila, ifishala mu mabala nga basombola ingano.
Nelyo kuti yapilibula no kuti, “akapita mu kati kabo.”
E kutila, Ndacusha mwe ba Yuda.
E kutila, pali Asiria.
Nelyo “itempele.”
E kutila, ukusansa abena Ninebe.
Mu ciHebere, “Kosheni intungu shenu.”
E kutila, balyonaula abena Israele.
Nelyo “likabongoloka.”
Nelyo “nacipampamikwa ukuti.”
Mu ciHebere, “pa mitima.”
Nelyo “inkalamo ishana ishakwata amasense.”
Nelyo “inkalamo ishana ishakwata amasense.”
Nelyo, “amawilo.”
E kutila, nkalwisha we Ninebe.
E kutila, Tebesi
Mu ciHebere, “balekwafwa.”
Mu ciHebere, “pa mampaatu.”