ICIPUSHO NA. 2
Kuti mwacita shani pa kuti musambilile pali Lesa?
“Taufwile ukuleka ukulanda pa fyaba muli ili ibuuku lya Mafunde, kabili akasuba no bushiku ulebelenga ifyalembwamo mwi shiwi ilinono, pa kuti ulebika amano ku kukonka fyonse ifyalembwamo; pantu e lyo ifintu fikalakwendela bwino kabili e lyo ukaba na mano.”
“Kabili bakonkenyepo ukubelenga ibuuku umwali Amafunde ya kwa Lesa wa cine ninshi nabasansula amashiwi. Balelondolola bwino bwino amafunde pa kuti abantu beshibe umo yalolele; e ico balengele abantu baumfwikisha ifyo balebabelengela.”
“Wa nsansa umuntu uushikonka amano ayo ababifi bapanda . . . , lelo alitemwa sana amafunde ya kwa Yehova, kabili alabelenga amafunde yakwe mwi shiwi ilinono akasuba no bushiku. . . . Fyonse ifyo akulacita fyakulaenda bwino.”
“Filipi abutukiile ku mbali no kumumfwa alebelenga mwi buuku lya kwa Esaya kasesema, e lyo amwipusha ati: ‘Bushe cine cine nawishiba ifyo ulebelenga?’ Na o amwaswike ati: ‘Inga kuti naishiba shani ukwabula uwa kuntungulula?’”
“Imibele yakwe ukutula fye apo abumbiile icalo, bailukila ku fyo abumba, muli ifi e mo belukila amaka yakwe ayashingapwa, pamo na buLesa bwakwe, ica kuti tabakwata umwa kubepekesha.”
“Uletontonkanya sana pali ifi fintu; ulebikako sana amano, pa kuti abantu bonse balemona bwino bwino ifyo ulelunduluka.”
“Natuletontonkanya sana pa banensu pa kuti tulecincishanya ukuba no kutemwa no kubomba imilimo iisuma, twilapuswa mu kulongana.”
“Nga ca kutila umo pali imwe alekabila amano, eleka ukulomba kuli Lesa, na o akamupeela, pantu Lesa apeela fye bonse ukwabula ukubakalipila.”