ICIPUSHO NA. 18
Kuti mwacita shani pa kuti mupalame kuli Lesa?
“Mwe bomfwa ipepo, kuli imwe e ko abantunse bakesa.”
“Tetekela Yehova no mutima obe onse kabili wishintilila pa mano yobe we mwine. Uko konse wenda umwishibe, na o akatambalika inshila shobe.”
“Nomba pa kuti babe no mweo wa muyayaya, kano baishiba imwe mwe Lesa wa cine mweka, na Yesu Kristu uo mwatumine.”
“[Lesa] taba kutali kuli ifwe umo umo.”
“Ici e co ntwalilila ukupepela, ukuti ukutemwa kwenu kulekulilako fye lyonse pamo no kwishiba kwine kwine no kwiluka ukufwaya kwa kwa Lesa.”
“Nga ca kutila umo pali imwe abulwa amano, eleka ukulomba kuli Lesa na o akamupeela, pantu Lesa apeela fye kuli bonse ukwabula ukwebaula.”
“Palameni kuli Lesa, na o akapalama kuli imwe. Sangululeni iminwe yenu, mwe babembu, kabili sangululeni imitima yenu, mwe ba mitima ibili.”
“Pantu uku e kutemwa Lesa, ukuti tulekonka amafunde yakwe; kabili amafunde yakwe taya-afya.”