“Caliibela”

Ilyo umwanakashi uwa myaka 70 mu Moscow, ku Russia, abelengele icitabo ca Umuntu Wakulisha Uwabalile Abako Uwa Mweo, icitabo iceshako ukulanda pali fyonse ifya mu bumi bwa pano isonde ubwa kwa Yesu ifyalembwa mu Malandwe yane, abilikishe ati: “Nshatala mbelengapo icitabo ca musango yu. Ndefwayo kwishibilapo ifingi pa lwa kwa Lesa na Yesu Kristu e lyo no kusambilila Baibolo.”

Amaofeshi ya Nte sha kwa Yehova mu Russia ilingi line yalapokelela bakalata ba musango yu abalanda pa mpapulo sha Baibolo. Kalata uwapalako atuminwe no mwanakashi uwa ku Chelyabinsk, umusumba uwakwata abantu ukucila pali milioni umo uwabela apalepa bakilomita 1,500 pa kati ka kapinda ka kulyo na kabanga aka Moscow.

Alandile ulwa citabo ca Umuntu Wakulisha Uwabalile Abako Uwa Mweo ati: “Ici citabo caliibela. Cilapuutamo abantu ukukwate subilo lya cilolelo ca nsansa no kubaafwa ukwishiba ilyashi lya kale. Ilyo nali nshilabelenga ici citabo, nshatalile ntontonkanyapo pa lwa kwa Lesa kabili nshatemenwe ukupepa, lelo nomba ndefwaya ukubatishiwa. Ndefwaya ukubelenga sana ifitabo fyenu. Ndefwaya ukushimikilako ifibusa, abeshibishi, na balupwa pa lwa fintu ifyo nabelenga.”

Na imwe kuti mwapokelela icitabo icingamwaafwa ukusambilila ifingi pa lwa kwa Yesu ne subilo lyashimpwa pali Baibolo ilya bumi mu calo cipya. Nga mwingatemwa ukukwatako kope wa citabo ca Umuntu Wakulisha Uwabalile Abako Uwa Mweo nelyo nga mwingatemwa umo ukwisa ku mwenu ku kusambilisha Baibolo mu ng’anda apa fye, kuti mwalembela ku Watch Tower Society, Box 33459, Lusaka 10101, nelyo ku keyala kalinga ukufuma pe bula 5.