Uushasumina Muli Lesa Asanga Ifyasuko
“IFIPANDE fifuma muli bamagazini benu Ulupungu lwa kwa Kalinda na Loleni! fisuma icipesha amano! Uuli onse kuti afwaya ukubelengako bamagazini nga bafuma fye! Balasuka ifipusho ifingi nga nshi no kuletela umuntu icibote mu mutima.”
Ifyo e fyalandile kabelenga umo uwa ku kapinda ka ku kulyo aka India. Afyalilwe mu baHindu, lelo ilyo alekula, wishi amusambilishe ukukanasumina muli Lesa. Atila: “Nshasangile icaba imifwaile ya bumi. Icisambilisho ca kwa Darwin ica kuti abantu basangwike fye caleumfwika icapumbuusa. Pa myaka iingi, nalilolenkana ne fipusho, pamo nge fi, Lesa nani? Mulandu nshi icalo cabipile fi? Ni kwi tuya nga twafwa? Bushe imipashi yabipa e ko yaba?”
Apantu uyu muntu alisangile ifyasuko mu Ulupungu lwa kwa Kalinda na Loleni! alilembeshe ukulapokelela aba bamagazini, alilembesesheko ne nkashi yakwe, kabili alapeelako na bantu bambi aba bamagazini. Alitashishe sana pa fikope fya muli bamagazini “ifiilondolola ifine fyeka,” pantu umulimo wakwe wa kukopa e lyo no kulenga. Na imwe bene ifipusho fyenu ifingi kuti fyayasukwa nga fintu ifya bengi sana mu calo fyayasukwa no kukwata icibote mu mutima nga ca kuti mulebelengako aba bamagazini basuma.
Nga mulefwaya ukwishibilapo na fimbi pa lwa kwa Lesa ne mifwaile yakwe kuli ifwe, kuti twatemwa ukumutuminako apa fye broshuwa uwasabankanishiwa sana mwi sonde lyonse uutila Bushe Lesa mu Cituntulu Alatusakamana? Lembeni ifilefwaikwa pali aka kapepala pe samba no kutuma kuli adresi ilangililwe nelyo imbi iyalinga ukufuma pe bula 5 ilya uno magazini.
□ Ntumineniko broshuwa uutila Bushe Lesa mu Cituntulu Alatusakamana?
□ Napaapaata kuti mwaisamona ukukuma kwi sambililo lya Baibolo ilya mu ng’anda ilya pa fye.
[Abatumtuminishe Ukubofya Ifikope Fili pe bula 32]
PA NKUPO, amabula 2-9 na 32: Einstein: Icikope ca ba U.S. National Archives; Motoka wa Model-T Ford: Ukufuma ku ng’anda ya babenye iya Henry Ford Museum & Greenfield Village; Ukubongoloka kwa fya bunonshi: Dorothea Lange, FSA Collection, Library of Congress; Nicholas II no lupwa: Ukufuma mu citabo ca Liberty’s Victorious Conflict; Icikuulwa ca League of Nations cikope ca ba: U.S. National Archives; Churchill: The Trustees of the Imperial War Museum (MH 26392); Ingalaba sha nkondo: Cikope ca U.S. Navy; Amabomba ya atomiki: Cikope ca USAF; Gandhi: Culver Pictures; Umuntu pa mweshi: Cikope ca ba NASA; Icushi cikowesha: Godo-Foto; Mao Tse-tung: Culver Pictures; Abana abena Afrika: Cikope ca FAO/F. Botts; Icimpashanya ca kwa Lenin: Juraatis/Sipa Press; Roketi: Icikope ca NASA; Archduke Ferdinand: Ukufuma mu citabo ca The War of the Nations; Lenin: Musée d’Histoire Contemporaine-BDIC