Te ca Bapungwe fye Beka

Muli kalata alembele iofeshi lya Nte sha kwa Yehova ilya mu Poland, Jolanta umwanakashi wa myaka 25 alondolwele ati alipopomenwe. Alilemana ica kutila tenda, kabili mu myeshi fye 6 banyina na banakulu bonse balifwile. Lelo atendeke ukubelenga icitabo ca Ifipusho Abacaice Bepusha—Ifyasuko Fibomba. Alembele ati:

“Naishibe ukuti abengamwenamo fye muli ci citabo bapungwe te ine iyo. Kanshi naleibepa fye! Ilyo nasomene ifipandwa 12 ukufika ku 16 ifya ici citabo, nasangile ifyasuko fyaumfwika bwino ku fipusho naleipusha ifya kuti: ‘Mulandu nshi mbela uwapopomenwa ifi no kuba uwatalalilwa?’ ‘Mulandu nshi naipatila?’ na ‘Mulandu nshi mbelele no bulanda sana pa mfwa ya balupwa lwandi abatemwikwa?’”

Akonkenyepo ukusosa ati: “Ifishinka fibili ifyalandwa pe bula 130 nalifitemenwe: ‘Ukwishiba ukuti ubulanda bobe bwa cifyalilwa caba kwaafwa kukalamba mu kucimfya bwene. Lelo citantalisha fye ubulanda ukukaanasumina ukuti balifwa.’ Ukubelenga aya mashiwi kwanengele ukukosha isubilo lyandi ilya kwisamona abafwa na kabili, icalengele ukuti no bumi bwandi bulondolokeko.”

Nga mulefwaya ukucimfya ukupopomenwa no kulenga ubumi bwenu ukulondoloka, na imwe bene kuti mwamwenamo mu citabo ca Ifipusho Abacaice Bepusha—Ifyasuko Fibomba. Pa kukwatako ici citabo, lembeni pe samba no kutuma aka kene kapepala pa keyala kali pa kapepala kene, nelyo akeyala ka mupepi no ko mwikala pali tulya tuli pe bula 5 ilya uno wine magazini.

□ Ntumineniko icitabo ca Ifipusho Abacaice Bepusha—Ifyasuko Fibomba.

□ Mukwai kuti mwaisamona pantu ndefwaya isambililo lya Baibolo ilya pa fye.