Bamapu Kuti Bamwafwilisha Ilyo Mulebelenga Baibolo

Ilyo mwabelenga mu Baibolo pa bantu ne fifulo bale-endaukamo, bushe mulesha ukwelenganya inshila balepitamo nelyo icifulo baendelemo? Nomba apo natukwata akatabo kasabankanishiwe nomba line akakwata bamapu ba mu Baibolo akatila, “Moneni Icalo Cisuma,” kuti kamwafwa ukulundako ku fyo mwaishiba impanga Baibolo yalanda.

Umwanakashi mu Ireland uwapokelele akatabo ka “Moneni Icalo Cisuma” atila: “Lyonse ulucelo ilyo ndebelenga Baibolo, ndamonamo na mu katabo. Cilawama ukumona umo abantu baleepita—bakasesema, ishamfumu—ukwelenganya amafya bali na yo pa lwendo, intamfu baleenda, ne ncende baleikalilako. Ilyo ndebelenga ndalundako ifyebo fyandi ifinono. Ncili ndebelenga Amalembo ya ciHebere nomba ndefwaya sana ukubelenga Amalembo ya ciGriki.”

Kuti mwalomba aka katabo kabalabata aka mabula 36 akatila “Moneni Icalo Cisuma,” pa kulemba mu kabokoshi kali pe samba kabili tumeni ukubomfya akeyala kali mu kabokoshi nelyo ku keyala kalinga ukufuma pe bula 5 ilya uno magazini.

□ Kuti natemwa ukupoka akatabo katila “Moneni Icalo Cisuma.”

□ Mukwai kuti mwaisamona ukukuma kwi sambililo lya Baibolo ilya mu ng’anda ilya pa fye.

[Abatusuminishe Icikope pe bula 32]

Umupokapoka ne nkupo ya broshuwa: Pictorial Archive (Near Eastern History) Est.