Alitemwapo Icitabo Ukucila Ifya Kwangasha Ifili Fyonse

Bushe abana abanono kuti batemwapo icitabo ukucila ifya kwangasha? Ee kuti batemwa nga ca kuti abafyashi babo balebabelengela ifitabo ukutula fye ku bunya. Ba Mebrandtu na ba Angela abekala ku California ku Amerika batendeke ukubelengela akana kabo akakashana icitabo ca Sambilila Kuli Kasambilisha Mukalamba ilyo bakaletele fye ukufuma ku cipatala, ninshi e lyo kafyalwa.

Abafyashi batila ici calengele ukuti “katemwe icitabo ca Kasambilisha Mukalamba. Ilyo kali no mwaka umo fye katendeke ukulatweba ukuti tukabelengele icitabo ico kaleita icitabo ca kwa Yesu. Julianna nomba ali ne myaka itatu kabili lyonse alafwaisha sana ifwe ukumubelengela ici citabo. Tatulekukumya ukulanda ukuti umwana wesu alitemwapo icitabo ukucila ifya kwangasha ifili fyonse. Ifikope ne filangililo filatwafwa sana pa kusambilisha. Na ifwe bene tulasambililako ifingi.”

Nga mulefwaya kuti mwapokako ici citabo ica mabula 256 icisuma nga nshi icabamo ne fikope. Cakwata amabula ubukulu nga ino magazini. Kuti mwapokako ici citabo nga mwalemba aka kapepala no kutuma ku keyala kali pano nelyo ku keyala kambi ako mulefwaya ukufuma pe bula 5 ilya ino ine magazini.

□ Ndefwaya muntumineko ici citabo mulangile pano.

□ Mukwai ndefwaya ukusambilila Baibolo pa ng’anda.