Ipakishe Ubumi pe Sonde kuli Pe na Pe!

Aka katabo kapulintilwa ku kukwaafwa ukwishiba uwacitile isonde ne fintu fyonse ifyaba pali lyene. Uli no kusambilila ukuti Lesa, uwacitile isonde, alikwate shina. Muno tuli no kulondolola na kabili umulandu Lesa apangile umuntu na fintu wingaipakisha ubumi pe sonde kuli pe na pe.

Tulesubilo kuti ifikope ifingi fikakwaafwa ukumona ifi fintu mu kucilapo kuwama. Pa kukwata ukumwenamo kukalamba, ufwile ukubelenga amalembo muli Baibolo ayo yalangililwe pa lubali lwa fikope ifingi. Muli iyo nshila, ukaibelengela we mwine amalayo yamo ayasuma aya kwa Lesa ayo yaba muli Baibolo na cintu Lesa asosa ufwile ukucita no kupokelela ukwisushiwa kwa aya malayo.

Kuti na kabili wafwaya ukubomfya aka katabo ku kwaafwa abantu bambi. Nga walikwata abana, kuti wakabomfya ku kubafwilisha ukusambilila pa lwa kwa Lesa. Nga ca kuti wikala mu calo muntu abakalamba abengi bashibelenga, kuti wabomfya ifikope ku kubaafwa ukumfwikisha imifwaile ya kwa Lesa pa kuti na bo, bengaafwako abena mupalamano babo.

Tulesubila mu kufumaluka ukuti ukusambilila ifi fyebo kukakwiswila inshila ku kupokelela amapaalo ayengi, no kulanga fye bambi ifya kwikala kuli pe na pe pe sonde.