Cinshi Cintu Ulingile Ukucita?
50 Bushe ulafwaya ukwikala kuli pe na pe muli ulya paradise wayemba?
Lyene sambilila ifyafula pa lwa cintu Lesa asosa. Esha ukusambilila ukubelenga Baibolo.—Yohane 17:3; Ukusokolola 1:3
51 Sambilila ifyafula pa lwa kwa Yesu.—Amalango 18:18, 19; Yohane 3:16; Imilimo 3:19-23
52 Esha ukucita fye ifintu fisuma no kumfwila Yehova.—Abena Roma 6:17, 18, 22
53 Ibukisha, Yehova asosa ukuti tatufwile ukwipaya abantu.—Ukufuma 20:13; 1 Yohane 3:11, 12
52 Tatufwile ukubuula ifintu ifyo ifya bantu bambi.—Ukufuma 20:15; Abena Efese 4:28
55 Umuntu tafwile ukwikala nelyo ukulala no mwanakashi kano fye ali umukashi wakwe.—Ukufuma 20:14, 17; 1 Abena Tesalonika 4:3
56 Bushe uleibukisha bakashi banga Lesa asuminisha umulume ukukwata? Bushe butali bwaba shani umulume afwile ukwikala no mukashi wakwe?—Ukutendeka 2:22, 24; Mateo 19:5, 6; 1 Abena Korinti 7:2, 10, 11
57 Ibukisha, na kabili, ukuti tufwile ukupepa fye Yehova.—Mateo 4:10; 1 Abena Korinti 8:6
58 Utulubi ne fipasho te kuti fitwafwe. Mulandu nshi?—1 Abena Korinti 8:4
Bushe cisuma ukukwata utulubi?—Amalango 27:15; 1 Yohane 5:21
59 Mulandu nshi cabela icabipa ukukwata ifipuuta no kubomfya juju [ifipuuta ne fishimba]?—Amalango 18:10-13; Ukusokolola 21:8
60 Bamalaika babipa nelyo ifibanda bapondokele Lesa. Fibomfya bakasobela ba mashuko ku kulufya abantunse.—Imilimo 16:16
61 Tufwile ukupepa kuli Lesa. Ipepo lipilibula ukusosa kuli Lesa, ukumwebo kuti tulefwaya ukubombela wene kabili no kwipusha ukwaafwa kwakwe.—Abena Filipi 4:6, 7
62 Tufwile ukumfwila Yesu no kubika icitetekelo muli wene.—AbaHebere 5:9; Yohane 3:16
63 Ibukisha ukuti alifwile ku kutupususha.—Abena Roma 5:8
64 Ibukisha ukuti Yesu ni mfumu yesu iishimoneka. Tufwile ukumumfwila.—Abena Filipi 2:9-11; Ukusokolola 19:16
65 Yesu asosele ukuti ufwile ukwebako bambi pa lwa fintu fisuma ulesambilila no kuti abo balefwaya ukubombela wene bafwile ukubatishiwa.—Mateo 28:19, 20; Yohane 4:7-15
66 E co kuti walanda ku fibusa fyobe pa lwa ifi fintu fisuma.—Mateo 10:32
67 Nga wasambilila ukubelenga bwino, kuti wasambilila ifintu ifingi ifyafula kabili ukaba na maka mu kwaafwa bambi mu kuwaminako.—2 Timote 2:15
68 Yesu na kabili asambilishe abana banono ukumfwila Lesa. Taali uwacilapo ukupamfiwa ukulanda kuli bene.—Mateo 19:13-15
69 Abafyashi lyonse bafwile ukufunda abana babo ukumfwila Lesa kabili no kumutemwa.—Amalango 6:6, 7; Amapinda 6:20-22; Abena Efese 6:4
70 Kwalibako amacalici yalekanalekana. Ifingi ifya fifundisho fyabo tafifuma muli Baibolo. Yehova atweba ukusha amabutotelo ayo ayashifunda icine.—Ukusokolola 18:4; Yohane 4:23, 24
71 Yehova alikwata abantu pe sonde abo bengakusambilisha ifyafula pa lwa wene. Bushe walishiba bantu baba?—Imilimo 15:14; Abena Roma 10:14, 15
72 Baba ni Nte sha kwa Yehova. Balikwata umutende pa kati kabo. Bushe walishiba umulandu? Pantu balitemwana.—Esaya 43:10-12; Yohane 13:34, 35
73 Pantu na kabili balitemwa Yehova, balibatishiwa. Ici e co balanga pa lwalala ukuti balisha inshila yabipa iya bumi bwabo kabili bafwaya ukupoosa ubumi bwabo ukubombela Lesa.—Imilimo 2:41
74 Inte sha kwa Yehova basubila ukwikala muli paradise mupya uwayemba.—Amalumbo 37:9-11, 29
Cinshi wingacita pa kuti wingekala mulya pamo na bene?—Yakobo 1:22, 25; 2:20-26
75 Ilunde na bene mu kusambilila ukubombela Yehova. Balitemwa kabili bomfwila Yehova na Kristu Yesu. Bushe walibatemwa? Bushe kuti watemwa ukwaafwa bambi ukwishiba pa lwa kwa Lesa?—Yohane 6:45-47
76 Yehova na Kristu Yesu balikutemwa kabili bafwaya iwe ukwikala kuli pe na pe muli paradise.—Yohane 3:16
Cintu usambilile ukufuma mu kulanguluka ifikope ne fyebo fili muli aka katabo mu kushininkisha nafikupeela ukufwaisha kwa kuipakisha ubumi pe sonde kuli pe na pe. Nga wingatemwa ukusambilila ifyafula pa lwa ici, twatubulula ukuti ulande kuli umo uwa Nte sha kwa Yehova mu cifulo cobe. Nangu, kuti walemba, atemwa ukukwatako umo ukukulembelako, kwi ofesi lyapalamina no ko wikala, nga fintu cilangililwe pa mutande wa maadresi pe bula lya bubili ilya aka katabo.