Kwaliba Ifibumbwa fya Mipashi Ifingi

Baibolo itila kwaliba ifibumbwa fya mipashi ifingi. Yehova na o wine mupashi.—Yohane 4:24; 2 Abena Korinti 3:17, 18.

Pa nshita imo Yehova aliko fye eka. Lyena alitendeke ukupanga ifibumbwa fya mipashi ifyo aleita ukuti bamalaika. Bamalaika balikwata sana amaka na mano ukucila abantu. Yehova apangile bamalaika abengi icine cine. Umubomfi wa kwa Lesa, Daniele alimwene iminshipendwa ya bamalaika mu cimonwa.—Daniele 7:10; AbaHebere 1:7.

Yehova abumbile bamalaika ilyo ashilapanga isonde. (Yobo 38:4-7) Aba bamalaika tabatalile abekala pa calo e lyo bafwa no kuba bamalaika.

Ifibumbwa fya mipashi nafiminina pa ntanshi ya cipuna ca bufumu ica kwa Yehova — Yehova mupashi, kabili e wapangile ifibumbwa fya mipashi fimbi