Tulemulaalika

Twaipakisha sana ukulanda na imwe muli uno broshuwa. Tulecetekela ukuti na imwe namuipakisha ukusambilila ifingi pa lwa Nte sha kwa Yehova. Shi namukese pa Ng’anda yesu iya Bufumu no kumona ifyo tulongana, ifyo tutukuta ukuti twebeko bambi ulwa mbila nsuma pa lwa paradise wa pe sonde uukatekwa na Kristu.

Lesa alilaya ici. “Imyulu ipya ne calo cipya e fyo tulolela, umwaikalo bulungami, umwabele cilayo cakwe.” (2 Petro 3:13) Imyaka iingi e ipitilepo. Inshita ya kulolela ileya ilecepelako fye. Ifilecitika mu calo filelangilila ici.

Umutumwa Paulo atile, “apo mulemono Bushiku bulya bulepalama, twetetule umwa kucincimushanisha ku kutemwa kabili ku kubombe milimo isuma; twiba abaleko kulongana.” (AbaHebere 10:24, 25) Tulemulaalika ukulalongana na ifwe mu kumfwila uku kupanda amano kwa kwa Paulo.