Insondwelelo

Bushe mulebukisha utushita utusuma uto mwaleba pamo na bakapepa ba kwa Yehova pa kulongana kwa pa cilonganino, pa kulongana kwa citungu nelyo ilyo mwaleshimikila imbila nsuma, nangu fye ni lintu mwalelanshanya na bakapepa banenu? Nga mulebukisha, ninshi tamwalaba Yehova kabili na o, ninshi tamulaba. Alebukisha sana ifyo mwalemubombela ne cishinka kabili alafwaya sana ukumwafwa pa kuti mukatendeke ukumupepa na kabili.

Yehova atila: “Ndi no kufwaya impaanga shandi no kushisakamana. Ifyo uuliisha umukuni wakwe asakamana pa bushiku bwa kuba pa kati ka mpaanga shakwe ishasalanganina ukutali, e fyo na ine nkasakamana impaanga shandi; nkashipokolola na konse uko shasalanganina.”—Esekiele 34:11, 12.