Bushe Uli Kalubi Ka We Mwine?

Ukwabula ukwibukila ulwa cene, abantunse bamo baipanga abene utulubi. Baibolo ilondolola pa Abena Efese 5:5 ukuti: “Pantu ishibisheni ici, uwa bulalelale onse, nangu uwakowela, nangu uwa kaso (e kapepa wa tulubi), tali na bupyani mu bufumu bwa kwa Kristu na Lesa.” (Abena Kolose 3:5; linganyeniko Abena Galatia 5:19-21.) Ukufwaisha kwa ku mubili kuti kwaisako pa kati ka muntu na Lesa. Paulo asosa ulwa abo ukuti “mu nda e mulungu wabo.” (Abena Filipi 3:18, 19) Mu mashiwi yambi, balikwata “lesa” umbi pa mbali ya kwa Yehova, ukubika pa ntanshi ukufwaisha kwabo kwine ukwa ku mubili. Imyendele ya musango yo kuti yafumya umuntu ku Bufumu bwa kwa Lesa. (1 Abena Korinti 6:9, 10) Kuli umulandu usuma, lyene, uwa kumfwila amashiwi ya mutumwa Paulo aya kuti: “E ico cine, mwe batemwikwa bandi, butukeniko ku kutootelo tulubi.”—1 Abena Korinti 10:14.