“Nalepya no bukali”

Umukashana wa myaka ya bukulu 15 ukufuma ku Knoxville, Tennessee, alembele ukuti: “Nalefwaya ukulumbulula ukutasha kwandi kuli imwe pa citabo cenu icipya Questions Young People Ask—Answers That Work. Naliipakisha ukubelenga ici apakalamba.”

Lyene alondolola icacincishe kalata wakwe: “Nalepya no bukali kuli ndume yandi pa kuti alinshimawile pa kukanacita icintu cimo pa ŋanda ico nali no kucita. Nomba pa kuti twalipwisha ifikansa, ndayumfwa uwa mulandu kabili ninjisa mu muputule wandi ku kulemba kuli imwe no kubelenga ‘Mulandu Nshi Munyinane na Nkashi Yandi Babela Abayafye Fyo Kubomba Na Bo?’ (Icipandwa 6) Ninjishiba cikaba ca kwaafwa ku kubomba ne mpika ku nshita ya ku ntanshi.”

Imisepela ilolenkana ne fipusho ifingi ifyo ififwaya ukupingulapo kutuntulu: Bushe ndi uwafikapo ku kwishishanya? Ni shani ningacimfye cintemwa? Ni shani pa lwa kwampana kwa bwamba pa ntanshi ya cupo? Ni shani ningeshiba nga ca kuti kutemwa kwa cine cine? Mulimo nshi uwa kukanshiwa ningile ukusala? Ni shani ningabomba no kutitikisha kwa banandi? Ku fipusho fya musango uyo na fimbi, imisepela ifwaya ifyasuko fibomba.

Tuleyumfwa ukuti ukanonkelamo apakalamba ukufuma ku citabo Questions Young People Ask—Answers That Work, icakwata icipandwa pali cimo cimo ica ifi fipusho. Kuti wapokelela kope wa ulu lupapulo lwalangililwa mu kucebusha pa kwisusha no kutuma akapepala.

Kuti natemwa ukupokelela icitabo ca nkupo yakosa Questions Young People Ask—Answers That Work. (Ku nse ya Zambia, lembela umusambo wa mu mwenu uwa Watch Tower ku fyebo. Moneni ibula 2.)