Yacindama Shani Imimonekele?

“Nali uwakalifiwa pa lwa mimonekele yandi,” e fyalemba umusepela ukufuma ku Beaver Falls, Pennsylvania, U.S.A. “Nayumfwile ifyo nali uwabipa kabili uushili wa kucebusha.” Alondolola ukuti: “Nshali na kulya icili conse pa nshiku shinono, kabili nalyondeleko panono, lelo nali no kumfwe nsala nga nshi ukufuma ku kukanalya ica kuti nali no kuminaula fye ica kulya ubushiku bwakonkapo kabili ukwima na kabili.”

Pa numa, pe bungano lya Bwina Kristu, asosele ukuti: “Naloleshe mu cilola no kusosa kuli cibusa ukuti, ‘Ndemoneka uwa kutiinya nga nshi!’

“Uyu wine cibusa wandi watemwikwa alinjipwishe nga ca kuti nalibelengele iciputulwa ‘Ukulolesha pa Fintu Umoneka’ mu citabo Questions Young People Ask—Answers That Work. Namwebele ukuti iyo. Asosele kuli ine ukuti, ‘We mutemwikwa, ulekabila ukuyacibelenga ku ŋanda cino cungulo bushiku.’ Kabili ico e cintu fye nacitile.

“Nayumfwile kwati nalebelenga ilyashi lya bumi bwandi. Lyene naishile ku cipusho icanengele ukuntontonkanya ica kuti, ‘Ni ani uyo atwala pa ntanshi imfundo ya kuti ulekabila imimonekele imo nga ca kuti uli no kuba uwalumbuka, uwatunguluka, nelyo uwa nsansa?’”

Icasuko kuli ico cipusho, e fyo uyu musepela wasosele, calengele ukwaluka kukalamba mu bumi bwakwe. Asondwelela ukuti: “Ukupitila mu mitubululo ya kwaafwa mu citabo ca Young People Ask, namwene ukukabila kwa kulungike ifise ntanshi fyandi.”

Abacaice balikwata ukutitikisha ukwingi ilelo. Bakabila ukwaafwa pa kubomba na ko mu kutunguluka. Questions Young People Ask—Answers That Work cipayanya uku kwaafwa. Kuti wapokelela kope wa ici citabo calangililwa mu kucebusha pa kwisusha no kutuma aka kapepala.

Kuti natemwa ukupokelela icitabo ca mabula 320 ica nkupo yakosa Questions Young People Ask—Answers That Work. (Ku nse ya Zambia, lembela umusambo wa mu mwenu uwa Watch Tower ku fyebo. Moneni ibula 2.)