“Natubelengeshe Ilyo Tatulapumya”

IFYO e fintu umuntu umo ukufuma ku New Zealand asosele ukukuma kuli magazini wa Ulupungu lwa kwa Kalinda, uyu wine ulebelenga. Ukulosha ku cipande pa lwe celeta lya mu muulu ilya kwa Lesa ilyalondololwa muli Esekiele icipandwa 1, uyu muntu alembele ukuti:

“Cimo na cimo ica ifi fya mweo fine, nelyo bakerubi, cakwete amapindo yane ne finso fine. Fyakwete icinso ca nkalamo, ukwimininako ubulungi bwa kwa Yehova; icinso ca ŋombe ilume, ukwimininako amaka ya kwa Lesa; icinso ca kwa kapumpe, ukulangilila amano yakwe; ne cinso ca muntu, ukulangilila ukutemwa kwa kwa Yehova.

“Pa numa ya kubelenga cene imiku ne miku, nakwete ukuyumfwa kwa cikabilila mu kati ka mutima wandi. Ifilamba fyalelengalenga mu menso yandi, ifilamba fya buseko. Amatontonkanyo yandi aya ilyo line yali ya kuti, ‘Fintu mufwile ukuba abasuma, mwe Yehova!’ Nalipeshiwe amano kuli uku kuyumfwa kupya ukulola kuli uyu Yehova Lesa uo napumya pa myaka iingi, apantu ndi muntu wa ku calo. Ndetila ‘namutasha’ mwe Nte sha kwa Yehova, na ku bengi ababa nga ine, ndetila, ‘Natubelengeshe ilyo tatulapumya.’”