Ubushiku bwa Kwibukisha

PA BUSHIKU ubushingalabwa ukucila pa myaka 3,500 iyapitapo, Yehova afwaile abena Israele batekelwe ubusha ukwipaya umwana wa mpaanga no kukana umulopa wakwe pa filu fya pa minshi ne fipumpu fya mayanda yabo. Bulya bwine bushiku, malaika wa kwa Lesa aliciliile amayanda ayashililwepo muli iyi nshila lelo aipeye abana baume amabeli mu mayanda ya bena Egupti bonse. Abena Israele lyene balilubwike. Ukutula lilya, pa caka ca cilya ca kucitika, abaYuda balisefya Ukucilila.

Mu kwangufyanya pa numa Yesu apwishishe ukusefya Ukucilila kwakwe ukwa kulekelesha pamo na batumwa bakwe, aimike ica kulya icali no kwibukisha imfwa yakwe iya bulilambo. Atambike abatumwa bakwe aba busumino umukate no kusoso kuti: “Buuleni, mulye; uyu mubili wandi.” Lyene abapeele ulukombo lwa waini no kusoso kuti: “Nwenimo bonse; pantu ulu mulopa wandi uwa cipingo cipya, uulesuumina abengi ku kulekelelwe membu.” Yesu na kabili atile: “Citeni ici ku kunjibukisha.” (Mateo 26:26-28; Luka 22:19, 20) E co Yesu akambishe abakonshi bakwe ukucita uku kusefya kwa mfwa yakwe.

Inte sha kwa Yehova mu kukaba balekulaalika ukuilunda kuli bene mu kusefya ici Cibukisho ca mfwa ya kwa Yesu. Kuti wasangwako pa Ŋanda ya Bufumu iipalamishe na kuntu wikala. Bebeta ne Nte sha kwa Yehova mu cifulo cobe ulwa nshita yalinga ne cifulo. Ubushiku ubwa kusefya mu 1994 ni pa Cibelushi, March 26, umukate na waini ukupishiwamo pa numa ya kuwa kwa kasuba.