Abantu Amamilioni Baleyako—Bushe Mukayako?

Ukuya kwi? Ku kusefya kwa pa caka ukwa mfwa ya kwa Yesu Kristu. Mu 1996 abasangilweko mu calo conse bali 12,921,933.

Mulandu nshi abantu basangilwako? Pa mulandu wa cintu imfwa ya kwa Yesu ipilibula ku mutundu wa buntunse. Ipilibula ukwilululwako ku kulwala, ukucululuka, ne mfwa. Nelyo fye abantu twatemwa abaafwa bakabuushiwa ukwisaba aba mweo pe sonde ilyabweshiwa kuli Paradise.

Ni shani fintu imfwa ya kwa Yesu Kristu ingaleeta amapaalo ya musango yo? Mulelaalikwa ukuyayumfwila. Inte sha kwa Yehova balemulaalika ukuyasangwa pamo na bo kuli ci cintu cakatama.

Mukasangwe ku Ŋanda ya Bufumu iyabela mupepi na kuntu mwikala. Uno mwaka cikaba pa Mulungu, March 23, pa numa ya kuwa kwa kasuba. Lanshanyeni ne Nte sha kwa Yehova uko mwikala bamwebe inshita.