“Ilyo Naile ku Ng’anda ya Bufumu”

Laura,a umwana we sukulu pa koleji, apeelwe umulimo wa kusangwa ku mapepo no kulemba lipoti pa fyo ali no kumonako. Asalile ukuya ku Nte sha kwa Yehova, kabili umutwe we lyashi lyakwe waleti “Ilyo Naile ku Ng’anda ya Bufumu.” Bupusano nshi Laura asangile ku Nte? Alumbulapo fimo ifyo asangile pamo nge fi:

Abana: “Abana bonse bali mu muputule umo wine na bakalamba. Mu macalici yonse naileko, abana baya fye beka ku Sande Sukulu ukwabula abafyashi.”

Ukwikatana kwa mishobo: “Ilingi line, amacalici yongola abantu aba mushobo umo nelyo aba mutundu umo. . . . Lelo, Inte sha kwa Yehova shaikele pamo ukwabula akapaatulula.”

Ukusengela: “Abantu abengi balishile mu kulanda na ine. . . . Bamo banjipwishe fye nga ca kuti nalesambilila Baibolo no uli onse. Lelo, nshamwene kwati balempatikisha. Balikele . . . ne mwine napingulapo.”

Takwali imituulo: “Cimo icampapwishe sana ca kuti takwali uwalepoka imituulo. . . . Ku macalici naileko balepoka fye ne mituulo mu makalasi ya bana.”

Kwaliba ifilonganino fya Nte sha kwa Yehova mupepi na 90,000 mwi sonde lyonse. Na imwe kuti mwatandalila icilonganino icabela mupepi na kuntu mwikala.

[Futunoti]