Ukukumana kwa pa Mwaka October 7, 2000

UKUKUMANA KWA PA MWAKA ukwa baba mu Watch Tower Bible and Tract Society kukabako pa October 7, 2000, pa Ciyanda ca Kulonganinamo ica Nte sha kwa Yehova, pa 2932 Kennedy Boulevard, Jersey City, ku New Jersey. Ukukumana kwa kubalilapo ukwa babamo beka kukabako pa 09:15 hrs, ukukonkwapo no kukumana kwa cinabwingi pa 10:00 hrs.

Ababamo muli uku kuteyanya balingile ukwishibisha Kalemba nomba pa lwa kwaluka ukuli konse mu keyala kabo aka makalata mu mwaka wapita pa kuti amakalata ya lyonse aya cishibisho ne fyalembwa fya kwimininwako fingafika kuli bene mu July.

Ifyalembwa fya kwimininwako, ifikatumwa ku baba muli uku kuteyanya pamo pene ne cishibisho ca kukumana kwa pa mwaka, filingile ukubweshiwa pa kuti fingafika kuli Kalemba wa Sosaite ilyo August 1 ishilafika. Umo umo uwaba muli uku Kuteyanya alingile ukwisushisha no kubwesha icalembwa ca kwimininwako mu kwangufyanya, ukulanda nampo nga akasangwa ku kukumana nelyo iyo. Ifyebo ifikapeelwa pa calembwa ca kwimininwako cimo na cimo filingile ukulungatika ici cishinka, apantu e cikeshibisha abakasangwako.

Cileenekelwa ukuti ukukumana konse, ukusanshako ukukumana kwa mwi funde na malipoti, kukapwa ilyo 13:00 hrs ishilakumana nelyo pa 13:00 hrs pene. Takwakabe ukukumana kwa cungulo. Pa mulandu wa kucepelwa kwa ncende, abakasuminishiwa ukusangwako bakaba ba matikiti epela. Takwakabe ukutantika kwa kulundinkanya ukukumana kwa pa mwaka pali telefoni ku fifulo ifili fyonse fimbi.