Muletasha no Kuba aba Nsansa

AMASHIWI yali mu nyunshipepala ya Calgary Herald, iya ku Canada yatile: “Ukutasha cintu icacindama ku bantunse.” Muli iyi nyunshipepala ya Herald mwali ifyalandile abana be sukulu bamo abali ne myaka 9 abo kafundisha wabo aebele ukulemba ifintu batashishapo. Umwaice umo atile alatasha ulupwa lwakwe ‘pantu balamusakamana.’ Umukashana nao uutasha ulupwa lwakwe atile: “Balancingilila, balenga ubumi bwandi ukuba bwino, balansakamana, balintemwa, balandiisha, kabili akubula abafyashi bandi nga nshabapo pano isonde.”

Ukukanatasha kulenga umuntu lyonse ukukanateko mutima ku fyo akwete. Ukulingana na J. I. Packer uwasambilila amano ya buntunse ne fya mipepele, “twabumbilwe ukuti tuleshintilila pali Lesa no kushintilila pali umo no munankwe.” Ici citucinkulako ulwa kufunda kwa mano ukwa mu Baibolo ukwapeelwe imyaka iingi iyapita, ukutila: “Mube abatootela.” (Abena Kolose 3:16) Ukutasha bambi no mutima onse kuleta bucibusa busuma.

Na kabili, nga tuletasha no kukatamika umo no munankwe, tutasha na Yehova, kabili alamone ci. Baibolo itila: “Amenso ya kwa Yehova yalolo ku no ku yalabebeta mu calo conse ku kuilango kuti wa maka ku kwafwa ababa ne mitima ya mpomfu kuli wene.” (2 Imilandu 16:9) Lesa atulaya ukuti alebukisha no kukatamika ukutemwa abantu balanga kwi shina lyakwe. (AbaHebere 6:10) Kwaliba ifintu ifingi ifisuma ifingalenga tutashe pantu iyi mibele ya bukapepa nga ilelangwa cila bushiku, ilatemuna Yehova kabili ilatuletela insansa. Caba nga fintu Amapinda 15:13 yasosa ukuti: “Umutima wa nsansa uwamya pa menso.”