Mwe Bafyashi—Peeleni Abana Benu Ico Bakabila!

ABANA bakabila ukutungululwa no kusalapulwa bwino, maka maka ku bafyashi babo. Pa lwa ici, Tania Zagury, kasambilisha umwina Brazil atile: “Ico umwaice onse afwaya sana musamwe. Calicindama ukumweba umwa kupelela. Abafyashi e bafwile ukucite ci. Nga tabacitile co, abana tabalamwa.”

Lelo, mu fyalo ifingi, ukusonga kwa bantu ba mulekelesha abakatamika ukuisalila ifya kucita kuti kwalenga cakosa ukukonka ukufunda tulandilepo. Lelo, ni kwi abafyashi bengasanga ukwafwa? Abafyashi abatiina Lesa balishiba ukuti abana babo “cikwatwa icafuma kuli Yehova.” (Amalumbo 127:3) E co, bashintilila pa Cebo ca kwa Lesa, Baibolo, ku kubatungulula pa kukusha abana. Ku ca kumwenako, Amapinda 13:24 yatila: “Uushibomba ku nkonto yakwe apato mwana wakwe umwaume; lelo untu amutemwa abangililo kumufunda.”

Ishiwi lya kuti “nkonto” ilyo Baibolo yabomfya talilosha fye ku kupuma; lilanda pa nshila sha kulungikilamo shonse ishingabomfiwa. Cine cine, ilingi ukulanda fye no mwana e kwingapwisha bucintomfwa bwakwe. Amapinda 29:17 yatila: “Salapulo mwana obe, akakulengo kutusha; akalengo mutima obe ukucankwa.”

Pa kuti abana bataluke imibele yabipa bafwile ukusalapulwa bwino. Umufyashi alanga ukuti alasakamana umwana pa kupampamina pa kumulungika kabili ukucite co ne cikuuku. (Amapinda 22:6) E co, mwe bafyashi mwitendwa! Nga mwakonka ukufunda kwa mu Baibolo ukusuma kabili ukubomba, mukateemuna Yehova Lesa kabili abana benu bakamucindika.