Ukubilisha

◼ Ulupapulo lukabomfiwa mu February: Kuti Waikala Kuli Pe na pe muli Paradise Pe Sonde. March: Ukusokolola—Akalume ka Kuko Kakalamba Nakapalama! April na May: Ukulembesha kwa Ulupungu lwa kwa Kalinda. ISHIBENI: Ifilonganino ifikakabila ifitabo fya kampeini ifilumbwilwe pa muulu filingile ukwipusha fyene pali Formu wa Kwipushishapo Ifitabo (S-AB-14) uwa mweshi ukonkelepo.

◼ Kalemba na kangalila wa mulimo balingile ukupituluka mu mibombele ya bapainiya ba nshita yonse bonse. Nga ca kuti abali bonse balekwata amafya mu kukumanisha icifwaikwa ca maawala, baeluda balingile ukutantika pa kuti ukwafwilisha kwingapeelwa. Ku mitubululo, pitulukeni mu makalata ya Sosaite aya October 1, 1993, na November 1, 1992. Na kabili, moneni amaparagrafu 12-20 aya ca mu kati ica Ubutumikishi Bwesu Ubwa Bufumu ubwa October 1986.

◼ Ukusefya kwa Cibukisho kukacitwa pa Cibelushi, March 26, 1994. Nangu ca kuti ilyashi kuti pambi lyatampa mu kubangililako, twapaapaata ibukisheni ukuti ukupishamo kwa mukate wa Cibukisho na waini tafilingile ukutendeka ukufikila pa numa ya kuwa kwa kasuba. Bebeteni intulo sha cikaya ku kupima lintu ukuwa kwa kasuba kucitikako mu ncende yenu. Takuli ukulongana ukuli konse pa mbali ya mulimo wa mwi bala ukuli no kucitwa pali bulya bushiku. Nga ca kuti icilonganino cenu lyonse cikwata ukulongana pa Cibelushi, kuti pambi mwafwaya ukuteulwila uko kulongana ku bushiku bumbi ubwa mu mulungu nga ca kuti Iŋanda ya Bufumu tailebomfiwa.

◼ Bakalanda, nampo nga kufuma mu cilonganino cenu ciine nelyo abatandashi, balingile ukumfwana ne fipimo fyalinga ifya mifwalile ne misakwile. Calisoobolwapo ukuti bakalanda bafwale suti lintu balepeela amalyashi ya cintubwingi. Imifwalile ya kukanasakamana ilingile ukusengaukwa. Nangu cibe fyo, cikabe casuminishiwa ukufwala ijaketi lyapempenkana uko bamunyina tabakwata amasuti.

◼ Bakasabankanya abalefwaya ukubomba nga bapainiya ba kwafwilisha mu March na April balingile ukucita amapekanyo yabo nomba no kwipusha mu kubangilila. Ici cikaafwa baeluda ukucita ukutantika kwa mulimo wa mwi bala no kukwata impapulo shalinga.

◼ Impapulo Ishilipo:

Chichewa: Ukulenga Ubumi bwa Lupwa Lobe ubwa Nsansa; Ukubebeta Amalembo Cila Bushiku—1994; Kalenda ya Nte sha kwa Yehova iya 1994. Cibemba: Ukulenga Ubumi bwa Lupwa Lobe ubwa Nsansa; Ukubebeta Amalembo Cila Bushiku—1994; Kalenda ya Nte sha kwa Yehova iya 1994. IciNgeleshi: New World Translation of the Holy Scriptures (deluxe, bi12, iyakashikila); Ukubebeta Amalembo Cila Bushiku—1994; Kalenda ya Nte sha kwa Yehova iya 1994. Silozi: Ukubebeta Amalembo Cila Bushiku—1994.