Ukupitulukamo kwa Kulemba Ukwe Sukulu lya Butumikishi bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya January 6 ukufika ku April 21, 1997. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo bumo bumo Cine nelyo Bufi:
1. Icilumba kuti caba cipindami ku kwishiba ifilubo fyesu no kupokelela ukufunda. [rs-CW ibu. 406 para. 2]
2. Takwali muntu nangu umo pe sonde uwali na maka ya kulekelele membu ukufikila Yesu afwile no kupayanya icilubula. [Ukubelenga Baibolo ukwa mulungu no mulungu; moneni w96-CW 4/15 ibu. 29]
3. Ukufikilisha Sekaria 9:2-4, Nebukadnesari aonawile Turi umupwilapo. [si-CW ibu. 169 para. 4]
4. Ulubatisho cishininkisho ce pusukilo. [uw-CW ibu. 100 para. 12]
5. Lesa te wa kupeela umulandu pa “tuyofi twa cifyalilwa” utwasobeelwe ukuti twali no kucitika mu kasuba kesu nga fintu fye abasobela imiceele te ba kupeela umulandu ku miceele intu basobela. [rs-CW ibu. 314 amapara. 2-4]
6. Imembu shonse isha bantunse bashapwililika shilafimbwa ku cilubula. [Ukubelenga Baibolo ukwa mulungu no mulungu; moneni w95-CW 12/15 ibu. 29]
7. Pa kati ka “mbushi” shalumbulwa pali Mateo 25:31-46, ishili no kulolenkana no kulimunwa kwa muyayaya, pakaba ifilundwa fyacincila ifya Babele Mukalamba ne ntungulushi sha uko isha mapepo. [Ukubelenga Baibolo ukwa mulungu no mulungu; moneni w95-CW 10/15 ibu. 26 amapara. 13-15]
8. Amashiwi ya kwa Yesu ayalembwa pali Mateo 23:33 yalangilila ukuti bakalemba na baFarise, pamo nga ibumba, baali lubali lwa bufyashi bwa Nsoka. [Ukubelenga Baibolo ukwa mulungu no mulungu; moneni w96-CW 6/1 ibu. 11 para. 11]
9. Ukulekelela bambi kulenga imembu shesu ukulekelelwa kuli Lesa. [Ukubelenga Baibolo ukwa mulungu no mulungu; moneni w94-CW 9/15 ibu. 7]
10. Ulubatisho lwa kwa Yesu mu mfwa lwatendeke mu 29 C.E. kabili talwapwishishiwe ukufikila mu cituntulu afwile no kubuushiwa. [uw-CW ibu. 97 para. 6]
Asukeni ifipusho fyakonkapo:
11. Ni mu mano nshi Ubufumu bwa kwa Yesu bushakonawilwe? (Dan. 7:14) [uw-CW ibu. 86 para. 15]
12. Milimo nshi ibili iyabombelwe na Yesu Kristu yalondololwa pali Sekaria 6:12, 13? [si-CW ibu. 172 para. 25]
13. Mu cifulo ca kulengulula abo pambi twingatontonkanya ifyo kuti bacita ifyafulilako mu mulimo wa Bufumu, cinshi tulingile ukucita pamo nga umuntu umo umo? (Gal. 6:4) [uw-CW ibu. 93 para. 13]
14. Cinshi cintu ukufulunganya umutambu uwitwa Icikuuku kuli Sekaria kwalepilibula? (Seka. 11:7-11) [Ukubelenga Baibolo ukwa mulungu no mulungu; moneni w89-CW 6/15 ibu. 31]
15. Mulandu nshi Lesa ashaelelele Adamu no kulabako fye ku lubembu lwakwe? [rs-CW ibu. 313 para. 2]
16. Ni mu mano nshi “Eliya kasesema” amonekele mu mwanda wa myaka uwa kubalilapo, mu kufikilisha Malaki 4:5? [si-CW ibu. 174 para. 15]
17. Ni shani fintu umuntu engafinsha Lesa? (Mal. 3:8) [Ukubelenga Baibolo ukwa mulungu no mulungu; moneni w95-CW 4/15 ibu. 18 para. 15]
18. Ni pi mwi buuku lya kwa Mateo apo tusanga ukufunda kusuma uko Yesu apeele pa lwa kucimfya amafya yabipisha? [Ukubelenga Baibolo ukwa mulungu no mulungu; moneni w95-CW 7/15 ibu. 22]
19. Ni “ndalama” nshi yalumbulwa mu mulumbe wa kwa Yesu pali Mateo 20:1-16? [Ukubelenga Baibolo ukwa mulungu no mulungu; moneni gt-CW icipa. 97 para. 6]
20. Mulandu shi twingasosela mu kulungama ukuti te kucula kwa muntu konse kulengwa mu kulungatika na Kaseebanya ne fibanda fyakwe? (Amapi. 1:30-33; Gal. 6:7) [rs-CW ibu. 310 para. 1]
Payanyeni ishiwi nelyo amashiwi yalekabilwa ku kupwishishisha ubulondoloshi bwakonkapo bumo bumo:
21. Amalandwe yatatu aya kubalilako ilingi line yetwa ayasosa cimo cine, ukupilibula “ ․․․․․․․․.” [si-CW ibu. 175 para. 3]
22. Nga ca kuti umo uuitunga ukukwata umupashi wa kwa Lesa tatwala ․․․․․․․․ fya mupashi mu bumi bwakwe kabili taisunga uwalubuka ukufuma ku ․․․․․․․․ ne fibelesho fya ciko, ukutunga kwakwe takwakwata ishinte. [rs-CW ibu. 163 para. 5-ibu. 164 para. 1, 2]
23. Abafwa abalandwapo pa Ukusokolola 20:12 bakapingulwa ukulingana ne milimo yabo iyo bakacita ․․․․․․․․ ya kubuushiwa kwabo. Ici cilatwaafwa ukutesekesha ukuti bena nampo nga balefwaya nangu tabalefwaya bali no kubuushiwilwa ku ․․․․․․․․. (Yoh. 5:28, 29) [uw-CW ibu. 75 para. 12]
24. Nangu cingati Yesu tapeelwe ishina lya pa lwakwe ilya kuti ․․․․․․․․ , umulimo wakwe pamo nga umuntunse wafikilishe ․․․․․․․․ bwa ilyo ishina. (Esa. 7:14; Mat. 1:22, 23) [Ukubelenga Baibolo ukwa mulungu no mulungu; moneni w92-CW 1/15 ibu. 22]
25. Pa mulandu wa ․․․․․․․․ abamubombela muli bucishinka, Lesa amona ․․․․․․․․ babo abanono nga aba ․․․․․․․․. (1 Kor. 7:14) [rs-CW ibu. 314 para. 1]
Saleni icasuko calungama mu bulondoloshi bwakonkapo bumo bumo:
26. Kwalibako ubushinino bwa kuti Mateo alembele ibuuku lyakwe mu (ciHebere; ciAramaiki; ciGriki) kabili pa numa ukupilibwila mu (ciHebere; ciAramaiki; ciGriki). [si-CW ibu. 176 para. 6]
27. Icinabwingi ca (bashalapo; ba 144,000) bali mu muulu, kabili (abashalapo; ba 144,000), abacili pe sonde, e bapanga (Ibumba Litungulula; ibumba lya musha wa cishinka kabili uwashilimuka). [uw-CW ibu. 80 para. 7]
28. Lukala Milandu 9:11 atwaafwa ukutesekesha ukuti libili libili abantu balacenwa no kucula pa mulandu wa (kwa Kaseebanya; bantu babipa; kuba nkuma; ukuba mu cifulo calubana pa nshita yalubana). [rs-CW ibu. 311 para. 1]
29. Ulubatisho “mwi shina lya kwa Tata ne lya Mwana ne lya Mupashi wa mushilo” lwatendeke mu (29 C.E.; 33 C.E.; 36 C.E.). (Mat. 28:19) [uw-CW ibu. 98 para. 9]
30. Icilambu ico Yesu alaile abalepokelela abasambi bakwe pamo nga bakasesema, nga fintu calembwa muli Mateo 10:41, caba (mweo wa muyayaya; ukucingililwa kwa bulesa; ukumfwa ubukombe bwa Bufumu). [Ukubelenga Baibolo ukwa mulungu no mulungu; moneni w88-CW 1/1 ibu. 24]
Linganyeni amalembo yakonkapo ku bulondoloshi butantikwe pe samba:
Seka. 4:6; Mat. 4:8-10; Mat. 16:19; Fil. 1:9-11; Heb. 13:5, 6
31. Tulingile ukubomfya ubumi bwesu mu nshila ilanga ukuti mu cituntulu tulomfwikisha ifintu fyacilapo ukucindama. [uw-CW ibu. 91 para. 9]
32. Abakonshi ba cine aba kwa Yesu balakaana ukubimbwa mu milandu ya bupolitiki iya ici calo. [Ukubelenga Baibolo ukwa mulungu no mulungu; moneni w96-CW 5/1 ibu. 12 para. 9]
33. Ukwishiba kwakuma Ubufumu bwa kwa Lesa kwali no kwisula inshila ya ku muulu ku baYuda, abena Samaria, na Bena Fyalo. [Ukubelenga Baibolo ukwa mulungu no mulungu; moneni w91-CW 3/15 ibu. 5]
34. Ukukaanya umulimo wesu uwa kushimikila mwi sonde lyonse kwalicimfiwa, te ku kubombesha kwa buntunse, lelo ku butungulushi no kucingilila kwa kwa Yehova. [Ukubelenga Baibolo ukwa mulungu no mulungu; moneni w94-CW 8/15 ibu. 17 para. 4]
35. Te mulandu no kunina kwa mitengo no kubulwa incito ukwaanana, Yehova akashininkisha ukuti natukwata fintu tulekabila mu cine cine. [uw-CW ibu. 89 para. 6]