Ukubilisha

◼ Ifya kutambika mu October: Ukulembesha Ulupungu lwa kwa Kalinda nelyo Loleni! nangu bamagazini bonse babili. Ukutampa pa October 12, trakiti wa Imbila ya Bufumu Na. 35 ali no kwananishiwa. November: Ukwananya trakiti kukatwalilila. Ifilonganino ifyapwisha ififulo fyabo ukupitila mu kupeelako ababa mu ng’anda imo na imo trakiti wa Imbila ya Bufumu Na. 35 kuti batambika icitabo ca Ukwishiba. December: Baibolo wa New World Translation ne citabo ca Baibolo—Cebo ca kwa Lesa Nelyo ca Muntu? January: Ifitabo fya mabula 192 ifili fyonse ifyasabankanishiwe pa ntanshi ya 1985 ifyo icilonganino cikwete. Ifilonganino ifishikweteko ifyo fitabo kuti fyatambika cimo pali fi fyakonkapo pa mutengo wa K1,000.00, True Peace and Security—How Can You Find It? Abaikatana mu Kupepa Lesa Umo Eka Uwa Cine nelyo Umutelelwe wa mu Kusalala kwa Calo pe Samba lya kwa “Cilolo wa Mutende.”

◼ “Ukutantika Isukulu lya Butumikishi bwa Teokrasi Ukwa 1998” e ca mu kati muli buno Ubutumikishi Bwesu Ubwa Bufumu, e ico mukacisunge no kucibomfya mu mwaka onse uwa 1998.

◼ Apantu umweshi wa November ukakwata imilungu ituntulu isano, napamo kuti yaba ni nshita isuma ku bengi ukubombako bupainiya bwa kwafwilisha.

◼ Inshita sha kulongana isha filonganino ifingi shili no kwaluka pa January 1. E co, kuti cakabilwa ukubilisha inshita sha kulongana ishipya.

◼ Kalemba alingile ukushininkisha ukuti lipoti wa mulimo wa cila mweshi natwalwa apafikila ifitabo nelyo ukutumwa ku Sosaite mupepi no bushiku bwalenga 6 cila mweshi.

◼ Kangalila wa kutangilila alingile ukwipusha kalemba ifyakonkapo: Bushe bakasabankanya bamo balikuuka ukufuma mu cilonganino nomba line? Bushe kalata yalitumwa kuli baeluda mu cilonganino bayako pa kuti aba bakasabankanya bengapokelelwa no kwafwiwa kuli bamunyina baba kulya? Bushe bakasabankanya abali bonse balikuukila mu cilonganino cenu nomba line? Bushe kalemba alilembela bakalemba ba filonganino baafumineko? Bushe icalembwa ca bukasabankanya calitumwa?

◼ Ifilonganino filingile ukutendeka ukuorda Ukubebeta Amalembo Cila Bushiku—1998 pali orda wabo uwa fitabo uwa October. Utu tutabo tukabako mu Cibemba, iciChewa, iciLozi, iciLubale, iciNgeleshi ne ciTonga. Utu tutabo twaba mu mpapulo sha kuorda kwaibela. Pa mitande ya kulongelapo ifitabo iya filonganino pakalalembwa ati “Pa numa” ukufikila mwatuminwa utu tutabo.

◼ Impapulo Ishilipo:

Icitabo ca Kutungulula Isukulu lya Butumikishi bwa Teokrasi—IciNgeleshi

Ukupelulula Ukufuma Mu Malembo—IciNgeleshi

AmaPost Card (Cd-10)