Ukubilisha

◼ Ulupapulo lwa kutambika mu April na May: Kampeni wa kulembesha Ulupungu lwa kwa Kalinda. Tambikeni broshuwa wa Cintu Lesa Afwaya ku balefwaya ukusambilila icine, kabili tukuteni ukutampa amasambililo ya Baibolo aya mu ng’anda. Ifilonganino ificili ne fitabo fya Kuti Waikala, filingile ukubombesha ukupwisha ifi fitabo pa musangulo wa K1,500 icikalamba na K750 icinono. June: Ukwishiba Uko Kutungulula ku Mweo wa Muyayaya. July na August: Ayali yonse pali aya mabroshuwa ya mabula 32 kuti yabomfiwa: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi—Ni Shani Fintu Wingaisanga?, Cinshi Cicitika Nga Twafwa?, Ilyo Untu Watemwa Afwa, Ipakishe Ubumi pe Sonde kuli Pe na Pe! na Kamfulumende Iikaleta Paradise. Nga cingalinga kuti mwatambika aya mabroshuwa A Book for All People, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Our Problems—Who Will Help Us Solve Them?, na Will There Ever Be a World Without War?

◼ Bakasabankanya kuti batambika icitabo ca Ukwishiba na Cintu Lesa Afwaya lintu balebombela ukuli ukukabila kukalamba. Kuti mwatambika ulupapulo ululi lonse nga ca kuti mwine ng’anda kale kale alikwata ishi mpapulo shibili. Bonse balingile ukusenda amatrakiti yapusanapusana aya kusha pa bashili pa mayanda nelyo abo abashipokako ifitabo. Mulingile ukubombesha ukubwelela ku balefwaisha ukusambilila icine.

◼ Kuli bakangalila ba kutangilila: Tulemulaalika ukutumina Sosaite ifya kukumanya fyonse ifyo aba mu cilonganino cenu bakumenye mu mwaka, ne fya pali bupainiya bwa kwafwilisha. Twapaapaata tumeni ifi fya kukumanya mu mweshi ukonkelepo uwa May. Twapaapaata mwilaba kutweba fimo pa lwa uleshimika ifya kukumanya nampo nga ni kasabankanya wa lyonse kabili aba ca kumwenako pa cilonganino, twebeni ishina lyakwe ne lya cilonganino abamo. Inshiku ico ca kukumanya cacitike, amashina ya fifulo na bantu balumbwilwe mu ca kukumanya, ne shina lya kwa kangalila wa kutangilila filingile ukulembwa mu kukumanina.

◼ Kangalila wa kutangilila afwile ukubebeta capamo na kalemba ifyakonkapo: Bushe kuli bakasabankanya abakuuka ukufuma mu cilonganino nomba line? Bushe kalata alitumwa ku cilonganino ukwaya bakasabankanya pa kuti bengasengelwa no kwaafwiwa na bamunyina kulya? Bushe kuli bakasabankanya abakuukila mu cilonganino cenu nomba line? Bushe kalemba alilembeshanya na kalemba wa cilonganino ico bafumineko? Bushe ifyalembwa fya bukasabankanya fyalitumwa?

◼ Sosaite ilakabila ukulakwata akeyala na manambala ya telefoni ifya ndakai ifya bakangalila ba kutangilila na bakalemba bonse. Nga ca kuti ifi fyayalulwa inshita iili yonse, kalemba alingile ukwisushisha no kutuma bwangu bwangu ku Sosaite formu wa (S-29) uwa Ukwalula Akeyala ka kwa Kangalila wa Kutangilila nelyo Kalemba.

◼ Bakalemba ba mu filonganino balecinkulwako ukutuma amalipoti ya mulimo wa mwi bala (S-1) bwangu bwangu ku Sosaite.

◼ Impapulo Shilipo:

Umuntu Wakulisha Uwabalile Abako uwa Mweo—mu Chitonga

◼ Amakaseti ya Vidio Ayalipo:

Jehovah’s Witnesses—The Organization Behind the Name—mu ciNgeleshi

Noah—He Walked with God—mu ciNgeleshi

◼ Kaseti wa Cilangililo Cipya Uulipo:

Mwe Ndupwa—Lekeni Imikalile Yenu Ibe ya Kubelenga Baibolo Cila Bushiku!—mu ciNgeleshi