Ukubilisha

◼ Ulupapulo lwa kutambika mu January: Icitabo icili conse ica mabula 192 icasabankanishiwe ilyo 1986 ishilafika ico mukwete pa cilonganino. Ifilonganino ifishikwete ifitabo fya musango yo kuti fyatambika icitabo ca Umutelelwe wa mu Kusalala kwa Calo pe Samba lya kwa “Cilolo wa Mutende,” mu ciNgeleshi; Ukukutika kuli Kasambilisha Mukalamba, “Ubufumu Bwenu Bwise,” Baibolo—Cebo ca kwa Lesa Nelyo ca Muntu? mu Cibemba; True Peace and Security—How Can You Find It?, Ubwaice Bobe—Ukukwatilamo Ifyawamisha mu ciLozi; Abaikatana mu Kupepa Lesa Umo Eka Uwa Cine mu Cibemba, mu ciChewa, na mu ciLozi. Ifilonganino ifishikwete ifi fitabo kuti fyatambika ica Life—How Did It Get Here? By Evolution or by Creation? nelyo ica Kuti Waikala Kuli Pe na pe muli Paradise Pe Sonde. February: Icaba Inkaama ku Nsansa sha Lupwa. March: Ukwishiba Uko Kutungulula ku Mweo wa Muyayaya. Kukaba ukupoosako amano ku kutendeka amasambililo ya Baibolo aya mu ng’anda. April: Ukushalika bamagazini ba Ulupungu lwa kwa Kalinda na Loleni! Sendeni na broshuwa wa Cintu Lesa Afwaya ku kutambika abalefwaya ukusambilila icine, kabili pooseniko amano ku kutendeka amasambililo ya Baibolo aya mu ng’anda.

◼ Bakasabankanya bonse ababatishiwa abakasangwa ku Kulongana kwa Mulimo umulungu wa January 10 bakapoka amakardi ya Advance Medical Directive/Release na ma Identity Card aya bana babo.

◼ Ukutendeka mu February, kabili te kucila pa March 5, ilyashi lipya ilya cintubwingi ilikalalandwa na bakangalila ba muputule lileti: “Armagedone ya Cine Cine—Mulandu Nshi Ikeshila? Ikesa Lilali?”

◼ Ifilonganino fifwile ukupekanya bwino bwino ifya kusefya Icibukisho uno mwaka pali Citatu, April 19, cilya akasuba kawa. Nangu cingati ilyashi kuti lyatendeka mu kubangilila, ukupishamo ifimpashanya fya Cibukisho takulingile ukutendeka ukufikila akasuba kawa. Ipusheni abalashi uko mwikala bamwebe inshita akasuba kawilapo. Nangu line cisuma ku cilonganino cimo na cimo ukuisefesha Icibukisho pa lwabo, nalimo ici te lyonse cingabomba. Ifilonganino ifingi ifibomfya Ing’anda ya Bufumu imo, nalimo icilonganino cimo nelyo ifingi kuti fyaashima ifikuulwa fimbi ifya kusefeshamo Icibukisho cilya cungulo bushiku. Nga kuti cabomba pa mwenu, kuti cawama nga mwatantika ukutendeka programu wenu pa numa ya baminiti 40 ukufuma apo bambi bakafuminamo, pa kuti mukabeko ne nshita ya kuposhanya na beni, ukukoselesha abapya abalefwaya ukusambilila icine, ku kumwenamo nga nshi muli uku kulongana. Mufwile ukupekanya bwino aba kulangilila fintu bamotoka bafwile ukwenda no kwimikwa, na pa kuselukila no kuninina ku baleisa ku Cibukisho. Baeluda bakapingulapo imitantikile iingabomba bwino ku mwenu.

◼ Ilyashi lya cintubwingi ilyaibela ilya mu nshita ya Cibukisho mu 2000 likalandwa pa Mulungu, April 16. Likaba no mutwe uuleti: “Umulandu Abantunse Bakabila Icilubula.” Autulaini akatumwa. Ifilonganino ifikaba no mulungu waibela, ukulongana kwa muputule, nelyo ubushiku bwa kulongana kwaibela, fikalanda ili lyashi umulungu ukakonkapo. Takuli icilonganino icilingile ukulanda ilyashi lyaibela ilyo April 16, 2000 ishilafika.

◼ Impapulo Ishilipo:

Ubufumu Bwenu Bwise—mu Cibemba

Ukukutika kuli Kasambilisha Mukalamba—mu Cibemba

Ukulenga Ubumi bwa Lupwa Lobe Ubwa Nsansa—mu ciChewa

Ukupusunsuka Ukwingila mwi Sonde Lipya—mu ciChewa na mu ciLozi

Baibolo—Cebo ca Lesa Nelyo ca Muntu?—mu Cibemba

Icine Icitungulula ku Bumi bwa Ciyayaya—mu ciLubale

Umutende wa Cine no Mutelelwe—Ufuma ku Ntulo Nshi?—mu ciChewa na mu ciLozi

Umutelelwe wa mu Kusalala kwa Calo pe Samba lya kwa “Cilolo wa Mutende”—mu Cibemba, mu ciLozi, na mu ciNgeleshi

Abaikatana mu Kupepa Lesa Umo Eka Uwa Cine—mu Cibemba, mu ciChewa, na mu ciLozi

Ubwaice Bobe—Ukukwatilamo Ifyawamisha!—mu ciLozi