Ukubilisha
◼ Impapulo sha kutambika mu October: Bamagazini ba Ulupungu lwa kwa Kalinda na Loleni! Kuti mwatambika no kulembesha pa fipempu fya kubwelelamo. Ukutendeka mu milungu ya kulekeleshako ibili iya mu October, kukaba ukwananya trakiti wa Imbila ya Bufumu Na. 36, uuleti “Bushe Iyi Myaka 1,000 Iipya, Finshi Imukwatile?” November: Ukwananya trakiti wa Imbila ya Bufumu Na. 36 kukatwalilila. Ifilonganino ifyapwisha ukwananya trakiti wa Imbila ya Bufumu Na. 36 mu cifulo cabo ica kubombelamo pa kufika pa bene mayanda pa ng’anda imo na imo kuti batambika na broshuwa wa Cintu Lesa Afwaya nelyo icitabo ca Ukwishiba. Nga ca kuti abantu kale kale balikwata ifi, kuti mwabomfya ifitabo fya Ikala Kuli Pe na pe nelyo ica Creation. December: Ukwishiba Uko Kutungulula ku Mweo wa Muyayaya na New World Translation. January: Ifitabo ifili fyonse ifya mabula 192 ifyasabankanishiwe ilyo 1986 ishilafika nga e po fili pa cilonganino. Ifilonganino ifikwete icitabo ca Ukusapika Lesa Ukwa Mutundu wa Muntu kuti fyashalika.
◼ “Ukutantika kwe Sukulu lya Butumikishi bwa Teokrasi Ukwa mu 2001” e ca mu kati ka buno Ubutumikishi Bwesu Ubwa Bufumu kabili mufwile ukucisunga bwino pa kuti mukaleloshako umwaka onse uwa 2001.
◼ Nga ca kuti inshita ya kulongana kwa cilonganino cenu ikaluka pa January 1, kalemba afwile ukwishibisha Sosaite ulwa kwaluka kwa nshita ukupitila mu kwisushisha formu wa Ifyebo pa lwa Kulongana kwa Cilonganino (S-5).
◼ Ifilonganino kuti fyatendeka ukutuma amaorda ya Ilembo lya mwaka wa 2001 ukupitila muli Sosaite. Akampani kamo fi e kalepulinta kabili lili mu misango ibili. Ilikwatishe umutengo ni K10,000.00 kabili lyapulintwa pa cipepala ca plastiki icaikwatila glu. Ilicepeleko umutengo ni K2,500.00 kabili lyapulintwa pa cipepala fye icishakwata glu. Yafwile ukuordwa pali kabokonshinkanya ukubomfya formu wa S-20, no kulangilila bwino ati “Ilembo lya Mwaka” pa mulaini uibelele kabili langilileni bwino no lulimi. MWI ORDELA PALI S-14. Ilembo lya mwaka likabako mu Chichewa, mu ciTonga, mu Cibemba, mu ciNgeleshi, mu ciLubale, na mu ciLozi. Tuletubulula ukuti ifilonganino fyonse fikabike ilembo lipya ilya mwaka pa January 1, 2001. Ifilonganino kuti fyaordako fye ilembo lya mwaka limo muli cila lulimi. Nga ca kuti ifilonganino fya ndimi shapusana fibomfya Ing’anda ya Bufumu imo ine, kuti baorda ilembo lya mwaka limo cila lulimi.
◼ AmaBaibolo: Sosaite nayumfwana na ba Bible Society ukulapokako fye amaBaibolo ya ciChewa. Aya maBaibolo te ya kushalika mu mulimo wa mwi bala. Fipe fya kuorda mu kuibela ififwile ukuordwa fye nga ca kuti kuli bakasabankanya abaleyafwaya. Uko e kuti te kampanya afwile ukulanda ifilingile ukuordwa, lelo akaorda fye impendwa ipushiwe. Bakasabankanya na basambi ba Baibolo abalunduluka abengabelenga kabili abasangwa ku kulongana kuti bapokako aya maBaibolo mu musango umo wine uwa kusangwilako ukulingana na maka yabo. Ukufikila kukabe ukucitapo cimo ku maBaibolo yashala aya mu ndimi sha cikaya, ukubilisha kwali mu Ubutumikishi Bwesu Ubwa Bufumu ubwa April 2000 pa lwa ‘kulashita amaBaibolo ku bashitisha mu misebo na mu matuuka’ kucili fye filya fine.
◼ Ifipe fya kuorda mu kuibela: Ifi filesanshamo amakaseti ya vidio, ama CD, amaBaibolo ya lulimi lushili lwa cikaya ayashipulintwa na Sosaite, e lyo ne fipe fya kuorda mu kuibela ifya lyonse. Ifi fibombelwapo mu nshila imo ine ifitabo fya Insight ne citabo ca Proclaimers fibombelwamo, uko e kuti fiba fitabo fyalamwa ifishilingile ukushalikwa mwi bala nge fyo ciba ku fitabo fimbi. Ifitabo fya kuorda mu kuibela fifwile ukupeelwa apo pene ku cilonganino caordele icikapeela na co ku baordele. Tafifwile ukubomfiwa ku cilonganino cimbi, kano fye nga ca kuti ico cilonganino tacilefikabila. Cila cilonganino cifwile cakwatapo pamo apa kubika ifitabo fya kuorda mu kuibela.
◼ AmaKalenda ya mu 2001: Ukubilisha kwa mu Ubutumikishi Bwesu Ubwa Bufumu ubwa mu September 2000 kwalelangilila ukuti pa ndimi shimbi umo kalenda wa mu 2001 akaba pali ne ciTonga, ciKaonde, iciLubale ne ciLozi. Ishibeni ukuti tayakasabanakanishiwe muli ishi ndimi. Abakatuma amaorda ya ciTonga bakapokelela amakalenda ya Chichewa, abakatuma amaorda ya ciKaonde ne ciLubale bakapokelela amakalenda ya Cibemba, e lyo abakatuma amaorda ya ciLozi bakapokelela amakalenda ya ciNgeleshi.
◼ Ukutendeka mu mulungu wa February 5, 2001, tukalasambilila icitabo ca Icaba Inkaama ku Nsansa sha Lupwa pa Masambililo ya Citabo pa Cilonganino. Ifilonganino ifilekabila ifi fitabo kuti fyaorda fyene pali orda wa mweshi ukonkelepo.
◼ Ifilonganino fifwile ukutendeka ukuorda akatabo ka Ukubebeta Amalembo Cila Bushiku aka mwaka wa 2001 capamo na orda wabo uwa fitabo uwa mu October. Ututabo tukaba mu Chichewa, mu ciTonga, mu Cibemba, mu ciLubale, iciLozi na mu ciSwahili. Ukufikila ilyo utu tutabo tukabako no kutumwa, twakulamoneka pa mutande wa kulongelapo ifitabo ukuti “Ifikesa pa numa.” Ututabo twa Ukubebeta Amalembo Cila Bushiku ni mpapulo sha kuorda mu kuibela. Impapulo sha kuorda mu kuibela shifwile ukuordwa fye nga ca kuti umo aipusha icilonganino ukumuordelako. Mu nshila imbi, Umubomfi wa fitabo te kuti aordeleko icilonganino ifitabo ifingi. Kuti aordako fye ifyo abantu balefwaya ukuti icilonganino cibaordele. Kanshi kufwile kwaba ukusunga bwino ifyalembwa fya bakasabankanya bonse abaordesheko impapulo. (Moneni Akatabo Kalondolola Ifya Kuorda Impapulo sha Watchtower, Iciputulwa 3, ibula 1) TULEKOSELESHA ONSE UWA MU LUPWA UKUIKWATILA AKA KATABO, UKUSANSHAKO FYE NA BANA ABENGABELENGA.
◼ Bakalemba bafwile ukukwata amaformu yalinga aya bapainiya ayakonkapo: Amaformu ya Ukwipusha kwa Mulimo wa Bupainiya bwa Nshita Yonse (S-205), na ya Ukwipusha Umulimo wa Bupainiya bwa Kwafwilisha (S-205b). Aya maformu kuti yaordwa pali Literature Request Form (S-14). Mufwile ukukwata amaformu ya kubomfya umwaka onse. Pitulukeni muli formu ya uleipusha bupainiya bwa nshita yonse ukumona nga naisushiwa bwino. Nga ca kuti abaleipusha bupainiya te kuti bebukishe ubushiku babatishiwepo, bafwile ukutunganya fye no kubulemba pamo pa kuti bekalaba.
◼ Bakabomba ba Kuitemenwa na Bambi Balekabilwa: Umulimo wa makuule ya Mayanda ya Bufumu mu Zambia uleilako fye pa muulu. Amabumba ya bakakuula yalipangwa ku Copperbelt, ku Mansa, ku Kasama, na ku Chipata. Aya mabumba yakulakabila ubwafwilisho ukufuma kuli bakasabankanya babatishiwa abasambilila imilimo imo kabili aba ca kumwenako cisuma mu cilonganino. Tulekoselesha aba musango yo ukuitemenwa no kulayafwilishako muli uyu mulimo ushaikulila. Bonse abasambilila imilimo ya makuule capamo na bashasambilila iyo milimo balefwaikwa. Abengaitemenwa kuti bapoka amaformu kuli kangalila we bumba lya makuule, nelyo kuli kangalila wa kutangilila nelyo kalemba uwa mu cilonganino cabo no kulangilila imyaka babomba pa ncito iili yonse. Aba kuti baba ni balya basambilila ifya busalufeya, abaishiba ifya kucingilila amasanso ya pa ncito, abaishiba ifya kusunga no kupenda ifipe, abaishiba ifya kusunga ifipendo fya ndalama, na baishiba ifya kubombela pa mapepala ya fya mwi funde. Nga ca kuti tamukwete amaformu, kalemba kuti aorda yene capamo na maorda ya fitabo ayatumwa ku Sosaite.
◼ Impapulo Ishilipo:
Magazini File Case
Icaba Inkaama ku Nsansa sha Lupwa—iciNgeleshi
◼ Kaseti wa Vidio Umupya Uulipo:
Our Whole Association of Brothers—iciNgeleshi