Ukubilisha

◼ Impapulo sha kutambika mu January: Ifitabo ifili fyonse ifya mabula 192 ifyasabankanishiwe ilyo 1986 ishilafika ifyo icilonganino cenu cikwete. Ifilonganino fikwete icitabo ca Ukusapika Lesa Ukwa Mutundu wa Muntu kuti fyashalika. February: Life—How Did It Get Here? By Evolution or by Creation?, Ukusokolola—Akalume ka Kuko Kakalamba Nakapalama!, nelyo icitabo conse ica mabula 192 ico icilonganino cikwete. March: Ukwishiba Uko Kutungulula ku Mweo wa Muyayaya. Kukaba ukubombesha kwaibela ku kutendeka amasambililo ya Baibolo aya pa ng’anda. April: Bamagazini ba Ulupungu lwa kwa Kalinda na Loleni! Lintu mwabwelelamo ku balefwaya icine, tambikeni icitabo ca Ukwishiba nelyo broshuwa wa Cintu Lesa Afwaya, pa kuti mutendeke amasambililo ya Baibolo.

◼ Bonse bakasabankanya babatishiwa abakasangwa ku Kulongana kwa Mulimo mu mulungu wa February 5 bakapoka Advance Medical Directive/Release kardi na Identity Card uwa bana babo.

◼ Ukutendeka mu February, kabili te kucila pa March 4, umutwe wa lyashi uupya uo bakangalila ba muputule bakalalandapo uleti “Ubushiku Bwa Bupingushi—Bushe Bukaba Bwa Kutiinya Nelyo bwa Kupeela Isubilo?”

◼ Ifilonganino filingile ukupekanya bwino bwino ukusefya Icibukisho uno mwaka pa Mulungu, April 8, pa numa ya kuwa kwa kasuba. Nangu ca kutila ilyashi nalimo kuti lyatendeka mu kubangilila, ukupishamo ifimpashanya fya Cibukisho kufwile ukutendeka cilya akasuba kawa. Ipusheni abalolekesha pa miceele mu ncende mwikala bamwebe lintu akasuba kakawa. Apo takwakabe ukulongana kumbi kano fye ukukumana kwa kuya mu mulimo wa mwi bala pali ubu bushiku, mulingile ukuteulula Isambililo lya Ulupungu lwa kwa Kalinda ukutungululwa ubushiku bumbi. Bakangalila ba muputule bakakabila ukuteulula ukulongana kwa uyo mulungu ukulingana ne ncende baliko. Nangu ca kutila cilawama cila cilonganino ukuikwatila ceka Icibukisho, te lyonse ici cingacitika. Uko ifilonganino ifingi fibomfya Ing’anda ya Bufumu imo ine, nalimo icilonganino cimo nelyo ifyafulilako kuti fyabomfya icikuulwa cimbi ico cungulo bushiku. Uko cingacitika, tuletubulula ukuti lintu icilonganino cimo cafumamo pafwile ukupita amaminiti 40 no kucilapo pa kuti bonse bengamwenamo pali aka kashita, ku kuleka kube inshita ya kuposhanya na beni no kukoselesha abalesekelela abapya. Mulingile no kusakamana sana imyendele ya bamotoka na pa kubasungila, kumo fye na pa kwikila e lyo na pa kusenda abantu. Ibumba lya baeluda lifwile ukusalapo amapekanyo yengabomba mu ncende bekalamo.

◼ Impapulo shilipo:

Icaba Inkaama ku Nsansa sha Lupwa—mu Cibemba

Ukwishiba Uko Kutungulula ku Mweo wa Muyayaya—mu Cibemba, muli ciKaonde, mu ciLozi, na mu ciTonga

Icitabo cinono ica Imbileni Yehova Amalumbo—iciNgeleshi

Icitabo ca Kutungulula Isukulu lya Butumikishi bwa Teokrasi—mu Cibemba

Cinshi Cintu Lesa Afwaya Kuli Ifwe?—IciChewa, iciTonga, Icibemba, ici- Ngeleshi, ciKaonde, iciLubale, iciLozi

◼ Amatepu Ayapya aya mu Cilimba Ayalipo:

Warning Examples (Icilangililo, tepu umo)—iciNgeleshi