Ukubilisha

◼ Impapulo sha kutambika mu September: Tambikeni ifitabo ifili fyonse ifya kale ifyo icilonganino cikwete. October: Ulupungu lwa kwa Kalinda na Loleni! Mu November: Cinshi Cintu Lesa Afwaya Kuli Ifwe? nelyo Ukwishiba Uko Kutungulula ku Mweo wa Muyayaya. Abantu nga balikwata kale ishi mpapulo shibili, kuti twashalika icitabo ca Ukusapika Lesa Ukwa Mutundu wa Muntu nelyo icitabo cimbi ica kaleko. Mu December: Umuntu Wakulisha Uwabalile Abako Uwa Mweo. Nga tamukwete ici, kuti mwashalika Icitabo Candi Ica Malyashi ya mu Baibolo, Baibolo—Cebo ca kwa Lesa Nelyo ca Muntu?, nelyo Kuti Waikala Kuli Pe na pe muli Paradise pe Sonde.

◼ Tulefwaya ukuti bapainiya ba nshita yonse abatendeke pa October 1, 2000 nelyo abatendeke kale, abashasangwa ku Sukulu lya Mulimo wa Bupainiya beshibile libela ukuti isukulu likabako ukutendeka pa October 1 ukufika pa 14, 2001. Shi pekanishisheni libela ukusangwa ku Sukulu lya Mulimo wa Bupainiya mu October, kabili ibukisheni ukuti uku kuteyanya kwafuma kuli Yehova. Kangalila wa muputule akamwebako ifyebo na fimbi.

◼ Ukutendeka uno mwaka, bapainiya ba nshita yonse abashilakumanya imyaka 16 pa bushiku bwa September 1 mu mwaka uo bafwile ukusangwa ku Sukulu lya Mulimo wa Bupainiya, tabakulasangwako. Kano fye nga ca kutila umufyashi wa uyo mwana uuli ni painiya wa nshita yonse na o wine alesangwa kwi sukulu mwi kalasi limo line.

◼ Baeluda balecinkulwako ukukonka ifyebo fyaba mu Ulupungu lwa kwa Kalinda ulwa April 15, 1991, amabula 21-23, ukulosha ku bantu batamfiwa nelyo abaifumya abalemoneka ukulemenena ku kufwaya ukubweshiwa.

◼ Sosaite taibombela pali orda wa fitabo uwa kwa kasabankanya umo umo pa lwakwe. Kangalila wa kutangilila afwile ukushininkisha ukuti cila mweshi kuleba ukubilisha ilyo icilonganino tacilatuma formu wa kuorda impapulo ku Sosaite pa kuti bonse abalefwaya ukupokelela ifitabo bebe uusakamana ifitabo. Kuti cawama muleibukisha impapulo ishaba fipe fyalamwa.

◼ Amafunde ya National Registration Regulations yatila bonse abena Zambia abali ne myaka 16, nelyo abafisha imyaka 16 nelyo ukucilapo lelo abashaishiba ubushiku bafyelwe balingile ukuya kwi ofeshi lya National Registration Office ilyabela mupepi no ko bekalila pa kuti bakopwe akakope. Na balealula ishina na bo bene bafwile ukuyakopwa. Bonse abalingile ukuyakopwa bafwile ukuya bwangu, kabili balingile ukumona ici nge cintu ico Abena Kristu bafwile ukucita kuli bakateka bacilamo. Baeluda na bafyashi bakafwaya ukwibukisha ici no kucinkulako bamunyinefwe ne nkashi abacaice abalepalamina ku mushinku wa myaka 16.

◼ Waini wa pa Cibukisho: Ifilonganino fyabela mu mishi kuti fyaorda waini ino ine nshita. Tumeni S-20 apali indalama sha waini sheka. Lembenipo pa mupelwa umo fye mu kumonekesha ukuti “INDALAMA SHA WAINI.” MWIKATUMA kalata nelyo S-14, mukatume fye S-20 yeka. Takwakabe ukumutumina waini nga tamwakatume orda wenu pamo ne ndalama. Umutengo wa kabotolo ka bukulu bwa 200ml ni K2,000.00. Ubushiku bwa kupelako ukubombela pa maorda ya waini ni pa December 31, 2001. Tukamutumina waini mu February 2002.

◼ Impapulo Shipya Ishilipo:

Watch Tower Publications Index 1986-2000—mu Cingeleshi

◼ Amavidio Yapya Ayalipo:

The Greatest Man Who Ever Lived—On Videocassette, Volume 1—Muli American Sign Language