Ukubilisha
◼ Ulupapulo lwa kutambika mu October: Ulupungu lwa kwa Kalinda na Loleni! November: Cinshi Cintu Lesa Afwaya Kuli Ifwe? nelyo Ukwishiba Uko Kutungulula ku Mweo wa Muyayaya. Nga ca kuti abantu balikwata ishi mpapulo kale, kuti mwatambika icitabo ca Ukusapika Lesa Ukwa Mutundu wa Muntu nelyo ulupapulo lumbi ulwa kale. December: Umuntu Wakulisha Uwabalile Abako Uwa Mweo. Nga tamukwete ulu lupapulo kuti mwatambika: Icitabo Candi ca Malyashi ya mu Baibolo, Baibolo Cebo ca kwa Lesa Nelyo ca Muntu?, nelyo Kuti Waikala Kuli Pe na pe muli Paradise Pe Sonde. January: Ifitabo fyonse ifya mabula 192 ifya sabankanishiwe ilyo umwaka wa 1987 ushilafika ifyo icilonganino cikwete. Ifilonganino ifikwete icitabo ca Ukusapika Lesa Ukwa Mutundu wa Muntu kuti fyatambika ici citabo.
◼ “Ukutantika Isukulu lya Butumikishi bwa Teokrasi mu 2002” e ca mu kati cili muli buno Ubutumikishi Bwesu Ubwa Bufumu kabili mufwile ukucisunga bwino pa kuti mukalemonapo umwaka onse uwa 2002.
◼ Nga ca kutila mukalula inshita mulongana pa 1 January, kalemba wa cilonganino cenu afwile ukwishibisha iofeshi linono ilya Nte sha kwa Yehova pa lwa uko kwaluka pa kutuma formu wa Congregation Meeting Information form (S-5).
◼ Ukwamba mu January 2002, magazini wa Loleni! uwa mu Cibemba akalafuma umo pa myeshi itatu, takalefuma cila mweshi. Magazini afuma umo pa myeshi itatu alembwapo ati January-March, April-June, July-September, na October-December. Uku kwaluka kukalenga ukuti ifipande fikalabamo fikabe ifyalinga kuli bakabelenga besu abengi. Iofeshi linono ilya Nte sha kwa Yehova likalatuma Loleni! ku filonganino umuku umo mu myeshi itatu te cila mweshi.
◼ Kuti mwatendeka ukuorda icipampa calembwapo ilembo lya mwaka wa 2002. Kuli imisango ibili iya fipampa. Icipampa cilumineko umutengo cileshitwa pali K10,000.00 kabili cena nacikwata ne fya kukambatikilako e lyo icicepeleko umutengo cileshitwa pali K2,500.00 kabili tacakwata ifya kukambatikilako. Kuti mwaorda ifi fipampa no kutumina indalama pali formu wa S-20, lembeni bwino ukuti “Ilembo lya Mwaka” libe pa mupelwa lyeka kabili lembenipo no lulimi. MWIORDELA PALI FORMU WA S-14. Imisango yonse ibili iya fipampa fye lembo lya mwaka ikabako mu ciChewa, mu Cibemba na mu ciNgeleshi. Mu ciTonga mukaba fye icipampa ca mutengo uukulu (K10,000.00), mu ciLozi cikabako fye ica mutengo unono (K2,500.00). Mu ciLubale mwena tamwakabe icipampa nelyo cimo ice lembo lya mwaka wa 2002. Tuletubulula ukuti ifilonganino fyonse fikakambatike ilembo lya mwaka upya pa January 1, 2002. Ifilonganino kuti fyaorda fye icipampa cimo fye mu lulimi lumo. Nga ca kutila ifilonganino fibomfya Ing’anda ya Bufumu filanda indimi shapusana, kuti baorda icipampa cilefwaikwa cimo mu lulimi lumo na lumo.
◼ Ifilonganino fifwile ukutendeka ukuorda akatabo ka Ukubebeta Amalembo Cila Bushiku aka mwaka wa 2002 pamo pene na orda wabo uwa fitabo uwa mu October. Akatabo kakaba mu ciChewa, mu ciTonga, mu Cibemba, mu ciNgeleshi, mu ciLubale, mu ciLozi, na mu ciSwahili. Ukufikila ilyo aka katabo kakabako no kutumwa, pa mutande wa kulongelapo ifitabo bakulalembapo fye ukuti “Ifikesa pa numa.” Akatabo ka Ukubebeta Amalembo Cila bushiku lupapulo lwa kuorda mu kuibela. Impapulo sha kuorda mu kuibela shifwile ukuordwa fye nga ca kuti umo aipusha icilonganino ukumuordelako; umubomfi wa fitabo te kuti aordeleko icilonganino ifitabo ifingi. Kanshi kufwile kwaba ukusunga bwino apo mwalemba bonse abaordeleko ulu lupapulo. (Moneni Akatabo kalondolola Ifya Kuorda Impapulo sha Watch Tower, Iciputulwa 3.)
◼ Impapulo Shipya Ishilipo:
Knowledge That Leads to Everlasting Life—Large Print (kl-lp-E)—Mu ciNgeleshi
◼ Amatepu ya vidio Ayapya Ayalipo:
Faithful Under Trials—Jehovah’s Witnesses in the Soviet Union—Mu ciNgeleshi
The Greatest Man Who Ever Lived—On Videocassette, Volyumu 2—mu Lulimi lwa ba Cibulu Ulwa Cina Amerika