Ukupitulukamo Kwa Kulemba Ukwe Sukulu Lya Butumikishi Bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya September 3 ukufika ku December 24, 2001. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo Cine nelyo Bufi:
1. Apo icitetekelo cisabo ca mupashi wa kwa Lesa, abashakwata icitetekelo tabafwaya uyo mupashi, nelyo baufwaya mu musango walubana nelyo balaukaanya ukubomba mu mikalile yabo. (Luka 11:13; Gal. 5:22) [rs-CW ibu. 124 para. 1.]
2. Amalumbo 58:4 yalanda ica cine ukuti ‘amatwi’ ya kwa ngoshe tayomfwa pantu ngoshe mu cifyalilwa fye akwata amatwi ayakoma. [Ukubelenga Baibolo ukwa cila mulungu; moneni NW Rbi8 ibu. 1583.]
3. Abanakashi abali “umulalo ukalamba” abalumbulwa pa Amalumbo 68:11 baali banakashi bambi bambi abasha abalubwilwe na bena Israele ilyo balecimfya inko ishilwani. [Ukubelenga Baibolo ukwa cila mulungu; moneni w86-CW 10/15 ibu. 30 para. 6.]
4. Nga ca kutila inshita umuntu akafwa no musango akafwilamo fyalilembelwa libela pa bushiku afyelwe nelyo lintu ashilafyalwa, te kuti kube umulandu wa kutaluka ku masanso nelyo ukusakamana ubumi, ninshi no kuicingilila ku masanso te kuti kucefyeko imfwa sha bantu. [rs-CW ibu. 206 para. 3.]
5. Amashiwi ya kwa Paulo aya kuti “wileka muntu nelyo umo asuule ubulumendo bobe,” yalanga ukuti Timote aali fye umupungwe nelyo mu kubangilila kwa ba 20. (1 Tim. 4:12) [w99-CW 9/15 ibu. 29 amapara. 1-3; ibu. 31 para. 2.]
6. Nge fyo calembwa pa Amalumbo 110:1, amashiwi ya kuti “Shikulu wandi” yalosha kuli Yesu. [Ukubelenga Baibolo ukwa cila mulungu; moneni w94-CW 6/1 ibu. 28 para. 5.]
7. Mwi buuku lya Amalumbo, ishina Yehova lyabamo imiku ukucila pali 700, no musango waipifiwa uwa “Jah,”(NW) usangwa imiku 43, e kutila imiku yonse pamo nga kwakanya pa fikomo fyonse, mu cipandwa cimo na cimo ica Amalumbo, ishina Yehova lisangwa imiku nalimo isano. [si-CW ibu. 104 para. 23.]
8. Nangu ca kuti mu Malembo, Yesu aletwa ukuti “lesa,” nelyo fye ukuti “Lesa wa Maka,” takwaba nangu pamo apo Baibolo yalanda ukuti wa maka yonse. (Yoh 1:1, NW; Esa. 9:6, NW; Ukute. 17:1) [rs-CW ibu. 227 para. 3.]
9. Ukusambilila ibuuku lya Amapinda, na kuba kusambilila fye amano ya kwa Solomone. [si-CW ibu. 106 para. 1.]
10. Ukufunda kwa Baibolo, ukusangwa pa Amapinda 21:17, ukwa kutaluka ku ‘kutemwa umusamwe’ kulangilila ukuti ukwangala kubi pantu kutusendela inshita ya kubomba ifyacindama. [Ukubelenga Baibolo ukwa cila mulungu; moneni w97-CW 10/1 ibu. 27 para. 7.]
Asukeni ifipusho fyakonkapo:
11. Cishinka nshi tusambilila ku kufunda kusuma ukwa kwa Yesu kuli Marita? (Luka 10:40, 41) [w99-CW 9/1 ibu. 30 para. 7.]
12. Ni ku “bukata” nshi Yehova apokelele kemba wa malumbo? (Amalu. 73:24) [Ukubelenga Baibolo ukwa cila mulungu; moneni w86-CW 12/15 ibu. 28 para. 3.]
13. Ukulingana ne fyalembwa mu Amalumbo 84:1-3, kemba wa malumbo alemona shani imilimo ya bukapepa? [Ukubelenga Baibolo ukwa cila mulungu; moneni w97-CW 3/15 ibu. 8 amapara. 5-7.]
14. Bushe amalembo ya Ukusokolola 22:17 na Abena Roma 2:4, 5 yalanga shani ukuti Yehova teshibila libela nelyo ukulingila libela fyonse ifyo abantu bacita? [rs-CW ibu. 209 amapara. 1-2.]
15. Apo Abena Kristu ba kubalilapo balisumine mu Myaka 1000 iya Kuteka kwa kwa Yesu nga filya yalumbulwa mu Ukusokolola, kusonga nshi kwasukile kwalenga Abena Kristu abasangu ukukaana ici cisambilisho? [w99-CW 12/1 ibu. 6 para. 3 ukufika ku ibu. 7 para. 5.]
16. Mwakupelela nshi Abena Kristu bafwile ukwishiba ilyo ‘balelolekesha’ ifya bambi? (Fil. 2:4) [w99-CW 12/1 ibu. 29 para. 1.]
17. Cinshi catubululwa pa kulumbulwa kwa bana baume ukuti baba “nga banimbo ba miolife” ukushinguluka itebulo lya muntu nge fyalanda Amalumbo 128:3? [Ukubelenga Baibolo ukwa cila mulungu; moneni w00-CW 8/15 ibu. 30 para. 4.]
18. Nga twaba na katiina ku milimo ya kwa Lesa, cinshi tukacita? (Amalu. 139:14) [Ukubelenga Baibolo ukwa cila mulungu; moneni w93-CW 10/1 ibu. 15 para 18.]
19. Mulandu nshi Amapinda 5:3, 4 yalandila ukuti bucisenene pa numa ‘bulula nga malulu’ no ‘kutwa ngo lupanga ulwatwila kubili kubili’? [Ukubelenga Baibolo ukwa cila mulungu; moneni w00-CW 7/15 ibu. 29 para. 2.]
20. Ukulingana na Amapinda 14:29, umucetekanya kuti watwafwa shani ukutaluka ififuma mu kukanatekanya no kusakaatuka? [Ukubelenga Baibolo ukwa cila mulungu; moneni w97-CW 3/15 ibu. 13 amapara. 7-8.]
Lembenimo ishiwi nelyo amashiwi ayashilimo ayalefwaikwa pa kupwishisha ifyebo fili muli cino ciputulwa:
21. Bakasesema ba cine balelandila ․․․․․․․․ kabili baishibishe ․․․․․․․․. (Amala. 18:18-20; 1 Yoh. 4:1-3) [rs-CW ibu. 72 amapara. 2 na 3.]
22. Ubufwayo bwa Amapinda bwaba pabili, ukusambilisha ․․․․․․․․ no ․․․․․․․․. (Amapi. 1:1-4) [w99-CW 9/15 ibu. 13 para. 1.]
23. “Umwa kufisama ku Wapulamo” caba cifulo ca ․․․․․․․․ ku batungilila Lesa mu fikansa fya ․․․․․․․․ caba ‘icafisama,’ nelyo inkaama ku ․․․․․․․․. (Amalu. 91:1) [Ukubelenga Baibolo ukwa cila mulungu; moneni w86-CW 12/15 ibu. 29 para. 6.]
24.‘Ukukanalaba ifya kutesa fya kwa Yehova’ kufwile kwalyampana ku ․․․․․․․․ pa “fya kutesa fyakwe,” ifya nkumbu fya kwa Lesa nge fyo fyalondololwa mu Amalumbo 103. (Amalu. 103:2) [8, Ukubelenga kwa Baibolo ukwa cila mulungu; moneni w99-CW 5/15 ibu. 21 amapara. 5 na 6.]
25. Ipinda milandile ya kubomfya ․․․․․․․․ kabili yabelako ․․․․․․․․. [si-CW ibu. 107 para. 6.]
Saleni icasuko calungama mu fyebo fili muli cino ciputulwa:
26. Nangu line Davidi alikwete umulandu wine wine uwa kukalipila pa fyo Shauli amucitile, Davidi alilamine ubukali bwakwe pantu (alishibe ukuti Shauli aali muntu uushapwililika no kuti ababomfi ba kwa Lesa bafwile ukweleela; aletontonkanya sana pali bucibusa bwakwe na Yehova; alishibe ukuti cibi ukupingula umuntu). (1 Sam. 24:6, 15) [w99-CW 8/15 ibu. 8 para. 7.]
27. (Amano; Ukusalapula; Ubulungami) yaba mibele yabamo ifingi, pamo nga ukushilimuka, ukumfwikisha, ukucenjela, no bupanda; (ubusuma; umucetekanya; ukupingula kwafikapo) maka ya kumfwikisha umulandu no kwiluka ifyo uli ukupitila mu kutesekesha ifyo fyampene ku mulandu onse, pa kuti umo engeluka umo ulolele. (Amapi. 1:1-4) [w99-CW 9/15 ibu. 13 para. 2.]
28. Amaka Yosefe akwete aya kukaana ukucita ubulalelale na muka Potifari ayafumishe ku (Mafunde ya kwa Mose ayo aishibe ukuti yalikaanya ubulalelale; akatiina ka kucindika umulume wakwe pa mulandu wa bukalamba bwa cifulo akwete; akatamike isenge lyakwe na Yehova). (Ukute. 39:7-9) [w99-CW 10/1 ibu. 29 para. 3.]
29. Uwalembele Amalumbo 119 afwile alicindike nga nshi (icebo, nelyo amafunde ya kwa Lesa; ubupe bwa mweo; isubilo lya kupusuka), pantu aya mashiwi yalilumbulwa nalimo fye mu fikomo fyonse ifya mu Amalumbo 119. [Ukubelenga Baibolo ukwa cila mulungu; moneni w99-CW 11/1 ibu. 9 para. 5; w87-CW 3/15 ibu. 24 para. 2.]
30. Mu fipandwa fya kubalilapo fibili ifya muli kalata wa kwa Paulo ku (Abena Roma; Abena Galatia; AbaHebere), tusangamo ukwambula ukwingi ukufuma mu Amalumbo ukulosha ku (kupulamo kwa kwa; ulubatisho lwa kwa; ubutumikishi bwa pano isonde ubwa kwa) Yesu Kristu. [si-CW ibu. 105 para. 28.]
Amalembo yali pano yalinganyeni ku fyebo fili pe samba no kuyabika apo yalingile ukuba:
Amapi. 2:19; 14:15; 18:17; Rom. 10:17; Heb. 13:18
31. Pa kunonka icitetekelo, ica kubalilapo umuntu afwile ukwishiba ico Baibolo isosa no kubebeta ifishinka bwino bwino. [rs-CW ibu.125 para. 3.]
32. Abena Kristu tabafwile ukucita amakwebo ya bufumfuntungu nelyo aya kubepa abantu ica kuti balenga umuntu ku ntanshi caisamubipila. [w99-CW 9/15 ibu. 10 para. 2.]
33. Abacita bucisenene kuti bafika uko bashingabwela, e kutila ku mfwa, ilyo bashilasalapuka no kuti umusango wabo e ko ulebatwala. [w99-CW 11/15 ibu. 27 amapara. 4-5.]
34. Uwa mano kabili uwacenjela aleshiba icingafuma mu micitile yakwe, tacitila ifintu mu butuutu, ukukonkelesha fye icipya ico abantu balecita pa mulandu fye wa kuti abengi nabacitemwa. [Ukubelenga Baibolo ukwa cila mulungu; moneni g94-CW 12/8 ibu. 18 para. 1.]
35. Nangu cingatila ico umuntu alelanda cilemoneka kwati cishinka sana, ca mano ukumfwa imbali shonse shibili isha mulandu ilyo tushilasondwelela. [si-CW ibu. 111 para. 36.]