Ukubilisha

◼ Ulupapulo lwa kutambika mu January: Icitabo conse ica mabula 192 ico icilonganino cikwete icasabankanishiwe ilyo 1987 ishilafika. Ifilonganino ifikwete icitabo ca Ukusapika Lesa Ukwa Mutundu wa Muntu kuti fyacitambika. February: Ukusokolola—Akalume ka Kuko Kakalamba Nakapalama!, nelyo icitabo cimbi ica kale ica mabula 192 ico icilonganino cikwete. March: Ukwishiba Uko Kutungulula ku Mweo wa Muyayaya. Mulingile ukubombesha ukutendeka amasambililo ya Baibolo aya mu ng’anda. April: Ulupungu lwa kwa Kalinda na Loleni! Tambikeni broshuwa wa Cinshi Cintu Lesa Afwaya, pa kutendeka amasambililo ya Baibolo.

◼ Bonse bakasabankanya babatishiwa abakasangwa ku Kulongana kwa Mulimo mu mulungu wa January 28 bakapoka kardi wa Advance Medical Directive/Release na Identity Card uwa bana babo.

◼ Ukwamba mu February, ukufika pa March 3, ilyashi lya cintubwingi ilya bakangalila wa muputule likalatila: “Ukusanga Umutelelwe mu Calo ca Masanso.”

◼ Ifilonganino fifwile ukupekanya bwino pa kuti fikasefye Icibukisho uno mwaka pali Cine, March 28, cilya akasuba kawa. Nangu ca kutila ilyashi kuti lyatendeka bwangu, ukupishamo ifimpashanya kufwile kwayamba cilya kasuba kawa. Ipusheni ababombela ku fya miceele kuntu mwikala bamwebe inshita akasuba kalewa mu ncende yenu. Nangu ca kutila cilafwaikwa cila cilonganino ukuikwatila Icibukisho, ici nalimo te lyonse cingacitika. Uko ifilonganino ifingi fibomfya Ing’anda ya Bufumu imo, nalimo icilonganino cimo nelyo ifyafulilako kuti fyafwaya ukubomfya icikuulwa cimbi ici cungulo. Uko cingacitwa, tuletubulula ukuti pafwile ukupita amaminiti 40 no kucilapo ukutula apo icilonganino cimo capwila ukusefya pa kuti abasangilweko bengaipakisha ukubishanya, ukushako inshita ya kumonana na batandashi no kukoselesha abapya aba kusekelela. Mufwile ukusakamana no mwa kupita imyotoka na pa kwiminika, kumo na pa kwikishisha no kusenda abantu. Ibumba lya baeluda lifwile ukusala imitantikile ingabomba bwino kuli iyo ncende.

◼ Abasapika na bantu bambi balilanda na bamunyina abengi, ukufwaya ifyebo pa lwa Nte sha kwa Yehova no kuteyanya kwesu. Balipusha ukuti ifipepala basapikilapo filembwepo, ukubasuka amepusho yakuma ifisumino fyesu ne fisambilisho. Nga ca kutila abantu ba musango yu baipusha kasabankanya wa mu cilonganino, afwile ukubeba ishina lya kwa kangalila wa kutangilila. Baeluda kuti bayankula kuli ayo mepusho no kupeela ifyasuko fyalinga ukubomfya kalata watuminwe ku mabumba yonse aya baeluda, uwa pa April 25, 2001.

◼ Kangalila wa kutangilila nga apokelela Sitetimenti wa cilonganino cila mweshi, afwile ukumona ukuti imisangulo yonse iya Ndalama sha Sosaite isha Kukuula Amayanda ya Bufumu ne sha mulimo wa mwi sonde lyonse yabelengwa ku cilonganino ilyo kukaba ukubilisha lipoti wa ndalama uukonkelepo.

◼ Loleni! wa mu ciZulu takulafuma ubili pa mweshi lelo akulafuma fye umo.

◼ Amatepu ya Vidio Ayapya Ayalipo:

The Greatest Man Who Ever Lived—On Videocassette, Volyumu 4—mu Lulimi lwa ba Cibulu Ulwa Cina Amerika