“Mupaatulepo Fimo”

Mu cilonganino ca Bwina Kristu ica kubalilapo, kwali ifya ku mubili ifyalekabilwa ukusakamanwa. Ilyo umuntu umo na umo aletunguluka alekonkomeshiwa ‘ukupaatulapo fimo’ ifya kusangula ku kusakamana ifyalekabilwa. (1 Kor. 16:1-3) Pa mulandu wa bukapekape bwabo, bonse balesekelela pa “kufushisho kutootela kuli Lesa.”—2 Kor. 9:11, 12.

Pali ndakai umulimo wa mwi sonde lyonse uwa bantu ba kwa Yehova ulekulilako, kabili ulingile ukutungililwa mu fya ndalama. Nacilinga ukuti ‘tulepaatulapo fimo’ lyonse ku kwafwilisha uyu mulimo. (2 Kor. 8:3, 4) Ukupeela ifya ku mubili kuti kwacitwa mu nshila shalekanalekana. (Moneni Ulupungu lwa kwa Kalinda ulwa November 1, 2001, amabula 28-9.) Tumona uku kupeela ukuti lishuko ilileta insansa shine shine.—Imil. 20:35.