Ukubilisha

◼ Ulupapulo lwa kutambika mu April na May: Ulupungu lwa kwa Kalinda na Loleni! Nga umuntu atemwa bamagazini, mubikeni pa bantu mukalatwalila lyonse. Tambikeni broshuwa wa Cintu Lesa Afwaya, nge nshila ya kutendekelamo amasambililo ya Baibolo. June: Cinshi Cintu Lesa Afwaya Kuli Ifwe? nelyo Ukwishiba Uko Kutungulula ku Mweo wa Muyayaya. Abene mayanda nga balikwata ishi mpapulo, tambikeni broshuwa uulingile uo icilonganino cikwete. July: Broshuwa onse uwa mabula 32 pali uyu kuti abomfiwa apalingile: Bushe Lesa mu Cituntulu Alatusakamana?, Ipakishe Ubumi pe Sonde Kuli Pe na Pe!, “Moneni! Ifintu Fyonse Nafilenge Fipya,” Bushe Ulingile Ukusumina Muli Bulesa Butatu?, Ishina lya Bulesa Ilikatwalilila Kuli Pe na Pe, Kamfulumende Iikaleta Paradise, Cinshi Cicitika Nga Twafwa?, Cinshi Caba Imifwaile ya Bumi? Ni Shani Fintu Wingaisanga?, na Ilyo Untu Watemwa Afwa. Amabroshuwa ya A Book for All People, Our Problems—Who Will Help Us Solve Them?, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, na Will There Ever Be a World Without War?

◼ Amaofeshi yanono aya Nte sha kwa Yehova yalafwaya ukukwata akeyala ka nomba na manabala ya lamya aya bakangalila ba kutangilila bonse na bakalemba. Nga kwaba ukwaluka ukuli konse, Komiti wa Mulimo uwa Cilonganino afwile ukwisushisha, ukusaina, no kutuma formu wa Ukwalula kwa Adresi ya kwa Kangalila wa Kutangilila (S-29-CW) ku maofeshi yanono aya Nte sha kwa Yehova ukwabula ukupoose nshita.

◼ Bakalemba ba pa Cilonganino bafwile ukukwata amaformu ya Kulembeseshapo Bupainiya bwa Nshita Yonse (S-205-CW) no wa Kulembeseshapo Bupainiya bwa Kwaafwilisha (S-205b-CW). Aya maformu kuti yaordwa pali formu wa Literature Request Form (S-14). Kwateni amaformu mwingabomfya umwaka onse. Pitulukeni mu maformu ya kulembeseshapo bupainiya bwa nshita yonse pa kuti mushininkishe ukuti fyonse nafilembwapo. Abalelembesha umulimo wa nshita yonse nga nabalaba ubushiku babatishiwe, bafwile ukutunganya ubo bushiku, no kubulembako pamo.

◼ Kuli Bakangalila Bakutangilila: Tulemwipusha ukutuma ku maofeshi yanono aya Nte sha kwa Yehova ifya kukumanya ifyo mushininkishe ifikumine ukulunduluka kwa mulimo wa kushimikila pa lwa Bufumu muno Zambia ifyacitika mu myaka 30 iyapita. Mukwai tumeni mu kwangufyanya. Nalimo mwalishibako bamunyina na bankashi abo umulimo babombela Lesa kuti walenga basangwilako ilyashi lya kwaafwa. Ifya kukumanya ifyo bamupeela kuti nalimo fyakuma icitetekelo no kuipelesha, ukutasha pa kuteyanya kwa kwa Yehova, ubucindami bwa kumfwila amafunde ya mu Baibolo nelyo ukucingilila kwa kwa Yehova na fintu atungulula abantu bakwe. Nalimo umo mu cilonganino cenu balimutamfishe isukulu, alipakeswe nelyo alibombele bwino mu butumikishi. Nalimo kuti balimona nomba line ifisuma ifyafuma mu kubombesha kwabo. Mukwai shininkisheni ukuti ica kukumanya cimo na cimo nacikwata ne fi: (1) Ilyo cacitike ne ncende cacitikileko. (ii) Ishina lya ncende na bantu fyacitikile, na (iii) bushe uyo muntu amupeela ica kukumanya alashimikila lyonse kabili ne mibele yakwe mu cilonganino yaliba bwino. Kangalila wa kutangilila afwile ukupoosako amano pa kubelenga no kusaina amalipoti yonse ilyo mushilatuma ku maofeshi yanono no kulembapo ukuti Desk SB.

◼ Isukulu lya Butumikishi Ilya Kukansha: Ukutula mu December 1993 ilyo ikalashi lya kubalilapo lyatendeke, amakalashi 23 aye Sukulu lya Butumikishi Ilya Kukansha yalicitwa mu Zambia. Abasambi ba mwi kalashi lyalenga 24 balembelwe pa March 28 kabili bali no kupwisha isukulu pa May 26, 2002. Ikalashi likakonkapo likatendeka pa September 19 ukufika pa November 17. Baeluda na babomfi batumikila abashimbe abalefwaya ukuba mu makalashi yakabako ku ntanshi aye Sukulu lya Butumikishi Ilya Kukansha kuti basangwako ku kukumana kukatungululwa na bakangalila wa citungu pa kulongana kwa muputule.

◼ Lyonse ilyo mulepanga ifya kwenda pa kuya ku kulongana kwa cilonganino, ukulongana kwa muputule, nelyo ibungano lya citungu mu calo cimbi, mulingile ukwipusha pa lwa nshiku, inshita, ne fifulo ku maofeshi yanono ayatungulula umulimo muli iyo ncende. Akeyala konse aka maofeshi yanono kasangwa pe bula lya kulekelesha muli Yearbook wa nomba.

◼ Impapulo Shipya Ishilipo:

Umuntu Wakulisha Uwabalile Abako Uwa Mweo—Mu ciLubale