Ukupitulukamo kwa Kulemba Ukwe Sukulu Lya Butumikishi Bwa Teokrasi
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya September 2 ukufika ku December 23, 2002. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo Cine nelyo Bufi:
1. Ukwetetula pa mibele ya kwa Yehova iishaiwamina cintu cacindama icingatulenga ukupalama kuli wene. (Amalu. 143:5) [w00-CW 10/15 ibu. 4 para. 6]
2. Ukusuminkanya utumuti tubili ukwalumbulwa pali Esekiele 37:15-24 kwalingana no kwa muno nshiku mu kuti mu 1919 abasubwa bacitetekelo balilonganikwe kuli Kristu, ‘imfumu yabo imo’ kabili “kacema.” [Ukubelenga Baibolo ukwa cila mulungu; moneni w88-CW 9/15 ibu. 25 para. 13.]
3. Nangu line abalengulula Baibolo balitwishika ibuuku lya kwa Daniele ukuti talyaba mu lyashi lya kale, ifyashulwa fyasangwa pa myaka iingi fyalisopolola umupwilapo ukutunga kwabo. [si-CW ibu. 138 para. 4]
4. Ilyo ico twaumfwa cafuma ku ulemoneka ukukwata amaka yamo nelyo uuletunga ukuti alishiba sana fimo, takufwile ukuba umulandu wine wine uwa kusosela ukuti bufi. [w00-CW 12/1 ibu. 29 amapara. 7-8]
5. Amashiwi ya kuti “bakasesema banono” yalilinga ku kulondolola ukucepako kwa bucindami bwa mabuuku 12 aya kulekelesha mu Malembo ya ciHebere. [si-CW ibu. 143 para. 1]
6. Amose ali “mwana wa kwa kasesema” ilyo Yehova amwitile no kumutuma ku kusesema mu Yuda na mu Israele. (2 Isha. 2:3) [si-CW ibu. 148 para. 1]
7. Obadia icikomo 16 asobela ukukufiwa kwa luko lwa Edomu pa mulandu wa kupata Yuda. (Obad. 12) [Ukubelenga Baibolo ukwa cila mulungu; moneni w89-CW 4/15 ibu. 30 umukululo.]
8. Mu “lulimi lwine lwine” ulwalumbulwa pali Sefania 3:9 mwaba no kumfwikisha icine pa lwa kwa Lesa no bufwayo bwakwe. [Ukubelenga Baibolo ukwa cila mulungu; moneni w01-CW 2/15 ibu. 27 para. 18.]
9. Icasakamike Yesu mwi bala lya Getsemane musango ali no kufwilamo nga mpulamafunde wasuulwa, ukumona ifyo ici cali no kukuma Yehova ne shina Lyakwe ilya mushilo. (Mat. 26:38; Luka 22:44) [w00-CW 11/15 ibu. 23 para. 1]
10. “UmuPelishiti” uwaba ‘ngo musheikh muli Yuda,’ nga filya calondololwa pali Sekaria 9:6, 7, mu kusesema emininako ababa mu mpaanga shimbi abakanshiwa ku “musha wa cishinka kabili uwashilimuka” kabili alabapeela amaka bakabila. (Mat. 24:45) [Ukubelenga Baibolo ukwa cila mulungu; moneni w95-CW 7/1 ibu. 23 para. 14.]
Asukeni ifipusho fyakonkapo:
11. Umulimo wesu uwa kushimikila kuti wapashanishiwa shani ku mulimo wa kwa Esekiele uwa kucefya? (Esek. 33:1-11) [Ukubelenga Baibolo ukwa cila mulungu; moneni w88-CW 1/1 ibu. 28 para. 13.]
12. Icimonwa ca kwa Esekiele ica mafupa yauma capashanishiwa shani ku fyacitike mu nshita sha nomba? (Esek. 37:5-10) [Ukubelenga Baibolo ukwa cila mulungu; moneni w88-CW 9/15 ibu. 24 para. 12.]
13. Bushininkisho nshi bwacilapo ukushinina ubwa kupuutwamo kwa bulesa ukwe buuku lya kwa Sekaria? (Seka. 9:2-4) [si-CW ibu. 169 para. 5]
14. Cinshi umusumba wa mu cimonwa ca kwa Esekiele waleimininako? (Esek. 48:15-17) [Ukubelenga Baibolo ukwa cila mulungu; moneni w99-CW 3/1 ibu. 18 para. 22.]
15. Bushe kuti twapelulula shani pali Esaya 2:2-4 ukuti ifyalembwapo tafilefikilisha mu kulungatika ukusesema kwa mu Baibolo pa lwa kwa Israele lelo? [rs-CW ibu. 37 para. 1]
16. Cinshi twingasambilila ku fyo Daniele ayankwile kwi funde lya mfumu ilya kulesha umuntu ukwipusha ku mulungu umbi nelyo umuntu kano fye ku Mfumu mpaka inshiku 30 shapita? (Dan. 6:7-10) [Ukubelenga Baibolo ukwa cila mulungu; moneni dp-CW ibu. 125 amapara. 25-8.]
17. Bukombe nshi ubwa kwa Yehova ubo abashalapo babilisha nge nkalamo mu fyalo? (Mika 5:8) [Ukubelenga Baibolo ukwa cila mulungu; moneni w82-CW 1/15 ibu. 22 para. 10.]
18. Ni mwi yalola amashiwi ya kuti “mwatula ku nkoto shenu imitwe ya fita,” ayaba pali Habakuki 3:14? [Ukubelenga Baibolo ukwa cila mulungu; moneni w00-CW 2/1 ibu. 22 para. 15; w82-CW 2/1 ibu. 30 amapara. 1-2.]
19. Mulandu nshi ishiwi lya kuti “napamo” lyabomfeshiwa pali Sefania 2:3? [Ukubelenga Baibolo ukwa cila mulungu; moneni w01-CW 2/15 ibu. 19 para. 8.]
20. Ukulingana na Sekaria 8:6, imyaka ukutula mu 1919, ni shani fintu Yehova aapwilikisha icali no kumoneka nge cipesha mano ku mimwene ya buntunse? [Ukubelenga Baibolo ukwa cila mulungu; moneni w96-CW 1/1 ibu. 16 amapara. 18-19.]
Lembenimo ishiwi nelyo amashiwi ayashilimo ayalefwaikwa pa kupwishishisha ifyebo fili muli cino ciputulwa:
21. Tulanda kuli Yehova ukupitila mwi ․․․․․․․․, ipepo lyaba kulanda kuli Lesa; na o, inshila ikalamba iyo alandilamo na ifwe kupitila mu․․․․․․․․. (Amalu. 65:2; 2 Tim. 3:16) [2, w00-CW 10/15 ibu. 5 amapara. 2-3]
22. Yesu Kristu kuti aitwa Mikaele nga kulinganya Yuda 9 na 1 Abena Tesalonika 4:16, apo ifunde lya kwa Yesu Kristu ilya kubuuka ukutendeka lyalondololwa nge․․․․․․․․ kabili, ishina Mikaele lipilibula ukuti․․․․․․․․,” ishina mu kushininkisha lilangisha Mikaele nga umo uubuulo kutungulula mu kwikatilila bumulopwe bwa kwa Yehova no kulaonaula abalwani ba kwa Lesa. [4, rs-CW ibu. 436 amapara. 3-4]
23. “Ukufuma kwa cebo ku kulenga Yerusalemu ukwikalwamo no kukuulwa” kwafishiwepo mu ․․․․․․․․, apa pene e patendekele imilungu 69 iya myaka, iyapwile lintu Mesia amoneke mu ․․․․․․․․. (Dan. 9:25) [8, Ukubelenga Baibolo ukwa cila mulungu; moneni dp-CW ibu. 190 para. 20 ukufika kwi bu. 191 para. 22.]
24. Ilembo lya kwa Yoele 2:31, ilishimika ulwa kasuba ukwaluka imfifi, lyalinganishiwa kuli Mateo 24:29, 30, apo ․․․․․․․․ alondolola ukwisa kwakwe ngo Mwana wa muntu na ․․․․․․․․. [si-CW ibu. 147 para. 13]
25. Ukusesema kwa kwa ․․․․․․․․ ukukuma kuli Ashuri no musumba wa uko uukalamba, ․․․․․․․․, kusumbula ubupingushi bwa kwa Yehova na bumulopwe bwakwe kabili kutulenga ukucetekela ukuti akalinganya ubulungi ku babifi bonse. [si-CW ibu. 160 para. 11]
Saleni icasuko calungama mu fyebo fili muli cino ciputulwa:
26. Ibuuku lya kwa Esekiele likomaila pa kuti Yehova (ni kapekape; aliicefya; wa mushilo) kabili lilenga ukwishibikwa ukuti (ukulunduluka kwa mibele ya muntu; ukushishiwa kwe shina lya kwa Yehova; ukuba umwina mupalamano musuma) kwalicilapo ukukatama pali conse cimbi. [si-CW ibu. 137 para. 33]
27. Esekiele, uwaikeleko pa nshita imo ine na Daniele, ashininkisha ukuti Daniele ali muntu wa cine cine, ukumulumbula pamo pene na (Noa na Yobo; Mose na Yoshua; Eliya na Elisha). [si-CW ibu. 138 para. 2]
28. Ukulingana na Daniele 2:34, 35, 45, ilibwe lifwanta no kushonaula icimpashanya limininako (Armagedone; ubukombe bwatapata ubo abantu ba kwa Lesa babilisha; Ubufumu bwa buMesia). [si-CW ibu. 142 amapara. 20 na 23]
29. Uluko lwa kwa makanta ulwa mampalanya ulwalumbulwa pali Yoele 1:4-6 lwimininako (uluko lwa Israele; Abena Kristu basubwa; ifita fya ciRoma). (Imilimo 2:1, 14-17) [Ukubelenga Baibolo ukwa cila mulungu; moneni w98-CW 5/1 ibu. 9 para. 9.]
30. “Ubufumu bwa Mwana wakwe uwatemwikwa” ubwalumbulwa pa Abena Kolose 1:13 (Bufumu bwa buMesia; kuteka kwa kwa Kristu pa cilonganino ca Bwina Kristu ukutendeka pa Pentekoste mu 33 C.E. ukuya na ku ntanshi; Kuteka kwa Myaka Ikana Limo ukwa kwa Kristu). [rs-CW ibu. 263 para. 1]
Lilinganyeni amalembo yali pano ku fyebo fili pe samba no kuyabika apo yalingile ukuba:
Hos. 6:6; Yoele 2:32; Seka. 4:6, 7; 13:3; Rom. 12:2
31. Tatufwile ukuleka intambi nelyo ifipimo fya ku calo ukumumunga imitontonkanishishe yesu. [w00-CW 11/1 ibu. 21 para. 5]
32. Ico Lesa abekelwamo, te bwingi bwa malambo yapeelwa aya kusefya kwaishibikwa, lelo cikuuku ca kutemwa icashimpwa pa kwishiba. [Ukubelenga Baibolo ukwa cila mulungu; moneni si-CW ibu. 145 para. 16.]
33. Ifikabilwa pa kupusunsuka fyaba kwishiba, ukucindika, no kushintilila pali uyo uwakwata ishina lya bulesa. [Ukubelenga Baibolo ukwa cila mulungu; moneni w89-CW 3/15 ibu. 30 umukululo.]
34. Ubufwayo bwa kwa Lesa bulafishiwapo te ku maka ya buntunse ayali yonse lelo ni ku mupashi wakwe, uulenga ababomfi bakwe ukucimfya amafya no kushipikisha mu mulimo wa bulesa. [si-CW ibu. 169 para. 2]
35. Bucishinka ubwishibisha ukuteyanya kwa kwa Yehova bwacila pa kwampana kwa buntunse ukuli konse, pamo nga ukwa bantu batemwana sana aba ku mubili no mulopa. [si-CW ibu. 171 para. 24]