Ukubilisha

◼ January: Icitabo conse ica mabula 192 icasabankanishiwe ilyo 1988 ishilafika kuti catambikwa. Ifilonganino ifishikwete ifitabo fya kale ifya mabula 192 kuti fyatambika icitabo ca Ukusapika Lesa Ukwa Mutundu wa Muntu. February: Icitabo cipya ica Palameni Kuli Yehova cakulatambikwa. March: Icitabo ca Ukwishiba Uko Kutungulula ku Mweo wa Muyayaya. Bombesheni ku kutendeka amasambililo ya Baibolo aya pa ng’anda. April na May: Tambikeni bamagazini ba Ulupungu lwa kwa Kalinda na Loleni! Ilyo mulebwelela ku balefwaya ukusambilila, abengaba napamo ni balya abasangwa ku Cibukisho nelyo abasangwa ku kulongana kumbi ukwa fya Bufumu lelo abashibishanya sana ne cilonganino, pooseni sana amano ku kushalika icitabo capyana icitabo ca Abaikatana (e kuti icitabo ca Pepeni Lesa Wine Wine Eka). Bombesheni ku kutendeka isambililo lya Baibolo ilya pa ng’anda, maka maka nga ca kuti bamo balisambilila kale kale icitabo ca Ukwishiba na broshuwa wa Cintu Lesa Afwaya.

◼ Ukutendeka mu February, ukufika pa March 2, ilyashi lya cintubwingi ilya bakangalila wa muputule likalati “Ukulubulwa ku Calo ca Mfifi.”

◼ Ifilonganino fifwile ukupekanya bwino pa kuti fikasefye Icibukisho uno mwaka pali Citatu, pa April 16, cilya akasuba kawa. Nangu ca kuti ilyashi kuti lyatendeka bwangu, ukupishamo ifimpashanya kufwile ukucitwa cilya akasuba kawa. Ipusheni ababombela ku fya miceele uko mwabela bamwebe inshita akasuba kakawa mu ncende yenu. Uko ifilonganino ifingi fibomfya Ing’anda ya Bufumu imo, nalimo icilonganino cimo nelyo ifyafulilako kuti fyafwaya ukubomfya icikuulwa cimbi ico cungulo. Uko cingacitwa, tuletubulula ukuti pafwile ukupita amaminiti 40 no kucilapo ukutula apo icilonganino cimo capwila ukusefya pa kuti abasangilweko benganonkelamo sana pali aka kashita. Mufwile ukusakamana no mwa kupita bamotoka na pa kwimika, pamo na pa kwishisha no kusendela abantu. Ibumba lya baeluda lifwile ukusala imitantikile ingabomba bwino kuli iyo ncende.

◼ Kangalila wa kutangilila afwile ukubebeta capamo na kalemba ifyakonkapo: Bushe kuli bakasabankanya abakuukile mu cilonganino nomba line? Bushe kalata alitumwa kuli baeluda ba ku filonganino uko aba bakasabankanya baya pa kuti bengasengelwa no kwaafwiwa na bamunyinabo kulya? Bushe kuli bakasabankanya abakuukila mu cilonganino cenu nomba line? Bushe kalemba alilembeshanya na kalemba wa cilonganino ico bafumineko? Bushe ifyalembwa fya bukasabankanya fyalitumwa?